Esdras 6:7 - Maktub gə́ To gə Kəmee

⁷ Maji kar sí ya̰ deeje ar dee ra kula kunda kəi-Ala neelé kəm dee gə́ kédé ya. Maji kar njeguburuɓee lə Jibje gə ŋgatɔgje lə Jibje tel d’unda kəi-Ala neelé d’aree to lé gə́ to ne kédé lé ya.

Esdras 6:7 ပူးပေါင်းရင်းမြစ်များ

Esdras 1:3

See na̰ ɓa mbuna sí’g to gə́ dəw ləa wa. Maji kar Ala ləa nai səa ndá maji karee tuga loo aw Jerusalem gə́ to dɔ naŋg lə Juda lé gə mba kunda kəi lə Njesigənea̰, Ala lə Israɛlje lé ya!

Esdras 6:6

Bèe ndá i Tatnai gə́ to njeguburuɓee gə́ to kel tura-baa gə́ nu, gə i Setar-Bosnai, gə seḭ kuramar deeje gə́ toje njé gə́ Aparsak gə́ síje kel tura-baa gə́ nu lé maji kar sí ɔrje rɔ sí aarje əw.

Esdras 6:8

Aa ooje, ndukun gə́ m’un m’ar sí gə́ wɔji dɔ né gə́ kəm kar sí raje gə ŋgatɔgje lə Jibje mbata kula kunda kəi-Ala ɓa to nee: Lar lə mbai gə́ seḭ iŋgaje gə goo nékoga-dɔ-rɔ lə dəwje gə́ d’isi kel tura-baa gə́ nu lé d’a kuga ne dɔ ji dəwje neelé karee as béréré ya gə mba kar né kára kara ɔg dee loo rəa el.