Esdras 7:10 - Maktub gə́ To gə Kəmee

¹⁰ Mbata Esdras lé wɔji mée’g njaŋg mba saŋg gin godndu Njesigənea̰ mba ra née ləm, mba ndoo Israɛlje godnduje gə ndukunje gə́ to keneŋ ləm tɔ.

Esdras 7:10 ပူးပေါင်းရင်းမြစ်များ

1 Sôrta Gḭka-Israɛlje 29:18

Ǝi Njesigənea̰, Ala lə Abrakam, gə Isaak, gə Israɛl gə́ to bɔ síje-je lé maji kari ar meḛ koso-dəwje ləi tɔ kujita ləm, ar takə̰jije lə deḛ gə́ togə́bè to njaŋg gə́ kédé-kédé dɔi’g ləm tɔ.

2 Sôrta Gḭka Israɛlje 12:14

Yeḛ ra némajel mbata yeḛ ndolè goo Njesigənea̰ gə mée gə́ kára ba sur el.

2 Sôrta Gḭka Israɛlje 19:3

Nɛ yeḛ iŋga néje gə́ maji məəi’g mbata i tuji magəje mee ɓee’g ləm, i wa məəi kɔgərɔ ndolè ne goo Ala ləi ləm tɔ.

2 Sôrta Gḭka Israɛlje 30:22

Ejekias ula ta meḛ Ləbije’g lai gə́ gər goso ra kula lə Njesigənea̰ ndá deḛ d’usɔ nékulje gə́ d’inja dee gə́ nékinjanéməsje lé as ndɔ dee siri ndá d’inja nékinjanéməsje gə́ ka̰ kɔm na̰’d ləm, deḛ pidi ne Njesigənea̰, Ala lə bɔ deeje-je ləm tɔ.

Esdras 7:11

Aa ooje, ta gə́ ndaji mee maktub gə́ mbai Artajerjɛs ar Esdras gə́ to njekinjanéməs gə njendaji-maktub, yeḛ gə́ njendoo dəwje tornduje gə ndukunje lə Njesigənea̰ gə́ wɔji dɔ Israɛlje lé ɓa nee:

Esdras 7:25

I Esdras lé gə goo kəmkàr lə Ala ləi gə́ to məəi’g ndá maji kari unda ne njékoogootaje ləm, gə njégaŋ-rəwtaje ləm tɔ kar dee gaŋg rəwta lə dəwje lai gə́ d’isi kel tura-baa gə́ nu, deḛ lai gə́ gər godndu Ala ləi ləm, deḛ gə́ gər el kara i a ndoo dee kar dee gər ləm tɔ.

Esdras 7:6

Esdras neelé ḭ Babilɔn ɓa ree Jerusalem. Yeḛ to njendaji-maktub gə bao-gər-gin-godndu Moyis gə́ Njesigənea̰ Ala lə Israɛlje un aree ləw lé. Tɔɓəi to gə́ ji Njesigənea̰ Ala ləa to dɔ Esdras’g ndá mbai ndigi səa dɔ né gə́ rara gə́ yeḛ dəjee’g lé tɔ.

Maktub gə́ wɔji dɔ Jɔb 11:13

Nɛ i lé maji kari tel məəi par gə́ rɔ Ala’g ləi ləm, Maji kari ula jii ndiŋ gə́ rəa’g gə tamaji ləi ləm tɔ.

Pakɔsje 1:2

Nɛ yeḛ ndá mée kaḭ dɔ godndu Njesigənea̰’g ləm, Yeḛ la̰ji toree mée’g dan kàrá gə loondul’g ləm tɔ.

Pakɔsje 10:17

Ǝi Njesigənea̰, i oo ndu ndiŋga rɔ lə deḛ gə́ né ula kəm dee ndòo lé. I orè meḛ dee més ləm, I tuga mbii oo ne ta lə dee ləm tɔ

Pakɔsje 119:112

M’wa məəm kɔgərɔ Gə mba ra godndui ta-ta ya saar karee ɔr rɔd.

Pakɔsje 119:45

Ma lé m’a njaa to gə́ məəm ndigi Mbata m’saŋg goo ndukunje ləi.

Pakɔsje 19:7

Yee ḭ gwɔi naŋg gə́ bər Aw njal teḛ rudee gə́ dɔ-gó, Kɔs gə́ yee ɔs kəd-kəd lé né kára kara askəm ko̰ kəmee el.

Pakɔsje 57:7

Deḛ d’iya gum dɔ gɔlm’g Ar məəm ila ne kas bilim, Deḛ d’inja bwa nɔm’g Nɛ deḛ nja d’oso keneŋ.

