Esdras 6:22 - Maktub gə́ To gə Kəmee

²² Deḛ ra naḭ gə́ wɔji dɔ muru gə́ lal əm-tiné gə rɔlel as ndɔ dee siri mbata Njesigənea̰ ar rɔ dee lel dee loo gə́ yeḛ tel mee mbai gə́ Asiri aree ula diŋgam meḛ dee’g dɔ kula kunda kəi Ala gə́ to Ala lə Israɛlje lé.

Esdras 6:22 ပူးပေါင်းရင်းမြစ်များ

2 Mbaije 23:29

Mee ndəa gən lé ɓa Parao̰ Neko, mbai gə́ Ejiptə ɔr rɔ aw rɔ gə mbai gə́ Asiri mbɔr baa gə́ Epratə’g lé. Yen ŋga Jojias, mbai teḛ aw iŋgá tɔ. Leegeneeya loo gə́ kəm Parao̰ oso dəa’g ndá yeḛ tɔlee mee ɓee gə́ Megido tɔ.

2 Sôrta Gḭka Israɛlje 23:18

Jeojoda tel ɔm kula gə́ wɔji dɔ kəi lə Njesigənea̰ ji njékinjanéməsje gə́ to Ləbije to gə́ Dabid kai dee ne kula mee kəi’g lə Njesigənea̰ ar dee d’inja ne nékinjanéməsje gə́ ka̰ roo kar Njesigənea̰ to gə́ ndaŋg ne taree mee maktub godndu’g lə Moyis gə pa kalrɔje gə goo ndukunje lə Dabid lé.

2 Sôrta Gḭka Israɛlje 29:30

Yen ŋga mbai Ejekias gə ŋgan-mbaije d’un ndu dee d’ar Ləbije mba kar dee pidi Njesigənea̰ gə paje lə Dabid, gə ka̰ Asap, njetegginta lé, ndá deḛ pidee gə boo-rɔkal ləm, d’ɔs kəji dee naŋg d’unda barmba ləm tɔ.

2 Sôrta Gḭka Israɛlje 30:21

Togə́bè ɓa Israɛlje gə́ d’ḭ raga gə njé gə́ Jerusalem lé ra naḭ gə́ wɔji dɔ muru gə́ lal əm-tiné as ndɔ siri gə boo-rɔkal, gə ndɔje kára-kára lai lé Ləbije gə njékinjanéməsje pidi Njesigənea̰ gə nékimje gə́ ɓar ɔr loo lɔi-lɔi d’ila ne riɓar dɔ Njesigənea̰’g tɔ.

2 Sôrta Gḭka Israɛlje 33:11

Yen ŋga Njesigənea̰ ar ɓé-njérɔje gə́ Asiri ree d’wa Manasə teá gə kúla lar, deḛ teá gə kúla larkas njim-njim d’aw səa Babilɔn tɔ.

2 Sôrta Gḭka Israɛlje 35:17

Israɛlje gə́ d’aar lée’g neelé ra naḭ Pag mee ndəa’g neelé ləm, deḛ ra naḭ gə́ wɔji dɔ muru gə́ əm-tiné godo keneŋ as ndɔ dee siri ləm tɔ.

Esdras 1:1

Mee ləb ko̰ɓee gə́ dɔtar’g lə Sirus, mbai gə́ Persə lé Njesigənea̰ ar ta gə́ yeḛ pa gə ndu Jeremi lé aw lée’g béréré ya. Njesigənea̰ lé ɔs Sirus, mbai gə́ Persə lé ɓɔḭ-ɓɔḭ gə mba karee ar dee d’ila mber gə looje lai mee ɓeeko̰’g ləa ləm, gə ndaŋg taree mee maktub’g ləm tɔ pana:

Esdras 6:1

Yen ŋga mbai Darius un ndia gə mba kar dee saŋg mee kəi-ŋgəm-maktubje gə́ to loo gə́ d’ɔm nébaoje lə ɓee gə́ Babilɔn keneŋ.

Esdras 7:27

Maji kar dɔ ri Njesigənea̰ Ala lə bɔ síje-je ai səgərə, yeḛ gə́ gɔl mee mbai aree ə̰ji mba kula ne rɔnduba dɔ kəi’g lə Njesigənea̰ gə́ to Jerusalem lé.

Nehemi 13:6

Loo gə́ néje nee teḛ lé ndá ma m’godo Jerusalem mbata m’tel m’aw rɔ mbai’g mee ləb ko̰ɓee’g lə Artajerjɛs, mbai gə́ Babilɔn gə́ njekɔm’g rɔ-munda-giree-joo lé.

Gosota-Kəmkàrje 16:7

Loo gə́ rəw-kaw dəw taa kəm Njesigənea̰ rəgm ndá Njesigənea̰ ar njéba̰je ləa kara d’ɔm səa na̰’d tɔ.

Gosota-Kəmkàrje 21:1

Mee mbai lé to gə́ kəm-rəw-mán gə́ to meḛ ji Njesigənea̰’g, Yeḛ telee loo gə́ rara kara to gə́ mée ndigi.

Ejekel 23:23

Babilɔnje gə Kaldeje lai, gə Pekod, gə Soa, gə Kowa ləm, gə Asirije lai sə dee na̰’d ləm tɔ, deḛ gə́ to basaje gə́ kura yaa̰ ləm, to njéguburuɓeeje gə mbaije ləm, to mbaije gə́ njériɓarje ləma, gə njégər goso kal kundaje ləm tɔ.

Matiyo 26:17

Ndɔ gə́ doŋgɔr gə́ deḛ ra naḭ d’wɔji ne dɔ muru gə́ nétiee godo keneŋ ndá njékwakila Jejuje rəm wɔr gə́ rəa’g dəjee pana: See loo gə́ ra ɓa i ndigi kar sí n’gɔl néra Pag lé keneŋ wa.

Tagə́maji gə́ Ja̰ ndang 19:11

Jeju ilá keneŋ pana: Ɓó lé d’ḭ gə dɔmoŋ loo gə́ tar’g d’ula dɔi’g el ndá i a kaskəm ra səm né kára kara gə dɔrɔi el tɔ. Gelee gə́ nee ɓa yeḛ gə́ ulam jii’g lé kaiya ləa ur dɔ kaḭ’g ɓəi.