Esdras 9:12 - Maktub gə́ To gə Kəmee

¹² Bèe ndá maji kar sí j’ar ŋgan síje gə́ dené taa ŋgan deeje gə́ diŋgam el ləm, j’a taaje ŋgan deeje gə́ dené kar ŋgan síje gə́ diŋgam el ləma, j’a saŋgje goo si dan maji’g lə dee əsé dan nébaoje’g lə dee el ləm tɔ saar gə no̰. Bèe ɓa siŋga sí a kḭ ne dɔ maree’g ləm, j’a sɔje ne némajije lə ɓee neelé ləma, j’a karee to ne gə́ nénduba lə ŋgan síje saar gə no̰ ləm tɔ.

Esdras 9:12 ပူးပေါင်းရင်းမြစ်များ

1 Sôrta Gḭka-Israɛlje 28:8

Ɓasinè, kəm Israɛlje’g lai ləm, gə loo-mbo̰-dɔ-na̰’g lə koso-dəwje lə Njesigənea̰ ləma, gə kəm Ala’g lə sí gə́ oo ndu sí ləm tɔ lé godnduje lai gə́ to ka̰ Njesigənea̰, Ala lə sí lé maji kar sí taaje dɔɓəŋgərə sí’g mba kaa dɔ dee kər-kər gə mba kar sí taaje ɓee gə́ maji dum neelé gə́ né ka̰ sí gə́ seḭ a kya̰je gə́ nénduba karje ŋgan síje gə́ goo sí’g gə́ kédé-kédé tɔ.

2 Sôrta Gḭka Israɛlje 19:2

Jehu, ŋgolə Hanani, njetegginta aw aar nea̰’g ndá yeḛ ula mbai Josapat lé pana: Dəw gə́ njemeeyèr lé see kəm la səa əsé deḛ gə́ d’ə̰ji Njesigənea̰ bəḭ-bəḭ lé see kəm kunda dee dan kəmi’g wa. Gelee gə́ nee ɓa oŋg lə Njesigənea̰ ḭ ne səa pu dɔi’g gə mbəa.

Esdras 9:2

Mbata deḛ taa ŋgan deeje gə́ dené gə́ denéje lə dee ləm, gə taa dee d’ar ŋgan deeje gə́ diŋgam ləm tɔ, yee ɓa deḛ d’ula ne gel koji dee gə́ to gə kəmee lé na̰’d gə ka̰ dəw-mee-ɓeeje neelé ya, ŋgan-mbaije gə njékoogootaje lé ɓa gə́ njé gə́ dɔtar gə́ njéra kaiya neelé.

Teḛ-Raga 23:32

Seḭ a manje rɔ sí kar deeje mba kɔmje ne sə dee na̰’d el ləm, gə kar magəje lə dee el ləm tɔ.

Gosota-Kəmkàrje 13:22

Dəw gə́ njemeemaji lé Nénduba ləa to mbata ŋgan meḛ ŋganeeje, Nɛ nébaoje lə njekaiya lé D’unda kul mbata lə njemeekarabasur.

Gosota-Kəmkàrje 20:7

Njemeekarabasur lé njaa gə goo rəbee, Rɔlel nai gə ŋganeeje gə́ gée’d gogo.

Esai 1:19

Ɓó lé seḭ ḭje gə meḛ sí Mba koo ne ta ləm ndá Seḭ a sɔje némajije Gə́ ur dɔ mareeje mee ɓee’g neelé,

Tel tura Godndu 23:6

Nɛ Ala lə sí gə́ Njesigənea̰ ndigi koo ta lə Balaam el ndá, yeḛ ar ta ndɔl lé tel to ndutɔr dɔ sí’g mbata yeḛ unda sí dan kəmee’g ya.

Tel tura Godndu 23:7

Seḭ a saŋgje meelɔm lə dee əsé si maji lə dee nda̰ el loo gə́ seḭ síje ne kəmba lé saar-saar gə no̰ ya.

Tel tura Godndu 7:3

Seḭ a taa deeje gə́ denéje el ləm, seḭ a karje ŋgan síje gə́ dené taa ŋgan deeje gə́ diŋgam el ləma, seḭ a taaje ŋgan deeje gə́ dené mbata lə ŋgan síje gə́ diŋgam el ləm tɔ,