Esdras 8:33 - Maktub gə́ To gə Kəmee

³³ Ndɔ gə́ njekɔm’g sɔ lé j’wɔji kwɔi lə larnda ləm, gə larlɔr ləma, gə nékulaje ləm tɔ mee kəi’g lə Ala lə sí ndá jeḛ j’ɔm néje neelé ji Meremot’g, gə́ to ŋgolə Uri gə́ to gə́ njekinjanéməs, yeḛ lé Eləajar, ŋgolə Pines si səa na̰’d ləm, deḛ gə́ to Ləbije gə́ ri dee lə Jojabad, ŋgolə Juje, gə Noadia, ŋgolə Binui, deḛ kara d’isi sə dee na̰’d ləm tɔ.

Esdras 8:33 ပူးပေါင်းရင်းမြစ်များ

Esdras 10:23

Deḛ gə́ to Ləbije ɓa nee: Jojabad, gə Simei, gə Kelaja əsé Kelita, gə Petaja, gə Juda, gə Eliéjer.

Esdras 2:40

Deḛ gə́ to Ləbije lé: deḛ gə́ to gel-bɔje lə Juje ləm, gə deḛ gə́ to gel-bɔje lə Kadmiel ləma, gə deḛ gə́ to gel-bɔje lə Hodabia ləm tɔ lé d’as rɔ-siri-giree-sɔ (74).

Esdras 8:25

Ma m’wɔji kwɔi lə larnda gə larlɔr gə nékulaje no̰ dee’g, to néje gə́ mbai ləm, gə njékwɔjeetaje ləm, gə ŋgan-mbaije ləa ləma, gə Israɛlje lai gə́ d’aar keneŋ ləm tɔ lé d’ar gə́ nékar mbata kəi-Ala lə sí lé.

Esdras 8:26

Néje gə́ ma m’wɔji m’ɔm ji dee’g ɓa to nee: Larnda as nékwɔji kwɔi-lə-né tɔl-dɔg-loo rɔ-joo (20.000) ləm, gə nékulaje gə́ ra gə larnda gə́ kwɔi lə dee as nékwɔji kwɔi-lə-né tɔl-dɔg-loo munda (3.000) ləm, gə néje gə́ ra gə larlɔr gə́ kwɔi lə dee as nékwɔji kwɔi-lə-né tɔl-dɔg-loo munda (3.000) ləm,

Esdras 8:29

Maji kar sí síje kəmba, ŋgəmje néje neelé saar a kwɔjije kwɔi lə dee no̰ mbai dɔ njékinjanéməsje gə Ləbije’g, gə no̰ deḛ gə́ to mbai dɔ gel-bɔje lə Israɛlje gə́ d’isi mee ɓee gə́ Jerusalem mee ŋgon kəi gə́ to mee kəi’g lə Njesigənea̰ lé ɓa.

Esdras 8:30

Togə́bè ɓa njékinjanéməsje gə Ləbije taa larnda gə larlɔr gə nékulaje gə́ d’wɔji kwɔi lə dee ndá deḛ d’odo d’aw ne mee kəi’g lə Ala lə sí gə́ to Jerusalem lé ya.

Esdras 8:34

Deḛ tura bula lə néje neelé gə kwɔi lə dee tɔ ndá deḛ ndaŋg kwɔi lə néje neelé mee maktub’g.

Nehemi 10:10

Deḛ gə́ to Ləbije ɓa nee: Juje, ŋgolə Ajania gə Binui gə́ to gel bɔ lə Henadad, gə Kadmiel gə njéboakulaje lə dee: Sebania gə Hodija gə Kelita gə Pelaja gə Hanan gə Mise gə Reob gə Hasabia, gə Jakur gə Serebia gə Sebania gə Hodija gə Bani gə Beninu.

Nehemi 10:5

gə Hatus gə Sebania gə Maluk

Nehemi 10:9

gə Maajia gə Bilgai gə Semaeja gə́ to njékinjanéməsje.

Nehemi 3:21

Gée-yeḛ’g lé Meremot, ŋgolə Uri gə́ to ŋgolə Hakos ɓa gɔl dəb ndògo-bɔrɔ gə́ raŋg un kudee takəi’g lə Eliasib saar teḛ rudu kəi’g lə Eliasib lé tɔ.

Nehemi 3:24

Gée-yeḛ’g lé Binui, ŋgolə Henadad ɓa gɔl dəb ndògo-bɔrɔ gə́ raŋg un kudee kəi’g lə Ajaria saar teḛ dɔkum ndògo-bɔrɔ’g.

Nehemi 3:4

Mbɔr dee-deḛ’g ndá Meremot, ŋgolə Uri gə́ to ŋgolə Hakos ɓa ra kula gɔl ndògo-bɔrɔ ləm, mbɔr dee-deḛ’g ndá Mesulam, ŋgolə Berekia gə́ to ŋgolə Mesejabeel ɓa ra kula ləm, mbɔr dee-deḛ’g tɔɓəi Sadɔk, ŋgolə Baana ɓa ra kula keneŋ ləma,

Nehemi 8:7

Juje, gə Bani, gə Serebia, gə Jamḭ, gə Akub, gə Sabetai, gə Hodija, gə Maaséja, gə Kelita, gə Ajaria, gə Jojabad, gə Hanan, gə Pelaja, gə Ləbije ɓa d’ɔr gin godndu lé d’ar koso-dəwje ndá nana kara aar loo-kaaree’g-kaaree’g.