Esdras 9:1 - Maktub gə́ To gə Kəmee

¹ Loo gə́ rudu néje neelé un ɗiao mba̰ ndá ŋgan-mbaije ree rɔm’g pana: Dəwje gə́ Israɛl ləm, gə njékinjanéməsje gə Ləbije ləm tɔ lé d’unda rɔ dee ɓəd mbuna dəw-mee-ɓeeje’g neelé el ləm, ndá deḛ ndaji ne néra deeje gə́ mina̰ gə́ to kḛji gə́ to néra Kana̰je ləm, gə Hetje ləm, gə Peresje ləm, gə Yebusje ləm, gə Amo̰je ləm, gə Moabje ləm, gə Ejiptəje ləma, gə Amɔrje ləm tɔ.

Esdras 9:1 ပူးပေါင်းရင်းမြစ်များ

Gḭ-Néje 15:16

Ŋgakaije gə́ njekɔm’g sɔ lé d’a tel ree loo gə́ nee’g gogo ɓəi. Mbata néra Amɔrje gə́ ndɔji pɔdɔdɔ lé nai ɓəi ɓó teḛ lai el ɓəi.

1 Mbaije 11:1

Mbai Salomo̰ taa denéje gə́ dɔ ɓee’d gə́ raŋg ɔm dee dɔ ŋgolə Parao̰ gə́ dené’g yeḛ təa kédé lé: deḛ gə́ to Moabje ləm, gə Amo̰je ləm, gə Edɔmje ləm, gə Sido̰je ləma, gə Hetje ləm tɔ.

2 Sôrta Gḭka Israɛlje 33:2

Yeḛ ra né gə́ majel kəm Njesigənea̰’g gə goo néraje gə́ mina̰ lə ginkoji dəwje gə raŋg gə́ Njesigənea̰ tuba dee no̰ Israɛlje’g lé.

2 Sôrta Gḭka Israɛlje 8:7

Koso-dəwje lai gə́ nai gə́ to Hetje, gə Amɔrje, gə Peresje, gə Hebje gə Yebusje lé deḛ to gə́ Israɛlje el,

Esdras 10:2

Yen ŋga Sekania, ŋgolə Jehiel gə́ to gə́ mbuna gel-bɔje’g lə Elam lé un ta ula Esdras pana: Jeḛ n’raje kaiya j’ɔs ne Ala lə sí rəw loo gə́ jeḛ n’taaje denéje gə́ ginkoji dee raŋg gə́ mee ɓee’g neelé. Nɛ lé bèe kara ɓasinè né gə́ kəm kar Israɛlje d’unda meḛ dee yel dɔ’g lé to keneŋ ya ɓəi.

Esdras 10:8

tɔɓəi gə goo ndukun lə ŋgan-mbaije gə ŋgatɔgje lé nana ɓa gə́ teḛ keneŋ mee ndɔ gə́ munda’g lé el ndá d’a taa néje ləa mbad ləm, yeḛ nja kara d’a kɔgee loo-siée loo-kwa-dɔ-na̰’g lə deḛ gə́ d’ḭ ɓee-ɓər’g tel ree lé ləm tɔ.

Nehemi 13:23

Mee ndəa’g neelé ma m’oo Jibje gə́ taa denéje gə́ to Asdodje əsé Amo̰je əsé Moabje tɔ.

Nehemi 4:3

Yen ŋga jeḛ n’raje tamaji ta Ala’g lə sí ləm, jeḛ j’undaje njéŋgəmlooje dan kàrá gə loondul’g mba kar dee d’aḭ bada dɔ sí’g d’oma̰ ne sə dee ləm tɔ.

Nehemi 4:7

Gelee gə́ nee ɓa m’unda njérɔje gə goo gel-bɔje lə dee lə dee mee looje gə́ oso naŋg gir ndògo-bɔrɔ’g ləm, gə dɔ naŋg gə́ tudu kurum-kurum’g ləm tɔ ndá deḛ lai d’wa kiambasje əsé niŋga-ndəije əsé ɓandaŋgje lə dee ji dee’g ji dee’g.

Nehemi 9:2

Deḛ gə́ to gə́ ginkoji Israɛlje lé d’ɔr rɔ dee gə́ raga rɔ deḛ lai gə́ to dəw-dɔ-ɓeeje’g ndá deḛ teggin kaiya lə dee ləm, gə néra kori-korije lə bɔ deeje-je ləm tɔ.

Pakɔsje 106:35

Deḛ lé pélé na̰ wəs-wəs gə ginkoji dəwje gə raŋg Ndaji ne néra dee ləm,

Teḛ-Raga 13:5

Loo gə́ seḭ a ka̰dje mee ɓee’g lə Kana̰je, gə́ to ɓee lə njé gə́ Het, gə Amɔrje, gə Hebje, gə njé gə́ Yebus lé, ɓee gə́ yeḛ Man rəa ar bɔ síje gə mba kar sí lé, to ɓee gə́ mbà gə ubu tə̰ji to keneŋ yaa̰ lé ndá seḭ a raje naḭ neelé mee naḭ’g neelé ya.

