Esdras 9:7 - Maktub gə́ To gə Kəmee

⁷ Un kudee mee ndəa’g lə bɔ síje-je lé ta gə́ boo wa dɔ sí saar teḛ ɓogənè ndá gə goo néra kori-korije lə sí ɓa deḛ d’ɔm sí ne jeḛ gə mbaije lə sí gə njékinjanéməsje lə sí ji mbaije gə́ to dəw-dɔ-ɓeeje ləm, gə ta kiambas’g ləm, d’wa sí gə́ ɓərje ləm, d’unda sí banrɔ ləma, d’ar rɔkulee wa kəm sí saar ɓogənè ləm tɔ.

Esdras 9:7 ပူးပေါင်းရင်းမြစ်များ

1 Mbaije 8:47

ɓó lé deḛ nja d’ə̰ji ta meḛ dee’g mee ɓee-ɓər gə́ d’aw sə dee keneŋ ɓa deḛ tel ra ndòo rɔi’g mee ɓee gə́ d’aw sə dee gə́ ɓər keneŋ lé pa ne pana: Jeḛ n’raje kaiya, n’raje néje gə́ majel, jeḛ n’raje néje gə́ to lée’g el

2 Sôrta Gḭka Israɛlje 29:6

Mbata bɔ síje-je ra kaiya, deḛ ra né gə́ majel kəm Njesigənea̰, Ala’g lə sí ləm, deḛ d’ubá d’yá̰ ləm, deḛ d’un kəm dee rəw dɔ kəi-kubu-kiŋga-na̰’g lə Njesigənea̰ ləma, deḛ tel gir dee d’ila d’aree ləm tɔ.

2 Sôrta Gḭka Israɛlje 30:7

Maji kar sí ndajije kəm bɔ síje gə ŋgako̰ síje gə́ ra kaiya d’ɔs ne ta lə Njesigənea̰, Ala lə bɔ deeje-je rəw aree ya̰ dee ne dan tuji’g to gə́ seḭ ooje bèe lé el tɔ.

2 Sôrta Gḭka Israɛlje 34:24

Njesigənea̰ pa togə́bè pana: Aa ooje, m’a gə kar nékəmndooje teḛ dɔ loo gə́ nee’g ləm, gə dɔ dəwje gə́ d’isi keneŋ ləm tɔ. Yee ɓa gə́ néndɔlje lai gə́ ndaŋg mee maktub gə́ tura no̰ mbai gə́ Juda’g lé.

Esdras 9:13

Nɛ gə goo néje lai gə́ teḛ dɔ sí’g mbata lə néra gə́ yèr lə sí, gə ta gə́ boo gə́ wa dɔ sí lé əi Ala lə sí, i ar bo̰ néra sí ɔs ta sí’g gə goo bula lə kaiya ra sí el, ar ɓasinè kara i ŋgəm njé gə́ na̰je ar dee teḛ dan né gə́ bèe’g tɔ.

Nehemi 9:30

I ila məəi po̰ dɔ dee’g ləbi bula ləm, I ndəji dee kɔr gə ndili. Gə rəw gə́ rɔ njéteggintaje’g ləi ləm tɔ, Nɛ deḛ tuga mbi dee d’oo ne ta ləi el. Togə́bè ɓa i uba dee ne ya̰ dee ne Ji koso-dəwje gə́ to dəw-dɔ-ɓeeje’g.

Esai 64:4

I ɔr no̰ yeḛ gə́ ra né gə́ gə dɔ najee gə rɔlel ləm, Gə no̰ deḛ gə́ njaa gə kila-rəwje ləi, D’ar meḛ dee olé ne dɔi’g ləm tɔ. Nɛ məəi ḭ səi jugugu mbata jeḛ n’raje kaiya. Yee ɓa jeḛ j’isije ne dan némeeko̰’g kur sí əw Saar ɓa i ɔr sí danee’g ɓəi.

Jeremi 25:18

Ma m’ar deḛ gə́ d’isi Jerusalem ləm, gə ɓee-booje gə́ Juda ləm, gə mbaije ləa ləma, gə ŋgan-mbaije ləa ləm tɔ lé d’ai, gə mba kar ɓee lé tel to ne dɔ nduba ləm, gə néno̰ ləm, gə nékula sul dɔ’g ləma, gə né gə́ ndɔl wa dəa ləm tɔ, to gə́ seḭ ooje ne ɓogənè bèe lé ya tɔ.

