Este 1:10 - Maktub gə́ To gə Kəmee

¹⁰ Ndɔ gə́ njekɔm’g siri lé loo gə́ mee mbai lelee gə goo mán-nduú gə́ rəa ndá yeḛ un ndia ar Mehuman ləm, gə Bista ləm, gə Harbona ləm, gə Bigta ləm, gə Abagta ləm, gə Jetar ləma, gə Karkas ləm tɔ, deḛ gə́ siri nee gə́ to njékaa dɔ kulaje no̰ mbai Asuerus’g lé

Este 1:10 ပူးပေါင်းရင်းမြစ်များ

Gḭ-Néje 43:34

Jisəb ar dee d’un nésɔ gə́ to nea̰’g d’aw kai dee ndá Bḛjami iŋga kea̰-yeḛ ur dɔ ka̰ dee-deḛ’g gɔl mi. Deḛ d’ai ndá d’al rɔ dee səa na̰’d.

2 Samel 13:28

Absalɔm un ndia ar kuraje ləa pana: Ooje maji, loo gə́ kido tɔl Amno̰ ar rəa lelee aree aw al rəa mbata kido ɓa m’a kula si pana: Tɔlje Amno̰! Ndá tɔleeje ya ɓó ɓəlje el, see to ma ɓa gə́ njekun ndum kar sí el wa. Aarje njaŋg ɓó gə waje diŋgam meḛ sí’g to!

Este 1:9

Basti gə́ to dené lə mbai lé kara ra muru-gad wɔji ne dɔ denéje gə́ mee kəi-mbai’g lə mbai Asuerus lé tɔ.

Este 3:15

Njékaḭkulaje d’ɔs rɔ dee ɓad d’aw ne gə goo ndukun lə mbai lé. Ndukun neelé d’ila mberee mee ɓee-boo’d gə́ Susə tɔ. Yen ŋga loo gə́ mbai deḛ gə Aman d’isi d’ai né bèe-bèe ndá dəwje gə́ ɓee-boo gə́ Susə lé d’aw dɔ na̰’d bèe wur-wur tɔ.

Este 7:9

Bèe ɓa Harbona, dəw kára gə́ mbuna njékaa dɔ néje’g pa kəm mbai’g pana: Aa oo, kag gə́ Aman gɔl gə́ ŋgalee as kəmkil dəw rɔ-mi lé d’ur mee kəi’g ləa mbata lə Mardose, yeḛ gə́ pata gə́ maji aji ne mbai lé. Mbai pana: Maji kar dee ɗar Aman ya dɔ’g.

Gosota-Kəmkàrje 20:1

Man-nduú gə́ mḭ to njekula sul dɔ loo’g ləm, Nékaije gə́ mḭ ar njekaiee ra ne né tar ɓəgəgə-ɓəgəgə ləm tɔ, Nana ɓa gə́ ra ɓəree ndá kəmkàr lalee.

Gosota-Kəmkàrje 31:4

Lemuel, né gə́ kəm kar mbaije ra el lé Kai mán-nduú gə́ mḭ lé to né gə́ kəm kar mbaije ra el ləm, To kəm kar mbaije kara saŋg goo kidoje gə́ mḭ el ləm tɔ.

Njekillamber 10:19

Dəw lé ra muru-gad gə mba ndam ne ləm, mán-nduú aree al rəa ləma, lar ɓa to nékwa dɔ gɔl néje lai ləm tɔ.

Njéga̰g-Rəwtaje 16:25

Dan rɔlel gə́ meḛ dee’g kəi lé dee pana: Maji kar dee ɓar Samso̰ d’aree ree ra ne ar sí n’kogoje ne. D’ar Samso̰ unda loo kəi-daŋgai’g teḛ ndá d’aree ndam no̰ dee’g. D’aree aar mbuna kagje’d gə́ gəd kəi lé.

Njéga̰g-Rəwtaje 19:6

Bèe ɓa deḛ joo bɔr d’isi naŋg d’usɔ gə d’ai. Tɔɓəi bɔ denéje lé ula məmeeje lé pana: M’ra ndòo rɔi’g, maji kari to naŋg loondul’g nee ya ɓəi mba kar məəi to lɔm ɓa.

Rudu 3:7

Boaj lé loo gə́ sɔ né ləm gə ai né ləm tɔ ndá rəa kara lelee ya tɔ. Yeḛ ɔd aw to naŋg ŋgaŋ koje’g ləa gə́ dɔm dɔ na̰’d lé tɔ. Yen ŋga Rudu ree yo̰roŋ bèe ree un kubu dɔ gɔlee’g ndá rəm to naŋg gə́ gɔlee’g gogo lé ləm tɔ.