Esdras 7:6 - Maktub gə́ To gə Kəmee

⁶ Esdras neelé ḭ Babilɔn ɓa ree Jerusalem. Yeḛ to njendaji-maktub gə bao-gər-gin-godndu Moyis gə́ Njesigənea̰ Ala lə Israɛlje un aree ləw lé. Tɔɓəi to gə́ ji Njesigənea̰ Ala ləa to dɔ Esdras’g ndá mbai ndigi səa dɔ né gə́ rara gə́ yeḛ dəjee’g lé tɔ.

Esdras 7:6 ပူးပေါင်းရင်းမြစ်များ

Gḭ-Néje 32:28

Yeḛ dəjee pana: See rii lə nawa. Jakob ilá keneŋ pana: Rim lə Jakob.

Esdras 5:5

Nɛ kəm Ala to dɔ ŋgatɔgje’g lə Jibje. Togə́bè ɓa dəw gə́ njekɔg dee dɔ kula’g neelé godo ya saar ar taree teḛ rɔ Darius’g ɓa yeḛ tel gə maktub ar dee ula dee ne ta gə́ wɔji dɔ ta neelé ɓəi.

Esdras 6:22

Deḛ ra naḭ gə́ wɔji dɔ muru gə́ lal əm-tiné gə rɔlel as ndɔ dee siri mbata Njesigənea̰ ar rɔ dee lel dee loo gə́ yeḛ tel mee mbai gə́ Asiri aree ula diŋgam meḛ dee’g dɔ kula kunda kəi Ala gə́ to Ala lə Israɛlje lé.

Esdras 7:21

Ma mbai Artajerjɛs lé ma m’un ndum m’ar sí-seḭ gə́ toje njékaa dɔ nébaoje gə́ síje kel tura-baa gə́ nu gə mba kar néje lai gə́ Esdras gə́ to njekinjanéməs gə njendaji-maktub gə bao-gər-gin-godndu Ala gə́ si dara lé a dəji sí ndá seḭ a kaareeje ya.

Esdras 7:28

Yeḛ lé ra səm meemaji am m’taa ne kəm mbai ləm, gə kəm njékwɔjeetajeje ləma, gə kəm ŋgan-mbaije gə́ njésiŋgamoŋje ləa lai ləm tɔ. Ma m’iŋga siŋgamoŋ gə goo ji Njesigənea̰ Ala ləm gə́ to dɔm’g, bèe ɓa ma mbo̰ ne njékɔrno̰ ŋgan Israɛlje gə mba kar dee d’aw ne səm na̰’d tɔ.

Esdras 7:5

gə́ to ŋgolə Abisua, gə́ to ŋgolə Pines, gə́ to ŋgolə Eləajar, gə́ to ŋgolə Aaro̰ gə́ to ŋgɔ-njekinjanéməs lé.

Esdras 7:9

Yeḛ ḭ Babilɔn mee ndɔ gə́ dɔtar lə naḭ gə́ dɔtar’g ndá yeḛ teḛ Jerusalem ndɔ gə́ dɔtar mee naḭ gə́ njekɔm’g mi gə goo ji Ala ləa gə́ maji gə́ to dəa’g lé.

Esdras 8:1

Aa ooje, ri deḛ gə́ to mbai dɔ gel-bɔje gə ri ginka deeje-je gə́ d’ḭ səm Babilɔn mee ləb ko̰ɓee’g lə mbai Artajerjɛs lé ɓa nee:

Esdras 8:18

Bèe ɓa to gə́ ji Ala lə sí gə́ maji to dɔ sí’g ndá deḛ d’ar sí ne Serebia, dəw gə́ to njekəmkàr mbuna gel-bɔje’g lə Mali, ŋgolə Ləbi gə́ to ŋgolə Israɛl, yeḛ gə ŋganeeje gə ŋgakea̰je gə́ d’as dəwje dɔg-gir-dee-jinaijoo (18) gə́ ree səa tɔ.

Esdras 8:22

Nɛ m’ra rɔkul gə mba dəji mbai karee ar sí kudu njérɔje gə njékundaje mba kar dee d’aa dɔ sí rəw-kaw sí’g mbata kédé lé jeḛ j’ula mbai lé m’pajena: Ji Ala lə sí to dɔ deḛ lai gə́ saŋg gée mba karee ra sə dee meemaji nɛ oŋg ləa nduba gə siŋgamoŋgee dɔ deḛ lai gə́ d’ubá d’yá̰ tɔ.

Esdras 8:31

Yen ŋga jeḛ j’ḭ ta baa gə́ Ahaba mba kaw Jerusalem mee ndɔ gə́ njekɔm’g dɔg-giree-joo mee naḭ gə́ dɔtar’g. Ndá ji Ala lə sí to dɔ sí’g aree ɔr sí ne ji njéba̰je’g lə sí ləm, gə ji deḛ gə́ d’um sí gə rəw-rəw lé ləm tɔ.