Teḛ-Raga 23:23

Kura ləm gə́ dara a kaw no̰ sí’g gə mba kɔr no̰ sí teḛ sə sí mee ɓee’g lə Amɔrje ləm, gə Hetje ləm, gə Peresje ləm, gə Kana̰je ləm, gə Hebje ləm, gə Yebusje ləm tɔ ndá m’a kar dee d’udu bo̰-bo̰ ya.

Teḛ-Raga 33:16

See dəwje d’a gər to gə́ ma jeḛ gə koso-dəwje ləi n’taaje kəmi rəgm to gə́ ban wa. See a to korè gə́ i a korè sə sí rəw na̰’d més lé ɓa, jeḛ j’a tel to ne koso-dəwje gə́ n’toje ɓəd mbuna dəwje’g lai-lai dɔ naŋg nee lé el wa.

Esai 52:11

Ḭje lée’g neelé undaje loo teḛje, gə́ teḛje ya! Tibije mbɔr né gə́ mina̰ kára kara el! Saaje rɔ sí rɔ dee’g. Ɔrje won kaiya rɔ sí’g, Seḭ gə́ odoje nékulaje lə Njesigənea̰ lé!

Jeremi 26:10

Loo gə́ ŋgan-mbaije gə́ Juda d’oo ta néje neelé ndá d’ḭ mee kəi’g lə mbai d’aw kəi’g lə Njesigənea̰, d’aw d’isi takəi’g lə Njesigənea̰ gə́ ria lə Takəi gə́ Sigi.

Jeremi 26:16

Ŋgan-mbaije gə koso-dəwje lai d’ula njékinjanéməsje gə njéteggintaje pana: Dəw neelé kəm karee wəi el. Mbata yeḛ ula sí ta gə ri Ala lə sí gə́ Njesigənea̰ ɓa.

Ləbije 18:3

Seḭ a raje né to gə́ njé gə́ Ejiptə loo gə́ seḭ síje keneŋ kédé lé el ləm, seḭ a raje né tana gə néra Kana̰je loo gə́ m’a gə kaw sə sí keneŋ lé el ləm tɔ, seḭ a ndajije néraje lə dee nda̰ el.

Malasi 2:11

Judaje lé d’uba goo manrɔ lə dee d’ya̰ ya. Deḛ ra néraje gə́ ram Jerusalem ləm gə mee ɓee gə́ Israɛl lai ləm tɔ. Mbata né gə́ d’unda gə kəmee d’ar Njesigənea̰ gə́ yeḛ nja unda dan kəmee’g lé Judaje d’ila ndɔl dɔ’g. Deḛ taa denéje gə́ to njépole-magəje.

Bula lə Israɛlje 23:9

Dɔ sém mbalje’g lé m’oo dee ləm, Dɔ diŋgri-looje’g lé m’aa dee gərərə ləm tɔ. To dəwje gə́ loo-si dee to ɓəd ləm, Deḛ tura dee na̰’d gə ginkoji dəwje gə́ raŋg el ləm tɔ.

Bula lə Israɛlje 25:6

Aa oo, diŋgam kára mbuna Israɛlje’g ree gə dené gə́ Madian aw səa rɔ ŋgakea̰je’g kəm Moyis’g ləm, kəm koso-dəwje’g lə Israɛlje lai ləm tɔ, loo gə́ deḛ d’isi no̰ gə mán-no̰ kəm dee’g tarəw kəi-kubu-kiŋga-na̰’g lé.

Tel tura Godndu 18:9

Loo gə́ seḭ a ka̰dje mee ɓee’d gə́ Ala lə sí gə́ Njesigənea̰ a kar sí lé ndá seḭ a ndooje gə mba ndajije néraje gə́ mina̰ gə́ ginkoji dəwje gə raŋg neelé ra lé el.

Tel tura Godndu 23:8

Seḭ a kḛjije Edɔmje bəḭ-bəḭ el mbata deḛ to ŋgako̰ síje, seḭ a kḛjije njé gə́ Ejiptə bəḭ-bəḭ el mbata kédé seḭ toje dəw-dɔ-ɓeeje mee ɓee’g lə dee,

Tel tura Godndu 7:1

Loo gə́ Ala lə sí gə́ Njesigənea̰ a kar sí a̰dje mee ɓee gə́ seḭ a gə kaw taaje gə́ ne ka̰ sí gə goo tuba gə́ yeḛ a tuba ginkoji dəwje gə raŋg no̰ sí’g lé, deḛ gə́ to Hetje ləm, gə Girgasije ləm, gə Amɔrje ləm, gə́ Kana̰je ləm, gə Peresje ləm, gə Hebje ləma, gə Yebusje ləm tɔ, ginkojije gə́ siri neelé deḛ bula yaa̰ d’unda sí ləm, siŋga dee to yaa̰ ur dɔ ka̰ sí-seḭ’g ləm tɔ,

Jujé 23:12

Mbata ɓó lé seḭ telje gə mba nam kaar ginkoji dəwje gə raŋg’g nee gə́ d’isi mbuna sí’g, ɓó lé seḭ ɔmje sə dee na̰’d loo-taa-na̰’d ləm, ɓó lé seḭ ɔmje ta lə sí na̰’d sə dee ləm tɔ ndá,