Esdras 6:15 - Maktub gə́ To gə Kəmee

¹⁵ Deḛ tɔl kəi lé bém mee ndɔ gə́ njekɔm’g munda’g lə naḭ gə́ ɓaree Adar mee ləb ko̰ɓee gə́ njekɔm’g misa̰ gə́ Darius to ne mbai lé.

Esdras 6:15 ပူးပေါင်းရင်းမြစ်များ

1 Mbaije 8:63

Salomo̰ wa bɔ maŋgje tɔl-dɔg-loo rɔ-joo giree-joo (22.000) ləm, gə badje tɔl-dɔg-loo rɔ-joo (20.000) ləm tɔ gə́ nékinjanéməsje gə́ wɔji dɔ kɔm na̰’d. Bèe ɓa, mbai lé gə Israɛlje lai d’un ne kəi lə Njesigənea̰ d’unda ne gə kəmee.

Esdras 4:24

Togə́bè ɓa deḛ d’əw ne rɔ dee ra kula gə́ wɔji dɔ kəi-Ala gə́ to Jerusalem lé d’ya̰ gée saar ləb ko̰ɓee gə́ njekɔm’g joo lə Darius, mbai gə́ Persə lé tɔ.

Esdras 5:16

Yee ɓa Sesbasar neelé ree tum ne gin kəi-Ala gə́ to Jerusalem lé, un kudee mee ndəa gən lé saar kara n’isi n’raje kəi lé gə́ ra ɓó neḛ n’tɔleeje bém el ɓəi.

Esdras 9:9

Mbata jeḛ n’toje ɓərje ya nɛ Ala uba sí ya̰ sí dan loo ra kula ɓər’g lə sí el. Yeḛ wa sə sí noji kəm mbaije gə́ Persə ar sí n’tel j’isije ne kəmba ləm, ar sí j’undaje kəi-Ala lə sí ləm, ar sí n’gɔlje looje gə́ tuji karee to lée’g gogo ləma, gə mba kar sí loo-kula-dɔ sí keneŋ dɔ naŋg gə́ Juda gə ɓee-boo gə́ Jerusalem ləm tɔ.

Este 3:13

Maktub lé d’ula ne njékaḭkulaje mee dəb ɓeeko̰je’g lə mbai lé lai, gə mba kar dee tɔl ne Jibje lai, basaje gə ɓugaje ləm, ŋganje gə denéje ləm tɔ, d’ar dee d’udu guduru, mee ndɔ gə́ kára ba ya, mee ndɔ gə́ njekɔm’g dɔg-giree-munda, lə naḭ gə́ njekɔm’g dɔg-giree-joo gə́ to naḭ Adar ləm, gə mba kar dee d’unda némajije lə dee banrɔ ləm tɔ.

Este 3:7

Naḭ gə́ doŋgɔr gə́ to naḭ Nisa̰, mee ləb gə́ njekɔm’g dɔg-giree-joo gə́ Asuerus to ne mbai lé deḛ d’ila Pur no̰ Aman’g ndɔje kára-kára ləm, gə naḭje kára-kára ləm tɔ saar as naḭ dɔg-giree-joo gə́ to naḭ Adar lé mba koo see naḭ gə́ ra ɓa a kumá wa.

Este 8:12

Né neelé wɔji dɔ ndɔ kára ba ya mee dəb ɓeeko̰je lai gə́ to ka̰ mbai Asuerus, to ndɔ gə́ njekɔm’g dɔg-giree-munda mee naḭ gə́ njekɔm’g dɔg-giree-joo gə́ to naḭ Adar lé.

Este 9:1

Mee naḭ gə́ njekɔm’g dɔg-giree-joo gə́ to naḭ Adar lé ndɔ gə́ njekɔm’g dɔg-giree-munda ɓa to ndɔ gə́ d’a gə ra né gə goo ndukun gə́ mbai un ndia dɔg ləm, to ndəa gə́ njéba̰je lə Jibje d’ə̰ji meḛ dee’g mba dum ne dɔ dee ləm tɔ. Nɛ né neelé tel to ɓəd ar Jibje ɓa tel dum dɔ njéba̰je lə dee lé.

Este 9:15

Togə́bè ɓa Jibje gə́ d’isi Susə lé mbo̰ dɔ na̰ gɔl kára ya tɔɓəi mee ndɔ gə́ njekɔm’g dɔg-giree-sɔ mee naḭ Adar’g ndá deḛ tɔl dəwje tɔl-munda (300) mee ɓee gə́ Susə ya ɓəi. Nɛ deḛ d’ula ji dee d’un ne né lə dee el.

Este 9:17

Néje neelé teḛ mee ndɔ gə́ njekɔm’g dɔg-giree-munda mee naḭ Adar’g lé. Jibje d’wa rɔ dee ndɔ gə́ njekɔm’g dɔg-giree-sɔ’g ndá deḛ d’aree to gə́ ndɔ muru-gad ləm, gə ndɔ rɔlel ləm tɔ.

Este 9:19

Gelee gə́ nee ɓa Jibje gə́ mee ɓee-kogoje’d gə́ wala gə́ lal ndògo-bɔrɔ lé ndɔ gə́ njekɔm’g dɔg-giree-sɔ mee naḭ Adar’g lé deḛ d’aree to ndɔ rɔlel ləm, gə ndɔ muru-gad ləma, gə ndɔ ra naḭje ləm tɔ, tɔɓəi deḛ d’ula gə nénojije d’ar na̰ yo gə́ nee tɔ.

Este 9:21

Yeḛ un ndia ar dee mba kar dee d’aa dɔ ndɔ gə́ njekɔm’g dɔg-giree-sɔ gə ndɔ gə́ njekɔm’g dɔg-giree-mi mee naḭ Adar’g lé gə mba ra naḭ keneŋ gə ləbje kára kára lai ya.

Jakari 1:1

Mee naḭ gə́ njekɔm’g jinaijoo’g, mee ləb ko̰ɓee’g lə Darius gə́ njekɔm’g joo lé Njesigənea̰ ula Jakari ŋgolə Berekia, ŋgoka Ido, njetegginta lé ta gə rɔtaje neelé pana:

Jakari 1:16

Gelee gə́ nee ɓa Njesigənea̰ pa ne togə́bè pana: N’a gə tel ree Jerusalem gə meemaji Ndá d’a tel kunda kəi lə neḛ gogo ləm, D’a kwɔji Jerusalem gə kúla ləm tɔ.

Jakari 4:9

Ji Jorobabel ɓa tum ne gel kəi neelé ləm, Jia-yeḛ nja a kunda ne tɔl ləm tɔ. Bèe ɓa seḭ a gərje ne gao to gə́ Njesigənea̰ gə́ njeboo-néje ɓa ulam rɔ sí’g ya.