Nehemi 12:26

Deḛ d’isi kəmba mee ndəa’g lə Jojakim, ŋgolə Juje gə́ to ŋgolə Josadak ləm, gə mee ndəa’g lə Nehemi gə́ to njeguburuɓee ləma, gə ka̰ Esdras, njekinjanéməs gə́ to njendaji-maktub ləm tɔ.

Nehemi 12:36

gə njéboakulaje ləa gə́ ri dee lə Semaeja gə Ajareel gə Milalai gə Gilalai gə Maai gə Netaneel gə Juda gə Hanani. Deḛ lé d’odo nékimje gə́ Dabid gə́ to dəw lə Ala ar dee ra lé. Ndá Esdras gə́ to njendaji-maktub ɓa to dəw dɔ dee ya.

Nehemi 2:12

Tɔɓəi m’ḭ loondul’g gə dəwje gə́ na̰je nɛ m’ula dəw kára kara né gə́ Ala ra dɔɓəŋgərəm’g gə mba k’am m’ra mbata lə Jerusalem lé el. M’aw gə mulayḛ̀je gə́ raŋg el nɛ kama gə́ m’ubá ba ya.

Nehemi 2:18

Tɔɓəi ma m’ɔr sor ji Ala ləm gə́ maji dum gə́ to dɔm’g lé ləm, gə taje gə́ mbai ulam lé ləm tɔ. Ndá deḛ pana: Ar sí j’ḭje j’undaje ndògo-bɔrɔ lé ya! Bèe ɓa deḛ d’wa meḛ dee kɔgərɔ dɔ kula gə́ maji gə́ d’wɔji-kwɔji ra neelé.

Nehemi 2:8

tɔɓəi a kam maktub kára mbata lə Asap, njekaa dɔ kag-mee-kɔrje lə mbai gə mba karee am kagje gə́ tɔl mba ra ne tarəwkəije lə kəi-kaar-kegoro gə́ to mbɔr kəi gə́ to gə kəmee’g ləm, gə mbata lə ndògo-bɔrɔ lə ɓee-boo ləma, gə mbata kəi gə́ m’a gə si keneŋ ləm tɔ. Mbai am maktubje neelé ya mbata ji Ala gə́ maji dum lé to dɔm’g.

Nehemi 4:15

Togə́bè ɓa jeḛ n’raje ne kula lé gə́ kédé-kédé ar ges sí gə́ na̰je d’aar gə niŋga-ndəije ji dee’g un kudee loo gə́ kàr uba bər ya saar-saar ar kéréméje teḛ tɔ.

Nehemi 8:1

Koso-dəwje lai mbo̰ dɔ na̰ to gə́ dəw gə́ kára ba bèe ndaa-loo gə́ to tarəwɓee gə́ ria lə Rəw-Manje. Deḛ d’ula Esdras, njendaji-maktub lé mba karee ree gə maktub godndu Moyis gə́ Njesigənea̰ aree mbata lə Israɛlje lé.

Nehemi 8:13

Ndɔ gə́ njekɔm’g joo lé mbai dɔ gel-bɔje lə koso-dəwje lai ləm, gə njékinjanéməsje ləma, gə Ləbije ləm tɔ mbo̰ dɔ na̰ rɔ Esdras gə́ njendaji-maktub’g gə mba koo gintaje lə godndu lé.

Nehemi 8:4

Esdras gə́ njendaji-maktub lé aar dɔ loo-kaar gə́ ra gə kag mba karee aar keneŋ ɓa tura ta neelé. Loo gə́ mbɔree’g dɔ jikɔlee’g lé Matitia, gə Sema, gə Anaja, gə Uri, gə Hilkija, gə Maaséja d’aar keneŋ, tɔɓəi dɔ jigelee’g lé Pedaja, gə Mikaɛl, gə Malkija, gə Hasum, gə Hasbadana, gə Jakari, gə Mesulam d’aar keneŋ tɔ.

Nehemi 8:9

Nehemi gə́ njeguburuɓee ləm, gə Esdras gə́ njekinjanéməs gə njendaji-maktub ləma, gə Ləbije gə́ to njendoo koso-dəwje né ləm tɔ lé d’ula dəwje lai pana: Ɓogənè to ndɔ gə́ to gə kəmee mbata lə Njesigənea̰, Ala lə sí lé. Maji kar sí síje dan kəmndoo’g gə mán-no̰ kəm sí’g el. Mbata koso-dəwje lai no̰ loo gə́ deḛ d’oo taje gə́ godndu pa lé tɔ.

