Esdras 6:8 - Maktub gə́ To gə Kəmee

⁸ Aa ooje, ndukun gə́ m’un m’ar sí gə́ wɔji dɔ né gə́ kəm kar sí raje gə ŋgatɔgje lə Jibje mbata kula kunda kəi-Ala ɓa to nee: Lar lə mbai gə́ seḭ iŋgaje gə goo nékoga-dɔ-rɔ lə dəwje gə́ d’isi kel tura-baa gə́ nu lé d’a kuga ne dɔ ji dəwje neelé karee as béréré ya gə mba kar né kára kara ɔg dee loo rəa el.

Esdras 6:8 ပူးပေါင်းရင်းမြစ်များ

Esdras 4:16

Ta neelé j’ulaje mbai gə mba kari gər gao, ɓó lé deḛ ra ɓee-boo neelé gogo ləm, ɓó lé d’unda ndògo-bɔrɔje ləa tar gogo ləm tɔ ndá né gə́ to kaḭ a to kel tura-baa gə́ nee el ŋga tɔ.

Esdras 4:23

Léegəneeya gə́ deḛ tura maktub lə mbai Artajerjɛs lé no̰ Rehum, njeguburuɓee’g, gə no̰ Simsai gə́ to njendaji-maktub’g, gə no̰ kuramar deeje’g ndá deḛ d’ɔd gə tɔg dee d’aw Jerusalem rɔ Jibje’g. Deḛ ra sə dee né gə́ kərm-kərm ləm, gə nésiŋgamoŋje ləm tɔ ɓa d’ɔg dee ne loo ra kula neelé.

Esdras 5:5

Nɛ kəm Ala to dɔ ŋgatɔgje’g lə Jibje. Togə́bè ɓa dəw gə́ njekɔg dee dɔ kula’g neelé godo ya saar ar taree teḛ rɔ Darius’g ɓa yeḛ tel gə maktub ar dee ula dee ne ta gə́ wɔji dɔ ta neelé ɓəi.

Esdras 6:14

Ŋgatɔgje lə Jibje ra kəi neelé d’aree aw maji gə goo ndər ta gə́ Ajee njetegginta gə Jakari, ŋgolə Ido pa. Deḛ ra kula neelé saar tɔlee bém gə goo ndukun lə Ala lə Israɛlje ləm, gə goo ndukun lə Sirus, gə Darius, gə Artajerjɛs, mbaije gə́ Persə ləm tɔ.

Esdras 6:4

d’a tɔs kɔr mbalje gə́ boi gə́ tɔl dee dɔ na̰’d gun munda gə kagje gə́ sigi dɔ na̰’d gun kára ləm tɔ. Lar kuga njékulaje a kḭ mee kəi’g lə mbai ya.

Esdras 6:7

Maji kar sí ya̰ deeje ar dee ra kula kunda kəi-Ala neelé kəm dee gə́ kédé ya. Maji kar njeguburuɓee lə Jibje gə ŋgatɔgje lə Jibje tel d’unda kəi-Ala neelé d’aree to lé gə́ to ne kédé lé ya.

Esdras 6:9

Da-kulje gə́ d’aw ndòo dee mba kinja dee gə́ nékinjanéməsje gə́ ka̰ roo kar Ala gə́ si dara lé ɓa nee: Bɔ maŋgje ləm, gə bàl badje ləm, gə ŋgan badje ləm, gə kó ləm, gə kad ləm, gə mán-nduú ləma, gə ubu ləm tɔ lé néje neelé seḭ a kar deeje gə goo dəji gə́ njékinjanéməsje gə́ d’isi Jerusalem d’a dəji sí ndá seḭ a kar deeje gə ndɔ dee ndɔ dee ɓó a lalje el

Esdras 7:14

Ma ləm gə njegelɓee gə njékwɔjimtajeje gə́ siri lé j’ulai gə mba kari oo goo Judaje gə njé gə́ Jerusalem gə goo godndu Ala ləi gə́ to jii’g ləm,

Nehemi 11:23

Mbata mbai un ndia wɔji ne dɔ né gə́ d’a kar njékɔspaje ndá d’wɔji njaŋg mba kar dee gə ndɔ dee ndɔ dee ya.

Nehemi 2:8

tɔɓəi a kam maktub kára mbata lə Asap, njekaa dɔ kag-mee-kɔrje lə mbai gə mba karee am kagje gə́ tɔl mba ra ne tarəwkəije lə kəi-kaar-kegoro gə́ to mbɔr kəi gə́ to gə kəmee’g ləm, gə mbata lə ndògo-bɔrɔ lə ɓee-boo ləma, gə mbata kəi gə́ m’a gə si keneŋ ləm tɔ. Mbai am maktubje neelé ya mbata ji Ala gə́ maji dum lé to dɔm’g.

Loo gə́ killa rea kəm Daniel’g 6:26

Gée gə́ gogo ndá mbai Darius lé ndaŋg ta ar koso-dəwje lai ləm, gə ginkoji dəwje gə raŋg ləma, gə dəwje gə́ takɔji dee to gə ria-ria ləm tɔ gə́ d’isi dɔ naŋg nee pana: Maji kar sí síje dan meelɔm’g bèdèg ya!

Ajee 2:8

Larnda gə larlɔr to ka̰ neḛ, Njesigənea̰ gə́ njeboo-néje ɓa pa bèe.