Esdras 6:20 - Maktub gə́ To gə Kəmee

²⁰ Mbata njékinjanéməsje gə Ləbije d’ɔr won rɔ dee na̰’d ndá deḛ lai rɔ dee àr ŋgad-ŋgad. Deḛ d’inja ŋgon badə Pag neelé mbata deḛ lai gə́ d’ḭ ɓee-ɓər’g tel ree ləm, gə mbata lə ŋgako̰ deeje gə́ to njékinjanéməsje ləma, gə mbata lə dee-deḛ nja kara ləm tɔ.

Esdras 6:20 ပူးပေါင်းရင်းမြစ်များ

2 Sôrta Gḭka Israɛlje 29:34

Nɛ bula lə njékinjanéməsje ɓa lam ba ndá d’askəm tó ndar da-nékinjanéməsje lé lai el, ŋgako̰ deeje gə́ to Ləbije la sə dee saar d’ar kula neelé godo tɔɓəi saar loo gə́ njékinjanéməsje gə́ raŋg d’unda rɔ dee gə kəmee mbata Ləbije lé kunda rɔ dee gə kəmee wa meḛ dee-deḛ unda njékinjanéməsje tɔ.

2 Sôrta Gḭka Israɛlje 35:11

Deḛ tɔl badə Pag lé ndá njékinjanéməsje saga məs gə́ deḛ taa ji Ləbije’g ləm, Ləbije tó ndar nékulje lé ləm tɔ.

2 Sôrta Gḭka Israɛlje 35:14

Gée gə́ gogo deḛ gɔl né gə́ wɔji dɔ dee-deḛ ləm, gə mbata lə njékinjanéməsje ləm tɔ mbata njékinjanéməsje gə́ to ŋgaka Aaro̰ lé ra kula saar kàrkemetag gə mba kinja nékinjanéməsje gə́ ka̰ roo ləm, gə ubeeje lé ləm tɔ. Gelee gə́ nee ɓa Ləbije ɓa to ne njégɔl néje mbata lə dee ləm, gə mbata lə ŋgaka Aaro̰ ləm tɔ.

2 Sôrta Gḭka Israɛlje 35:15

Bao-paje gə́ to ŋgaka Asap lé d’aar loo-kaar dee’g gə goo ndukun lə Dabid, gə Asap, gə Heman, gə Jedutun gə́ to njekoo ta mee Ala’g lé mbata lə mbai lé, tɔɓəi njéŋgəm takəije d’aar tarəwkəije’g kára kára lai tɔ. Deḛ lé d’ya̰ goo kula lə dee el mbata ŋgako̰ deeje gə́ to Ləbije lé gɔl nésɔ gə́ wɔji dɔ dee tɔ.

Teḛ-Raga 12:21

Moyis ɓar ŋgatɔgje gə́ Israɛl lai ula dee pana: Awje, aw waje nékulje mbata lə njémeekəije lə sí ndá ŋgan badje gə́ wɔji dɔ Pag lé inja deeje gə́ məs.

Ǝbrəje 7:27

Ŋgɔ-njékinjanéməsje gə́ neen lé ndɔ dee ndɔ dee d’inja nékinjanéməsje mba kuga ne kaiya lə dee-deḛ nja kédé ɓa ka̰ koso-dəwje lé ɓəi. Nɛ kea̰-yeḛ lé to togə́bè el. Mbata yeḛ ya̰ rəa ar yoo tel ne nékoga-kaiya lə dəwje gɔl kára ba kiao gə́ ŋgaŋgee.