Jeremi 3:25

Jeḛ lé n’toje naŋg dan rɔkul’g ləm, Rɔkul gə́ boo ɓa gə́ néko̰ dɔ sí ləm tɔ, Mbata jeḛ n’raje kaiya j’ɔsje ne ta lə Njesigənea̰, Ala lə sí rəw Jeḛ gə bɔ síje-je Un kudee loo gə́ jeḛ nai ne basa ɓəi Saar teḛ ɓogənè ləm, Jeḛ j’oo ndu Njesigənea̰, Ala lə sí gə́ né el ləm tɔ.

Jeremi 32:23

Deḛ ree keneŋ, deḛ taa gə́ né ka̰ dee. Nɛ deḛ d’ila ŋgonkoji dɔ tapai’g el ləm, deḛ d’aa dɔ godnduije kər-kər el ləma, deḛ ra néje lai gə́ i un ndui dɔ’g mba kar dee ra lé el ləm tɔ. Yee gə́ bèe ɓa i ar nékəmndooje lai neelé teḛ ne dɔ dee’g gə mbəa.

Jeremi 32:32

Mbata néramajelje lai gə́ Israɛlje gə Judaje ra d’ar məəm ḭ ne səm pu, deḛ ləm gə mbaije lə dee ləm, gə ŋgan-mbaije lə dee ləm, gə njékinjanéməsje lə dee ləm, gə njéteggintaje lə dee ləm, gə dəwje gə́ Juda ləma, gə deḛ gə́ d’isi Jerusalem lé ləm tɔ.

Jeremi 44:22

Njesigənea̰ askəm kila mée gə́ kédé-kédé el mbata néra meeyèrje lə sí ləm, gə mbata néraje gə́ mina̰ gə́ seḭ raje lé ləm tɔ. Yee ɓa ɓee lə sí tuji ne pugudu ləm, tel to ne dɔ nduba ləma, tel to ne nékila ndɔl dɔ’g ləm tɔ, to gə́ dəwje lai d’oo ne ɓogənè lé.

Jeremi 44:9

See meḛ sí wəi dɔ néra majelje’g lə bɔ síje-je ləm, gə néra majelje lə mbaije gə́ Juda ləm, gə néra majelje lə denéje lə dee ləm, gə néra majelje lə sí ləma, gə néra majelje lə denéje lə sí ləm tɔ gə́ seḭ raje mee ɓee gə́ Juda gə mba̰-rəwje gə́ Jerusalem lé wa.

Nɔ̰-ndôo gə́ wɔji dɔ Jerusalem 5:7

Bɔ síje-je ɓa ra kaiya Ndá deḛ godo mba̰ Nɛ jeḛ ɓa j’isi j’oo ko̰-néra gə́ kori-korije lə dee.

Ejekel 11:9

N’a kar sí undaje loo mee ɓee-boo’g neelé teḛje ləm, n’a kuba sí kya̰ sí ji dəw-dɔ-ɓeeje’g ləma, n’a gaŋgta dɔ sí’g ləm tɔ.

Ejekel 39:23

Bèe ɓa ginkoji dəwje gə raŋg d’a gər ne to gə́ néra kori-korije lə gel-bɔje lə Israɛl ɓa ar dee d’aw ne sə dee ɓee-ɓər’g gə mbəa ləm, to mbata koji gə́ deḛ d’ila dɔ neḛ’g el ləm tɔ, yee ɓa neḛ n’iya ne sə dee kəm neḛ ləm, neḛ n’uba dee ne n’ya̰ dee ne ji njéba̰je’g lə dee gə mba kar dee-deḛ lai d’wəi ne yoo-kiambas ləm tɔ.

Bula lə Israɛlje 32:14

Aa ooje, seḭ taaje tor bɔ síje asəna gə kó dəwje gə́ njékaiyaje gə mba kar oŋg lə Njesigənea̰ ḭ ne dɔ maree’d gə́ kédé-kédé dɔ Israɛlje’g ya tɔɓəi.

1 Samel 12:15

Nɛ ɓó lé seḭ ilaje koji dɔ godndu Njesigənea̰’g el ləm, seḭ toje njékɔs ta lə Njesigənea̰ rəwje ləm tɔ ndá ji Njesigənea̰ a rɔ sə sí to gə́ rɔ ne gə bɔ síje-je bèe ya tɔ.