Esdras 6:9 - Maktub gə́ To gə Kəmee

⁹ Da-kulje gə́ d’aw ndòo dee mba kinja dee gə́ nékinjanéməsje gə́ ka̰ roo kar Ala gə́ si dara lé ɓa nee: Bɔ maŋgje ləm, gə bàl badje ləm, gə ŋgan badje ləm, gə kó ləm, gə kad ləm, gə mán-nduú ləma, gə ubu ləm tɔ lé néje neelé seḭ a kar deeje gə goo dəji gə́ njékinjanéməsje gə́ d’isi Jerusalem d’a dəji sí ndá seḭ a kar deeje gə ndɔ dee ndɔ dee ɓó a lalje el

Esdras 6:9 ပူးပေါင်းရင်းမြစ်များ

1 Sôrta Gḭka-Israɛlje 9:29

Njé gə́ raŋg ŋgəm nékulaje gə́ raŋg gə́ to yəje gə́ wɔji dɔ kəi-kubu-si-Ala ləm, d’aa dɔ nduji gə́ ndá léréré, gə dɔ mán-nduú, gə dɔ né gə́ ə̰də sululu gə dɔ kuma̰ gə́ ə̰də ləm tɔ.

Esdras 6:10

gə mba kar dee d’inja nékinjanéməsje gə́ baḭyeḛ ə̰də lel Ala gə́ si dara lé ləm, gə mba kar dee ra tamaji mbata lə mbai gə ŋganeeje kar dee d’isi ne gə́ majee ləm tɔ.

Esdras 6:8

Aa ooje, ndukun gə́ m’un m’ar sí gə́ wɔji dɔ né gə́ kəm kar sí raje gə ŋgatɔgje lə Jibje mbata kula kunda kəi-Ala ɓa to nee: Lar lə mbai gə́ seḭ iŋgaje gə goo nékoga-dɔ-rɔ lə dəwje gə́ d’isi kel tura-baa gə́ nu lé d’a kuga ne dɔ ji dəwje neelé karee as béréré ya gə mba kar né kára kara ɔg dee loo rəa el.

Esai 49:23

Mbaije d’a to njéŋgəm ŋgan síje ləm, Ŋgan deeje gə́ dené d’a to njékul dee gə nésɔje ləm tɔ, Deḛ d’a kunda barmba dəb kəm dee naŋg no̰ sí’g ləm, D’a bɔr kor gɔl sí’g ləm tɔ. Ndá seḭ a gərje gao To gə́ ma m’to Njesigənea̰, Bèe ɓa deḛ gə́ d’unda meḛ dee yel dɔm’g ndá Rɔkul a dəb dɔ dee’g el.

Ləbije 1:10

Ɓó lé nékinjaməs ləa to gə́ nékul gə́ lam bèe gə́ to ŋgon badə əsé ŋgon bya̰ gə́ ka̰ roo lé ndá maji karee wa bàlee gə́ rəa mina̰ el ɓa.

Ləbije 9:2

Yeḛ ula Aaro̰ pana: Maji kari wa ŋgon maŋg gə́ nékinjaməs gə́ wɔji dɔ kuga dɔ kaiya ləm, gə bàl badə gə́ nékinjaməs gə́ ka̰ roo ləm tɔ, deḛ joo bɔr gə́ rɔ dee to ndəb-ndəb ɓa i a kinja dee no̰ Njesigənea̰’g.

Mark 9:49

Mbata dəwje lai lé pər a kɔb dee kág kərm-kərm keneŋ ya.