Malasi 2:7

Mbata njekinjanéməs ɓa gə́ njeŋgəm ta gosonégər təa’g ləm, d’a dəji gin godndu təa-yeḛ’g nja ləm tɔ mbata yeḛ lé to njekaḭkula lə Njesigənea̰ gə́ njeboo-néje lé.

Matiyo 5:19

Yeḛ gə́ al dɔ godndu gə́ tḛ́-tḛ́ bèe, əsé ndoo mareeje gə mba ra togə́bè kara debee neelé d’a kée gə́ dəw gə́ əḭ el ɓeeko̰ gə́ dara ya. Nɛ dəw gə́ aa dɔ godndu neelé kər-kər ləm, gə ndoo mareeje gə mba kar dee ra togə́bè ləm tɔ ndá debee neelé d’a riba dəa təsərə gə́ dəw gə́ boo ɓeeko̰ gə́ dara lé tɔ.

Matiyo 7:24

Bèe ndá nana ɓa oo tapam, ra née ndá m’a kée gə́ dəw gə́ inja paw gə́ tum gin kəi ləa dɔ mbal’g.

Tagə́maji gə́ Ja̰ ndang 13:17

Ɓó lé seḭ gərje néje neelé raje ndá rɔ sí a sa ne rəw.

Néra Njékaḭkulaje 1:1

Ǝi, Teopil, ta gə́ ma m’ulai mee maktub ləm gə́ kédé lé m’wɔji ne dɔ né gə́ Jeju un kudu ra ləm, gə dɔ né gə́ yeḛ ndoo dee ləm tɔ un kudee ndɔ gə́ dɔtar

Tel tura Godndu 16:12

Seḭ a karje meḛ sí olé dɔ’g to gə́ seḭ toje gə́ ɓərje mee ɓee gə́ Ejiptə kédé ndá seḭ a kaaje dɔ godnduje neelé kər-kər gə mba ra née ya.

Tel tura Godndu 33:10

Deḛ ndoo Jakob tornduje ləi ləm, Deḛ ndoo Israɛlje godnduije ləm tɔ, Deḛ d’ɔm né gə́ ə̰də sululu əmi’g ləm, Deḛ d’inja nékinjanéməsje gə́ ka̰ roo dɔ loo-nékinjaməs’g ləi ləm tɔ.

1 Timote 3:2

Njekaa dɔ Eglisə lé maji karee to njegelgodo ləm, gə njedené kára ba ləma, gə njera kəmee rakaa ləm tɔ, yeḛ a to njemeendər ləm, yeḛ a kaw yururu ləm, yeḛ a kwa mbá bur-bur ləma, yeḛ a kaskəm ndoo dəwje né gə́ kəm ndoo dee ləm tɔ.

2 Timote 4:2

Ila mbər Tagə́maji lé ula ne ta meḛ dee’g loo gə́ kul’g ləm, gə loo gə́ nuŋga’g ləm tɔ, ndaŋg dee ləm, gə ndəji dee ləma, gə gɔl dee gə ndu noji ndoo dee ne ləm tɔ ɓó ya̰ gée lal ra ndɔ kára el.

Titə 2:1

I lé maji kari ula dee ta néje gə́ d’aw na̰’d gə ta ndoo gə́ gəd lé.

Titə 2:15

I ɓa yḛ̀, maji kari ndoo dee taje neelé ləm, tɔg dee ne ləm, ndəji dee to gə́ njeŋgɔ-ɓee bèe ləm tɔ. Maji kar dəw kára kara ndɔli ne el.

Loo gə́ killa rea kəm Ja̰’g 22:14

Rɔlel nai gə deḛ gə́ togo kubu lə dee mba kiŋga rəw sɔ kandə kag kəmə lé ləm, əsé mba kiŋga rəw kandə ne mee ɓee’g neelé ləm tɔ.

1 Samel 7:3

Samel ula ginkoji Israɛlje lai pana: Ɓó lé seḭ telje reeje rɔ Njesigənea̰’g gə ŋgaw meḛ sí bura ndá tɔrje magəje gə́ dɔ ɓee’g ləm, gə magəje gə́ ri dee lə Astarte ləm tɔ mbuna sí’g ndá arje meḛ sí to gə́ dɔ Njesigənea̰’g ləm, raje né areeje-yeḛ nja kára ba ləm tɔ. Yee ɓa yeḛ a kɔr sí ne ji Pilistije’g kɔm sí tar ya.