Esdras 8:18 - Maktub gə́ To gə Kəmee

¹⁸ Bèe ɓa to gə́ ji Ala lə sí gə́ maji to dɔ sí’g ndá deḛ d’ar sí ne Serebia, dəw gə́ to njekəmkàr mbuna gel-bɔje’g lə Mali, ŋgolə Ləbi gə́ to ŋgolə Israɛl, yeḛ gə ŋganeeje gə ŋgakea̰je gə́ d’as dəwje dɔg-gir-dee-jinaijoo (18) gə́ ree səa tɔ.

Esdras 8:18 ပူးပေါင်းရင်းမြစ်များ

1 Sôrta Gḭka-Israɛlje 6:1

Ŋgalə Ləbi ɓa ri dee to nee: Gersɔm, gə Keat gə Merari.

1 Sôrta Gḭka-Israɛlje 6:19

gə́ to ŋgolə Elkana gə́ to ŋgolə Jeroham gə́ to ŋgolə Eliel gə́ to ŋgolə Toa

1 Sôrta Gḭka-Israɛlje 6:4

Ŋgalə Merari ɓa ri dee to nee: Mali gə Musi. Deḛ nee ɓa to ŋgaka Ləbi goo bɔ deeje’g.

2 Sôrta Gḭka Israɛlje 30:22

Ejekias ula ta meḛ Ləbije’g lai gə́ gər goso ra kula lə Njesigənea̰ ndá deḛ d’usɔ nékulje gə́ d’inja dee gə́ nékinjanéməsje lé as ndɔ dee siri ndá d’inja nékinjanéməsje gə́ ka̰ kɔm na̰’d ləm, deḛ pidi ne Njesigənea̰, Ala lə bɔ deeje-je ləm tɔ.

Esdras 7:28

Yeḛ lé ra səm meemaji am m’taa ne kəm mbai ləm, gə kəm njékwɔjeetajeje ləma, gə kəm ŋgan-mbaije gə́ njésiŋgamoŋje ləa lai ləm tɔ. Ma m’iŋga siŋgamoŋ gə goo ji Njesigənea̰ Ala ləm gə́ to dɔm’g, bèe ɓa ma mbo̰ ne njékɔrno̰ ŋgan Israɛlje gə mba kar dee d’aw ne səm na̰’d tɔ.

Esdras 7:6

Esdras neelé ḭ Babilɔn ɓa ree Jerusalem. Yeḛ to njendaji-maktub gə bao-gər-gin-godndu Moyis gə́ Njesigənea̰ Ala lə Israɛlje un aree ləw lé. Tɔɓəi to gə́ ji Njesigənea̰ Ala ləa to dɔ Esdras’g ndá mbai ndigi səa dɔ né gə́ rara gə́ yeḛ dəjee’g lé tɔ.

Esdras 7:9

Yeḛ ḭ Babilɔn mee ndɔ gə́ dɔtar lə naḭ gə́ dɔtar’g ndá yeḛ teḛ Jerusalem ndɔ gə́ dɔtar mee naḭ gə́ njekɔm’g mi gə goo ji Ala ləa gə́ maji gə́ to dəa’g lé.

Esdras 8:16

Togə́bè ma m’ula kula m’ɓar Eliéjer, gə Ariel, gə Semaeja, gə Elnatan, gə Jarib, gə Elnatan, gə Natan, gə Jakari, gə Mesulam gə́ to njékɔrno̰ deeje ləm, m’ɓar Jojarib, gə Elnatan gə́ to njéndoo dəwje né ləm tɔ.

Esdras 8:19

Deḛ d’ar sí Hasabia gə Esai gə́ to gel-bɔje lə Merari gə ŋgako̰ deeje gə ŋgan deeje gə́ d’as dəwje rɔ-joo (20) lé.

Esdras 8:22

Nɛ m’ra rɔkul gə mba dəji mbai karee ar sí kudu njérɔje gə njékundaje mba kar dee d’aa dɔ sí rəw-kaw sí’g mbata kédé lé jeḛ j’ula mbai lé m’pajena: Ji Ala lə sí to dɔ deḛ lai gə́ saŋg gée mba karee ra sə dee meemaji nɛ oŋg ləa nduba gə siŋgamoŋgee dɔ deḛ lai gə́ d’ubá d’yá̰ tɔ.

Esdras 8:24

Tɔɓəi ma mbər mbai dɔ njékinjanéməsje dɔg-gir-dee-joo gə́ ri dee lə Serebia gə Hasabia gə ŋgako̰ deeje gə́ dɔg sə dee na̰’d.

Nehemi 12:24

Mbai lə Ləbije-je lé gə́ ri dee lə Hasabia gə Serebia gə Juje, ŋgolə Kadmiel gə ŋgako̰ deeje sə dee na̰’d lé deḛ d’aar d’wɔji dɔ na̰ njoroŋ-njoroŋ mba kɔs pa kula ne rɔnduba dɔ Njesigənea̰’g gə goo torndu Dabid, dəw lə Ala.

Nehemi 2:8

tɔɓəi a kam maktub kára mbata lə Asap, njekaa dɔ kag-mee-kɔrje lə mbai gə mba karee am kagje gə́ tɔl mba ra ne tarəwkəije lə kəi-kaar-kegoro gə́ to mbɔr kəi gə́ to gə kəmee’g ləm, gə mbata lə ndògo-bɔrɔ lə ɓee-boo ləma, gə mbata kəi gə́ m’a gə si keneŋ ləm tɔ. Mbai am maktubje neelé ya mbata ji Ala gə́ maji dum lé to dɔm’g.

Nehemi 8:7

Juje, gə Bani, gə Serebia, gə Jamḭ, gə Akub, gə Sabetai, gə Hodija, gə Maaséja, gə Kelita, gə Ajaria, gə Jojabad, gə Hanan, gə Pelaja, gə Ləbije ɓa d’ɔr gin godndu lé d’ar koso-dəwje ndá nana kara aar loo-kaaree’g-kaaree’g.

Gosota-Kəmkàrje 24:3

Mbɔl dɔ kəmkàr ɓa d’unda ne kəi ləm, Mbɔl dɔ gosonégər ɓa kəi lé to ne tar njaŋg ləm tɔ,

Gosota-Kəmkàrje 3:6

Maji kari gəree rəw-kabije’g lai Ndá yeḛ a kar kila-rəwkabije d’asəna rai-rai.

Jeremi 3:15

M’a kar sí njékul síje to gə́ məəm ndigi. Deḛ d’a kul sí gə gosonégər ləm, gə kəmkàr ləm tɔ.

Loo gə́ killa rea kəm Daniel’g 1:20

Né gə́ rara gə́ wɔji dɔ kəmkàr gə gosonégər gə́ mbai dəji dee ta dɔ’g ndá yeḛ oo to gə́ deḛ d’ur dɔ njéra némɔrije’g gə njétən kéréméje lai gə́ d’isi ɓeeko̰’g ləa lé as gɔl dɔg ya.

Bula lə Israɛlje 3:20

ri ŋgalə Merari, gə goo gel-bɔje lə dee ɓa nee: Mali gə Musi. Deḛ nja nee ɓa to gel-bɔje lə Ləbi gə goo kəije lə bɔ deeje-je lé.

1 Njé gə́ Kɔrḭtə 14:20

Ŋgakɔmje, ta gə́ wɔji dɔ kɔr kəm ta lé maji kar sí tɔgje dɔ’g kaŋ-kaŋ ɓó telje ŋganje keneŋ el. Ta gə́ yèr ɓa maji kar sí toje ŋganje gə́ kas dɔ’g.