Esdras 6:21 - Maktub gə́ To gə Kəmee

²¹ Israɛlje gə́ d’ḭ ɓee-ɓər’g tel ree lé d’usɔ badə Pag na̰’d gə deḛ lai gə́ d’ɔr rɔ dee rɔ néje gə́ mina̰’g lə ginkoji dəwje gə́ d’isi mee ɓee’g neelé gə́ d’ɔm sə dee na̰’d sad mba saŋg goo Njesigənea̰ Ala lə Israɛlje lé.

Esdras 6:21 ပူးပေါင်းရင်းမြစ်များ

2 Sôrta Gḭka Israɛlje 30:19

deḛ lai gə́ d’wa meḛ dee kɔgərɔ mba ndolè goo Ala, Njesigənea̰, Ala lə bɔ deeje-je lé lé deḛ d’ɔr won rɔ dee gə goo néra gə́ to gə kəmee lé el kara maji kari ar məəi oso lemsé dɔ dee’g ya, kɔgərɔ kari!

Esdras 9:1

Loo gə́ rudu néje neelé un ɗiao mba̰ ndá ŋgan-mbaije ree rɔm’g pana: Dəwje gə́ Israɛl ləm, gə njékinjanéməsje gə Ləbije ləm tɔ lé d’unda rɔ dee ɓəd mbuna dəw-mee-ɓeeje’g neelé el ləm, ndá deḛ ndaji ne néra deeje gə́ mina̰ gə́ to kḛji gə́ to néra Kana̰je ləm, gə Hetje ləm, gə Peresje ləm, gə Yebusje ləm, gə Amo̰je ləm, gə Moabje ləm, gə Ejiptəje ləma, gə Amɔrje ləm tɔ.

Esdras 9:11

to godnduije gə́ i un ar sí gə ndu kuraje ləi gə́ to njéteggintaje gə́ pa pana: Ɓee gə́ jeḛ j’awje keneŋ mba karee to ka̰ síjeḛ lé to ɓee gə́ mina̰ mbata néje gə́ to kḛji gə́ dəw-mee-ɓeeje ra ləm, gə néra deeje gə́ mina̰ gə́ taa loo keneŋ pəl-pəl ləm tɔ.

Nehemi 9:2

Deḛ gə́ to gə́ ginkoji Israɛlje lé d’ɔr rɔ dee gə́ raga rɔ deḛ lai gə́ to dəw-dɔ-ɓeeje’g ndá deḛ teggin kaiya lə dee ləm, gə néra kori-korije lə bɔ deeje-je ləm tɔ.

Pakɔsje 93:5

Ndukunje ləi lé to kankəmta ya Ɓó loo maḭyee godo, Ǝi Njesigənea̰, némeenda kɔr jol-jol to gə́ mee kəi’g ləi lé ya Gə ləbee-ləbee saar-saar gə no̰ ya.

Esai 52:11

Ḭje lée’g neelé undaje loo teḛje, gə́ teḛje ya! Tibije mbɔr né gə́ mina̰ kára kara el! Saaje rɔ sí rɔ dee’g. Ɔrje won kaiya rɔ sí’g, Seḭ gə́ odoje nékulaje lə Njesigənea̰ lé!

Ejekel 36:25

N’a saga mán gə́ àr yal-yal dɔ sí’g ndá seḭ a kàrje ne ŋgad-ŋgad. Rɔ mina̰je lə sí lai gə magəje lə sí lai lé n’a kɔr dee rɔ sí’g kar sí àrje ne ŋgad-ŋgad.

2 Njé gə́ Kɔrḭtə 6:17

Yee gə́ bèe ɓa Mbaidɔmbaije pana: Undaje loo mbuna dee’g teḛje, Saaje rɔ sí rɔ dee’g gə́ gogo, Ɓó tibije mbɔr né gə́ mina̰ lé el.

2 Njé gə́ Kɔrḭtə 7:1

Seḭ gə́ m’unda sí dan kəm’g lé to gə́ ndukunje nee gə́ yeḛ un ar sí to togə́bè ndá ar sí n’togoje néje gə́ mina̰ gə́ gə ria-ria gə́ tia̰ darɔ sí’g gə ndil sí’g ləm, ar sí m’ɓəlje Ala mba kar meenda lə sí maji ɔr njoroŋ ləm tɔ.