Esdras 6:16 - Maktub gə́ To gə Kəmee

¹⁶ Israɛlje, gə njékinjanéməsje gə Ləbije gə ges ŋgalə deḛ gə́ d’ḭ ɓee-ɓər’g tel ree lé d’unda kəi-Ala neelé gə kəmee gə rɔlel.

Esdras 6:16 ပူးပေါင်းရင်းမြစ်များ

1 Mbaije 8:62

Mbai Salomo̰ gə koso-dəwje gə́ Israɛl lai səa na̰’d d’inja nékinjanéməsje d’ar Njesigənea̰.

1 Mbaije 8:63

Salomo̰ wa bɔ maŋgje tɔl-dɔg-loo rɔ-joo giree-joo (22.000) ləm, gə badje tɔl-dɔg-loo rɔ-joo (20.000) ləm tɔ gə́ nékinjanéməsje gə́ wɔji dɔ kɔm na̰’d. Bèe ɓa, mbai lé gə Israɛlje lai d’un ne kəi lə Njesigənea̰ d’unda ne gə kəmee.

1 Sôrta Gḭka-Israɛlje 15:28

Israɛlje lai d’ar dee ree gə sa̰duk-manrɔ lə Njesigənea̰ lé ɓée gə ndu rɔlel ləm, gə ndu tébé ləm, gə ndu to̰to̰ ləma, gə ndu ma̰dje gə́ sa səgə-səgə ləm tɔ ndá deḛ d’im kṵdu-ko̰déje gə kṵdu-kagje tɔ.

1 Sôrta Gḭka-Israɛlje 9:2

Dəwje gə́ dɔtar gə́ d’isi dɔ naŋg’d lə dee ləm, gə mee ɓee-booje’g lə dee ləm tɔ lé to Israɛlje, gə njékinjanéməsje, gə Ləbije, gə njéra kula mee kəi-Ala’d gə́ raje lé tɔ.

2 Sôrta Gḭka Israɛlje 29:30

Yen ŋga mbai Ejekias gə ŋgan-mbaije d’un ndu dee d’ar Ləbije mba kar dee pidi Njesigənea̰ gə paje lə Dabid, gə ka̰ Asap, njetegginta lé, ndá deḛ pidee gə boo-rɔkal ləm, d’ɔs kəji dee naŋg d’unda barmba ləm tɔ.

2 Sôrta Gḭka Israɛlje 30:23

Tɔɓəi koso-dəwje lai d’ɔm na̰’d gə mba ra naḭ as ndɔ siri gə́ raŋg ya ɓəi. Ndá deḛ ra naḭ mee ndɔ gə́ siri’g neelé gə rɔlel tɔ,

2 Sôrta Gḭka Israɛlje 30:26

Boo-rɔkal taa loo mee ɓee gə́ Jerusalem pəl-pəl ndá un kudee mee ndəa’g lə Salomo̰, ŋgolə Dabid, mbai gə́ Israɛl lé d’oo gar rɔlel gə́ togə́bè Jerusalem el ya saar ɓəi.

2 Sôrta Gḭka Israɛlje 7:5

Mbai Salomo̰ lé inja bɔ maŋgje tɔl-dɔg-loo rɔ-joo giree joo (22.000) ləm, gə badje tɔl-dɔg-loo-tɔl gə dəa rɔ-joo (120.000) ləm tɔ gə́ nékinjanéməsje. Togə́bè ɓa mbai lé ləm gə koso-dəwje d’unda ne kəi Ala gə kəmee ɓəd tɔ.

Esdras 4:1

Njéba̰je lə Judaje gə Bḛjamije d’oo ta lə deḛ gə́ d’ḭ ɓee ɓee-ɓər’g tel ree lé d’unda kəi gə́ to gə kəmee d’ar Njesigənea̰ Ala lə Israɛlje.

Esdras 6:22

Deḛ ra naḭ gə́ wɔji dɔ muru gə́ lal əm-tiné gə rɔlel as ndɔ dee siri mbata Njesigənea̰ ar rɔ dee lel dee loo gə́ yeḛ tel mee mbai gə́ Asiri aree ula diŋgam meḛ dee’g dɔ kula kunda kəi Ala gə́ to Ala lə Israɛlje lé.

Nehemi 12:27

Ndɔ kunda ndògo-bɔrɔ gə́ Jerusalem gə kəmee lé deḛ ɓar Ləbije gə looje lai gə́ d’isi keneŋ mba kar dee ree Jerusalem mba ra naḭ gə́ wɔji dɔ kunda ndògo-bɔrɔ gə kəmee gə paje gə pa pidije ləm, gə kaa ma̰də gə́ saga səgə-səgə ləm, gə kṵdu-ko̰déje ləma, gə kṵdu-kagje ləm tɔ.

Nehemi 12:43

Mee ndəa’g neelé deḛ d’inja nékinjanéməsje bula yaa̰ ndá deḛ d’al rɔ dee mbata Ala ar koso-dəwje nérɔlel gə́ boo. Denéje gə ŋganje kara ra rɔlel tɔ ndá ndu rɔlel lə njé gə́ Jerusalem lé dəwje d’oo loo gə́ əw’g ya tɔ.

Nehemi 8:10

Deḛ d’ula dee tɔɓəi pana: Aw sɔje da gə́ to ubu ləm, aw aije nékai gə́ lel ləma, ulaje gə gesee arje deḛ gə́ d’wa dɔ gɔl ka̰ dee el ləm tɔ mbata ɓogənè to ndɔ gə́ to gə kəmee mbata lə Mbaidɔmbaije lə sí. Arje kəm sí to ndòo el mbata rɔlel lə Njesigənea̰ ɓa a to siŋga sí ya.

Pakɔsje 122:1

Pakɔs kḭ kaw tuga ne loo ɗao-ɗao gə́ tar. Ka̰ Dabid. M’isi dan rɔlel’g loo gə́ d’ulam pana: Ar sí j’awje mee kəi’g lə Njesigənea̰.

Loo gə́ killa rea kəm Daniel’g 5:13

Yen ŋga d’ar Daniel ree no̰ mbai’g lé. Mbai lé un ta dəji Daniel pana: See i lé ɓa to Daniel mbuna deḛ gə́ d’wa dee Juda ɓa bɔm gə́ to mbai lé ar dee d’ḭ səi ɓee gə́ Juda ree səi lé wa.

Tagə́maji gə́ Ja̰ ndang 10:22

Mee ɓee gə́ Jerusalem lé deḛ ra naḭ gə́ wɔji dɔ Kəi-Ala gə́ kɔr kunda gə kəmee. To gə́ nai kuli.

Tel tura Godndu 12:7

Lée gə́ neelé ɓa seḭ a ko̰je muru no̰ Njesigənea̰ Ala’g lə sí keneŋ, seḭje gə njémeekəije lə sí lai a raje rɔlel mbata némeemajije lai gə́ Ala lə sí gə́ Njesigənea̰ ar sí, loo gə́ yeḛ tɔr ne ndia dɔ sí’g lé.

Njé gə́ Pilibə 4:4

Alje rɔ sí ta-ta gin Mbaidɔmbaije’g. Ma m’tel gə mba pa ya tɔɓəi, alje rɔ sí ya.