Esdras 8:17 - Maktub gə́ To gə Kəmee

¹⁷ Ma m’ula dee rɔ mbai Ido’g gə́ si Kasipia ndá ma m’ula dee mba kar dee d’ula Ido gə ŋgakea̰je gə́ to njérakula kəi-Magəje-je’g gə́ d’isi Kasipia gə mba kar dee d’ar sí dəwje gə mba kar dee ree ra kula mee kəi-Ala’g lə sí.

Esdras 8:17 ပူးပေါင်းရင်းမြစ်များ

2 Samel 14:19

Mbai lé dəjee pana: Taje lai neelé see Joab ɔm səi na̰’d keneŋ el wa. Ndá dené lé tel ilá keneŋ pana: Ǝi mbai ləm, tɔgərɔ i si kəmba ya, ta gə́ mbai ləm pa lé to lée’g ya ɓó loo maḭyee godo ŋga. Tɔgərɔ ya, Joab ya ɓa un ndia am ləm, yeḛ ɔm taje lai neelé ta kura’g ləi gə́ dené ləm tɔ.

2 Samel 14:3

I a kaw ne rɔ mbai’g ndá i a kulá ta to gə́ bèe-bèe. Yen ŋga Joab ɔm taje gə́ kəm karee pa lé təa’g.

1 Sôrta Gḭka-Israɛlje 9:2

Dəwje gə́ dɔtar gə́ d’isi dɔ naŋg’d lə dee ləm, gə mee ɓee-booje’g lə dee ləm tɔ lé to Israɛlje, gə njékinjanéməsje, gə Ləbije, gə njéra kula mee kəi-Ala’d gə́ raje lé tɔ.

Esdras 2:43

Njérakula mee kəi-Ala’g gə́ raje ɓa nee: Deḛ gə́ to ŋgaka Siha ləm, gə ŋgaka Hasupa ləm, gə gel-bɔje lə Tabaot ləm,

Esdras 2:58

Bula lə deḛ gə́ to njéra kula mee kəi-Ala’g gə́ raje ləm, gə ŋgaka kuraje lə Salomo̰ ləm tɔ lé to tɔl-munda gə dɔ dee rɔ-jinaikara-giree-joo (392).

Esdras 7:7

Israɛlje gə́ na̰je ləm, gə njékinjanéməsje gə Ləbije ləm, gə bao-paje ləm, gə njéŋgəm tarəwje ləma, gə njéra kula kəi-Ala’d gə́ raje ləm tɔ, ree Jerusalem mee ləb ko̰ɓee gə́ njekɔm’g siri gə́ Artajerjɛs to ne mbai lé tɔ.

Esdras 8:16

Togə́bè ma m’ula kula m’ɓar Eliéjer, gə Ariel, gə Semaeja, gə Elnatan, gə Jarib, gə Elnatan, gə Natan, gə Jakari, gə Mesulam gə́ to njékɔrno̰ deeje ləm, m’ɓar Jojarib, gə Elnatan gə́ to njéndoo dəwje né ləm tɔ.

Teḛ-Raga 4:15

I a kulá ta ləm, i a kɔm tareeje lai təa’g ləm tɔ, nɛ ma nja m’a nai gə tai ləm, m’a nai gə təa-yeḛ ləm tɔ, tɔɓəi ma nja m’a ndoo sí né gə́ kəm kar sí raje lé ya tɔ.

Jeremi 1:9

Tɔɓəi Njesigənea̰ ula jia Ɔrɔ ne tam ndá yeḛ ulam pana: Aa oo, ma m’ɔm taje ləm tai’g.

Jeremi 15:19

Gelee gə́ nee ɓa Njesigənea̰ pa ne togə́bè pana: Ɓó lé ma m’naam kaar neḛ’g ndá N’a kilam keneŋ, Tɔɓəi m’a kaar no̰ neḛ’g, Ɓó lé m’ɔr kəm néje gə́ to ŋgonkəm Mbuna néje gə́ mina̰’g ndá M’a to asəna gə ta neḛ tɔ. To ta lə dee-deḛ gə mba tel ree rɔm’g Ɓó to ta ləm-ma ɓa Gə mba tel kaw rɔ dee’g el.

Bula lə Israɛlje 18:6

Aa oo, ma nja mbər ŋgako̰ síje gə́ to Ləbije mbuna Israɛlje’g: deḛ gə́ d’unda dee gə kəmee d’am-ma Njesigənea̰ lé m’tel m’ɔm dee ji sí-seḭ’g yəg asəna gə nénoji mba kar dee ra kula gə́ wɔji dɔ kəi-kubu-kiŋga-na̰ lé.

Tel tura Godndu 18:18

M’a kɔr njetegginta kára mbuna ŋgako̰ deeje’g to gə́ i bèe ɓa m’a kɔm taje ləm təa’g ndá yeḛ a kula dee néje lai gə́ m’a kun ndum dɔ’g karee lé.

Titə 1:5

Yee ɓa ma m’ya̰’i ne Krètə mba kari gɔl néje lai gə́ lal gɔl gə́ to gə goo rəbee el ɓəi ləm, mba kunda ŋgatɔgje gə ɓee kára-kára lai gə goo rəw gə́ ma m’wɔji lé ləm tɔ.