Esdras 6:17 - Maktub gə́ To gə Kəmee

¹⁷ Nékinjaməsje gə́ d’inja d’unda ne kəi-Ala gə kəmee lé to bɔ maŋgje tɔl (100) kára ləm, bàl badje tɔl joo (200) ləma, ŋgan badje tɔl sɔ (400) ləm tɔ, tɔɓəi nékinjanéməsje gə́ ka̰ kuga dɔ kaiya lə Israɛlje lai lé bàl bya̰je dɔg-giree-joo gə goo bula lə ginkoji Israɛlje.

Esdras 6:17 ပူးပေါင်းရင်းမြစ်များ

1 Mbaije 18:31

Yeḛ odo kɔr mbalje dɔg-giree-joo gə goo bula lə ginkoji lə ŋgalə Jakob, yeḛ gə́ Njesigənea̰ ulá pana: Israɛl ɓa to ria lé,

1 Mbaije 8:62

Mbai Salomo̰ gə koso-dəwje gə́ Israɛl lai səa na̰’d d’inja nékinjanéməsje d’ar Njesigənea̰.

2 Sôrta Gḭka Israɛlje 29:24

Njékinjanéməsje tḭja gwɔb dee ndá taa məs dee d’aw tər gɔl loo-nékinjaməs’g mba kuga ne dɔ kaiyaje lə Israɛlje lai, mbata mbai lé un ndia ar dee d’inja ne nékinjaməs gə́ ka̰ roo ləm, gə nékinjaməs gə́ ka̰ kuga dɔ kaiya ləm tɔ mbata lə Israɛlje lai ya.

2 Sôrta Gḭka Israɛlje 7:5

Mbai Salomo̰ lé inja bɔ maŋgje tɔl-dɔg-loo rɔ-joo giree joo (22.000) ləm, gə badje tɔl-dɔg-loo-tɔl gə dəa rɔ-joo (120.000) ləm tɔ gə́ nékinjanéməsje. Togə́bè ɓa mbai lé ləm gə koso-dəwje d’unda ne kəi Ala gə kəmee ɓəd tɔ.

Esdras 8:35

Ŋgalə deḛ gə́ d’ḭ ɓee-ɓər’g tel ree lé ree gə bɔ maŋgje dɔg-giree-joo gə́ nékḭja məsje gə́ ka̰ roo kar Ala lə Israɛlje, mbata Israɛlje lai ləm, gə bàl badje rɔ-jinaikara-giree-misa̰ gə ŋgan badje rɔ-siri-giree-siri gə bàl bya̰je dɔg-giree-joo gə́ to nékinjanéməsje gə́ wɔji dɔ kuga dɔ kaiya ləm tɔ, ar néje neelé to gə́ nékinjanéməsje gə́ ka̰ roo kar Njesigənea̰ ya.

Ləbije 4:28

ɓó lé kəmee inja dɔ kaiya gə́ yeḛ ra’g lé ndá yeḛ a kwa ma̰də bya̰ gə́ rəa mina̰ el gə́ nékinjaməs mbata lə kaiya gə́ yeḛ ra lé tɔ.

Ləbije 4:3

Ɓó lé to ŋgɔ-njekinjanéməs ɓa ra kaiya ar ta wa ne dɔ koso-dəwje lai ndá to kəm karee wa bɔ maŋg gə́ rəa mina̰ el gə́ nékinjaməs gə́ ka̰ kiŋga meekoso lemsé no̰ Njesigənea̰’g.

Lugu 22:30

mba kar sí sije ta nésɔ’g sɔje gə ta nékai’g aije mee ɓeeko̰’g ləm ləm, gə mba kar sí sije dɔ kalimbaije’g gə mba gaŋgje rəwta lə ginka Israɛlje gə́ dɔg-gir-dee-joo lé ləm tɔ.

Loo gə́ killa rea kəm Ja̰’g 21:12

Ndògo gə́ dəree ŋgal lé gugu dɔ ɓee-boo lé sub. Tarəbeeje dɔg-giree-joo to keneŋ ləm, kuraje gə́ dara dɔg-gir-dee-joo d’isi tarəbeeje’g ləm tɔ. Deḛ ndaŋg ri ginkoji Israɛlje dɔg-gir-dee-joo tarəbee kára-kára dɔg-giree-joo ya tɔ.