Esdras 7:26 - Maktub gə́ To gə Kəmee

²⁶ Nana ɓa gə́ aa dɔ godndu Ala ləi kalaŋ el ləm, əsé aa dɔ godndu mbai kalaŋ el ləm tɔ ndá d’a gaŋgta yoo dəa’d gə́ léegəneeya karee wəi ne əsé d’a tubá əsé d’a gaŋg lar dəa’g karee uga əsé d’a kilá daŋgai’g tɔ.

Esdras 7:26 ပူးပေါင်းရင်းမြစ်များ

2 Sôrta Gḭka Israɛlje 30:12

Mee ɓee gə́ Juda kara Ala ra kula meḛ dee’g ar meḛ dee asəna kára ba mba kar dee ra né gə goo ndukun lə mbai gə ka̰ ŋgan-mbaije karee aw lée’g béréré gə goo tapa Njesigənea̰ lé.

Esdras 10:4

Maji kari ḭta mbata to ta gə́ wɔji dɔi-i ya. Jeḛ lé j’a kɔmje səi na̰’d tɔ. Wa diŋgam məəi’g mba ra née ya.

Esdras 10:8

tɔɓəi gə goo ndukun lə ŋgan-mbaije gə ŋgatɔgje lé nana ɓa gə́ teḛ keneŋ mee ndɔ gə́ munda’g lé el ndá d’a taa néje ləa mbad ləm, yeḛ nja kara d’a kɔgee loo-siée loo-kwa-dɔ-na̰’g lə deḛ gə́ d’ḭ ɓee-ɓər’g tel ree lé ləm tɔ.

Esdras 6:11

Tɔɓəi aa ooje, ndukun gə́ m’un m’ar sí lé nana ɓa gə́ a kalta dɔ ta’g neelé ndá d’a kɔr kag gə́ boi gə́ mee kəi’g ləa ya kur teá keneŋ, tɔɓəi d’a kar kəi ləa tel to gə́ ɓiri-ɓisi tɔ.

Esdras 6:12

Maji kar Ala gə́ ar ria ɓar loo gə́ nee’g lé tuji mbai gə́ rara gə dəwje gə́ rara gə́ d’un ji dee mba tuji tapam əsé gə mba tuji kəi-Ala neelé gə́ to Jerusalem lé. Ma Darius m’un ndum njaŋg bèe ya. Maji ra née gə́ léegəneeya.

Pakɔsje 52:5

I lé unda néra gə́ majel dan kəmi’g unda néra gə́ maji ləm, Taŋgɔm ɓa wa məəi’g unda ta gə́ danasur lé ləm tɔ.

Loo gə́ killa rea kəm Daniel’g 6:26

Gée gə́ gogo ndá mbai Darius lé ndaŋg ta ar koso-dəwje lai ləm, gə ginkoji dəwje gə raŋg ləma, gə dəwje gə́ takɔji dee to gə ria-ria ləm tɔ gə́ d’isi dɔ naŋg nee pana: Maji kar sí síje dan meelɔm’g bèdèg ya!

Tel tura Godndu 27:26

Meeko̰ a koso dɔ dəw gə́ ar ta godndu neelé aw lée’g béréré el ləm, gə ra née el ləm tɔ. Ndá koso-dəwje lai d’a kila dee keneŋ pana: A to togə́bè ya!