Esdras 6:18 - Maktub gə́ To gə Kəmee

¹⁸ Deḛ d’unda njékinjanéməsje gə kudu dee kudu dee ləm, Ləbije kara d’unda dee gə goo kai na̰ kula lə dee ləm tɔ mba ra kula kar Ala mee ɓee gə́ Jerusalem to gə́ deḛ ndaŋg ne taree mee maktub’g lə Moyis lé tɔ.

Esdras 6:18 ပူးပေါင်းရင်းမြစ်များ

1 Sôrta Gḭka-Israɛlje 24:1

Aa oo, kudu dee-deḛ gə́ to ŋgaka Aaro̰ lé ɓa nee: Ŋgalə Aaro̰je ɓa ri dee to nee: Nadab, gə Abihu, gə Eləajar, gə Itamar.

1 Sôrta Gḭka-Israɛlje 24:24

Ŋgolə Ujiel to Mika, mbuna ŋgalə Mika’g lé to Samir,

1 Sôrta Gḭka-Israɛlje 25:1

Dabid gə ɓé-njérɔje d’ɔr njé gə́ na̰je mbuna ŋgalə Asap’g, gə Heman’g, gə Jedutun’g, d’unda dee gə kəmee mbata kula lé deḛ gə́ tegginta gə kṵdu-kagje gə kṵdu-ko̰déje gə ma̰dje gə́ sa səgə-səgə tɔ. Aa ooje, bula lə deḛ gə́ d’ɔm kula neelé ji dee’g lé ɓa nee:

2 Sôrta Gḭka Israɛlje 35:10

Rəw kulaje neelé deḛ d’wa dɔ gɔlee jəb-jəb ndá njékinjanéməsje gə Ləbije d’aar loo-kaar dee’g gə goo kudu dee kudu dee ləm, gə goo ndukun lə mbai ləm tɔ.

2 Sôrta Gḭka Israɛlje 7:6

Njékinjanéməsje d’aar loo-kula’g lə dee. Ləbije kara d’aar gə nékimje gə́ ka̰ kula rɔnduba dɔ Njesigənea̰’d gə́ mbai Dabid ra gə mba kɔs ne pa pidi ne Njesigənea̰, loo gə́ Dabid ɔm ne kula neelé ji dee’g mba kar dee d’ula ne rɔnduba dɔ Njesigənea̰’g lé pa ne pana: Meekɔrjol ləa lé to saar-saar gə no̰. Ndá njékinjanéməsje d’im to̰to̰je no̰ dee’g. Israɛlje lai d’aar lée’g neelé tɔ.

Bula lə Israɛlje 3:6

Ar ginkoji Ləbije rəm gə́ kédé ndá i a kunda dee no̰ Aaro̰ gə́ njekinjanéməs’g mba kar dee la səa dɔ kula’g.

Bula lə Israɛlje 3:9

I a kɔm Ləbije lé ji Aaro̰’g gə ji ŋganeeje gə́ diŋgam’g, bèe ɓa Israɛlje lé d’a kunda dee ne gə kəmee bura kar dee ya.