Nehemi 9:13

I risi ur dɔ mbal’d gə́ Sinai Ndá i ula dee ta gə ndui gə́ ḭ mee dara gə́ tar, Tɔɓəi i ar dee ndukunje gə́ danasur ləm, Gə godnduje gə́ to kankəmta ləm, Gə tornduje ləma, gə godnduje gə́ maji dum ləm tɔ.

Pakɔsje 109:27

Maji kar dee gər gao to gə́ ji-i nja ləm, To gə́ i Njesigənea̰ nja ɓa ra togə́bè ləm tɔ.

Pakɔsje 147:19

Ta ləa lé yeḛ riba dəa ar njé’g lə Jakob lé Godndiaje gə ndukunje ləa lé yeḛ riba dəa ar Israɛlje.

Pakɔsje 45:1

Pa lə Koréje gə́ d’ar bao-pa mba karee ɔs sə dee lé. To pa gə́ d’ɔs d’wɔji ne dɔ kunda na̰ dan kəm na̰’d.

Pakɔsje 80:18

Maji kari ila jii dɔ dəw gə́ si dɔ jikɔli’g lé Dɔ dəw gə́ i nja ɔree kəmi’g lé.

Gosota-Kəmkàrje 3:6

Maji kari gəree rəw-kabije’g lai Ndá yeḛ a kar kila-rəwkabije d’asəna rai-rai.

Esai 50:2

Loo gə́ m’ree ndá See gelee ban ɓa dəw kára kara godo wa. Loo gə́ m’ɓar m’ɓar ndá See ban ɓa dəw ndigi tam’g el wa. See jim na tas gə mba kwa sí ne wɔgədɔ kɔr sí wa. See siŋgam as gə mba kɔm sí ne tar el wa. Loo gə́ m’tɔji jim ndá Baa-boo-kad tudu kurum-kurum ləm, M’ar baa-booje tel to dɔdilalooje ləm tɔ, Ka̰jije gə́ keneŋ ndum d’ə̰də mbo̰ Mbata mán godo ləm, Deḛ d’wəi yoo-kunda-mán ləm tɔ.

Esai 59:1

Wah! ji Njesigənea̰ na tas Gə mba kaji sí el ləm, Mbia kara wa soo Dɔ koo ta’g lə sí el ləm tɔ.

Jeremi 8:8

See to gə́ ban ɓa seḭ asjekəm paje pana: Seḭ toje njékəmkàrje ləm, Godndu Njesigənea̰ nai sə sí ləm tɔ lé wa. Njéndaji-maktubje ndaji godndu lé d’ila gel Gə kag-ndaŋg-maktub gə́ ŋgɔm.

Matiyo 13:52

Yeḛ ula dee pana: Bèe ɓa njendaji-maktub gə́ rara kara gə́ ndoo néje gə́ wɔji dɔ ɓeeko̰ gə́ dara lé ndá yeḛ to asəna gə njekəi gə́ tɔr nébaoje ləa gə́ sigi-sigi gə njé gə́ ləw-ləw rab raga.

Matiyo 23:2

Njéndaji-maktubje gə Parisiḛje d’isi loo-si Moyis gə́ to no̰ dee’g.

Matiyo 28:20

Ndoo deeje mba kar dee gər loo kaa dɔ néje lai gə́ m’un ndum m’ar sí lé. Aa ooje ma nja kara m’orè sə sí rəw na̰’d més saar ndɔ gə́ rudu naŋg nee a kun ɗiao.

1 Njé gə́ Kɔrḭtə 1:20

See njekəmkàr ɓa ra wa. See njendaji-maktub ɓa ra wa. See gɔŋgé-maḭta gə́ dɔ naŋg nee ɓasinè lé ɓa ra wa. See kəmkàr gə́ dɔ naŋg neelé Ala telee gə́ némbə el ɓəi wa.

1 Njé gə́ Kɔrḭtə 15:1

Ŋgakɔmje, Tagə́maji gə́ ma m’ula sí gə́ seḭ taaje gə meḛ sí ləm, gə seḭ naije keneŋ njaŋg ləm tɔ lé yee ɓa ma m’teg meḛ sí dɔ’g ya.

Tel tura Godndu 28:1

Ɓó lé seḭ ilaje ŋgonkoji dɔ tapa Njesigənea̰ Ala’g lə sí ləm, gə́ aaje dɔ godnduje lai gə́ ma m’un m’ar sí ɓogənè mba ra née ləm tɔ ndá Ala lə sí gə́ Njesigənea̰ a kar sí urje dɔ ginkoji dəwje gə raŋg’g lai dɔ naŋg nee.

Tel tura Godndu 4:5

Seḭ gərje gao to gə́ ma m’ndoo sí godnduje gə ndukunje gə́ Njesigənea̰ Ala ləm ulam gə mba kar sí raje née mee ɓee gə́ seḭ a gə kawje keneŋ kaw taaje gə́ né ka̰ sí lé.