Esdras 7:23 - Maktub gə́ To gə Kəmee

²³ Néje lai gə́ Ala gə́ to mbai gə́ dara un ndia dɔ’g lé maji ra karee aw lée’g béréré ya mbata kəi lə Ala gə́ to mbai dɔ dara lé gə mba kar oŋg ləa ḭ səa pu dɔ ɓeeko̰’g lə mbai el ləm, əsé dɔ ŋganeeje’g el ləm tɔ.

Esdras 7:23 ပူးပေါင်းရင်းမြစ်များ

Esdras 7:13

Ma m’un ndum mba kar dee d’ya̰ loo d’ar dəwje lai mbuna Israɛlje’g ləm, gə njékinjanéməsje gə Ləbije lə deḛ gə́ d’isi mee ɓeeko̰’g ləm tɔ, deḛ gə́ ndiŋga rɔ dee mba kaw səi lé kar dee d’aw səi Jerusalem na̰’d ya.

Esdras 7:18

Ges larnda gə larlɔr gə́ nai lé seḭ a raje ne né gə́ taa kəm sí-seḭ gə kəm ŋgako̰ síje gə goo torndu Ala lə sí ya.

Esdras 7:22

Seḭ a kaareeje larnda saar as nékwɔji kwɔi-lə-né tɔl-dɔg-loo munda (3.000) ləm, gə kó as nékwɔji kwɔi-lə-né tɔl-dɔg-loo rɔ-munda (3.000) ləm, gə mán-nduú as litər tɔl-dɔg-loo sɔ (4.000) ləma, gə ubu as litər tɔl-dɔg-loo sɔ (4.000) ləm tɔ, nɛ kad ɓa seḭ a kar deeje gə́ kar ɓó kəm kwɔji el.

Pakɔsje 119:4

I nja un ndukunje ləi lé Mba kar dee tɔs kəm dee dɔ’g bao-bao.

Teḛ-Raga 5:3

Deḛ pana: Ala lə Ǝbrəje lé teḛ dɔ sí’g ya. Maji kari un ndui ar sí j’aw dɔdilaloo’g as ndɔ sí munda gə́ mba kinja nékinjanéməsje kar Njesigənea̰ nà banelə yeḛ a tuji sí gə yoo-koso əsé gə kiambas ya.

Jeremi 29:7

Saŋje maji lə ɓee-boo gə́ n’aw sə sí gə́ ɓər keneŋ ləm, raje tamaji ta Njesigənea̰’g mbata ləa ləm tɔ mbata mbɔl dɔ si maji lə ɓee-boo neelé ɓa seḭ kara a síje ne gə́ majee tɔ.

Jakari 12:3

Mee ndəa’g neelé n’a kar Jerusalem to asəna gə biri mbal gə́ wɔi yaa̰ mbata lə koso-dəwje lai. Deḛ lai gə́ ndigi karee ḭta gogo lé d’a kiŋga doo keneŋ ndá ginkoji dəwje gə raŋg lai gə́ dɔ naŋg nee d’a kɔm na̰’d mba rɔ səa.