Esdras 6:14 - Maktub gə́ To gə Kəmee

¹⁴ Ŋgatɔgje lə Jibje ra kəi neelé d’aree aw maji gə goo ndər ta gə́ Ajee njetegginta gə Jakari, ŋgolə Ido pa. Deḛ ra kula neelé saar tɔlee bém gə goo ndukun lə Ala lə Israɛlje ləm, gə goo ndukun lə Sirus, gə Darius, gə Artajerjɛs, mbaije gə́ Persə ləm tɔ.

Esdras 6:14 ပူးပေါင်းရင်းမြစ်များ

Esdras 3:8

Mee ləb gə́ njekɔm’g joo gə́ orè goo ree gə́ deḛ ree loo gə́ kəi-Ala to ne Jerusalem kédé lé mee naḭ gə́ njekɔm’g joo ndá Jorobabel, ŋgolə Səaltiel, gə Juje, ŋgolə Josadak, gə ges ŋgako̰ deeje gə́ to njékinjanéməsje gə Ləbije, gə deḛ lai gə́ d’ḭ ɓee-ɓər’g tel ree Jerusalem lé d’un kudu ra kula neelé. Deḛ gə́ to Ləbije gə́ ləb dee as rɔ-joo əsé unda rɔ-joo ɓa d’unda dee gə́ njékaa dɔ kula kunda kəi lə Njesigənea̰-je ya.

Esdras 4:24

Togə́bè ɓa deḛ d’əw ne rɔ dee ra kula gə́ wɔji dɔ kəi-Ala gə́ to Jerusalem lé d’ya̰ gée saar ləb ko̰ɓee gə́ njekɔm’g joo lə Darius, mbai gə́ Persə lé tɔ.

Esdras 4:3

Nɛ Jorobabel gə Juje gə mbai dɔ gel-bɔje lə Israɛlje gə́ nai lé tel d’ila dee keneŋ pana: Jeḛ sə síje j’a kasjekəm kɔrè na̰ mba ra kəi-Ala lə sí el. Jeḛ nja gə kar sí ba j’a ra kəi neelé kar Njesigənea̰ Ala lə Israɛlje to gə́ Sirus, mbai gə́ Persə un ne ndia ar sí lé ya.

Esdras 5:1

Njéteggintaje gə́ Ajee gə Jakari, ŋgolə Ido gə́ to njetegginta lé, tegginta gə ri Ala lə Israɛlje d’ar Jibje gə́ d’isi Juda gə Jerusalem tɔ.

Esdras 5:13

Nɛ mee ləb ko̰ɓee gə́ dɔtar’g lə Sirus, mbai gə́ Babilɔn lé ndá mbai Sirus lé un ndia mba kar neḛ n’gɔlje kəi-Ala neelé gogo.

Esdras 5:2

Yen ŋga Jorobabel, ŋgolə Səaltiel, gə Josué, ŋgolə Josadak, d’ḭ d’un kudu kunda kəi-Ala gə́ to Jerusalem lé. Tɔɓəi njéteggintaje lə Ala gə́ d’isi sə dee keneŋ lé la sə dee tɔ.

Esdras 6:3

Mee ləb ko̰ɓee gə́ dɔtar’g lə mbai Sirus lé, mbai Sirus ar dee ndukun gə́ wɔji dɔ kəi-Ala gə́ to Jerusalem pana: Maji kar dee ra kəi neelé gogo gə mba karee to loo gə́ d’a kinja nékinjanéməsje keneŋ ləm, maji kar ginee to kiriŋ kiriŋ-kiriŋ ləm tɔ. Dəree gə́ ḭ gə́ tar a k’as kəmkil dəw rɔ-misa̰ ləm, tadee a k’as kəmkil dəw rɔ-misa̰ ləm,

Esdras 6:8

Aa ooje, ndukun gə́ m’un m’ar sí gə́ wɔji dɔ né gə́ kəm kar sí raje gə ŋgatɔgje lə Jibje mbata kula kunda kəi-Ala ɓa to nee: Lar lə mbai gə́ seḭ iŋgaje gə goo nékoga-dɔ-rɔ lə dəwje gə́ d’isi kel tura-baa gə́ nu lé d’a kuga ne dɔ ji dəwje neelé karee as béréré ya gə mba kar né kára kara ɔg dee loo rəa el.

Esdras 7:1

Gée gə́ gogo mee ləb ko̰ɓee’g lə Artajerjɛs, mbai gə́ Persə lé ndá Esdras ree Jerusalem, yeḛ lé to ŋgolə Seraja gə́ to ŋgolə Ajaria, gə́ to ŋgolə Hilkija,

Esdras 9:9

Mbata jeḛ n’toje ɓərje ya nɛ Ala uba sí ya̰ sí dan loo ra kula ɓər’g lə sí el. Yeḛ wa sə sí noji kəm mbaije gə́ Persə ar sí n’tel j’isije ne kəmba ləm, ar sí j’undaje kəi-Ala lə sí ləm, ar sí n’gɔlje looje gə́ tuji karee to lée’g gogo ləma, gə mba kar sí loo-kula-dɔ sí keneŋ dɔ naŋg gə́ Juda gə ɓee-boo gə́ Jerusalem ləm tɔ.

Nehemi 6:15

Deḛ ra kula gɔl ndògo-bɔrɔ as ndɔ rɔ-mi-giree-joo ɓa tɔlee bém mee ndɔ gə́ njekɔm’g rɔ-joo-giree-mi lə naḭ Elul tɔ.

Esai 44:28

Ma m’pata wɔji dɔ Sirus m’pana: Yeḛ to gə́ njekulbadje ləm, Yeḛ a ra torndum karee aw lée’g béréré, Yeḛ a pata kwɔji dɔ Jerusalem pana: Maji kar dee tel gɔlee gogo! Tɔɓəi yeḛ a pata kwɔji ne dɔ kəi gə́ to gə kəmee pana: Maji kar dee tel tum gelee gogo!

Ajee 1:1

Mee ləb gə́ njekɔm’g joo gə́ Darius to ne mbai, mee ndɔ gə́ dɔtar’g lə naḭ gə́ njekɔm’g misa̰ lé ɓa Njesigənea̰ ula Aje, njetegginta ta nee aree un aw ula Jorobabel, ŋgolə Səaltiel, gə́ to njeguburuɓee gə́ Juda ləm, gə Juje, ŋgolə Josadak, ŋgɔ-njekinjanéməs ləm tɔ pana:

Ajee 1:8

Ubaje dɔ mbal tugaje kagje gə mba raje ne kəi. Bèe ɓa n’a kiŋga rɔlel gə rɔnduba keneŋ, Njesigənea̰ ɓa pa bèe.

Jakari 1:1

Mee naḭ gə́ njekɔm’g jinaijoo’g, mee ləb ko̰ɓee’g lə Darius gə́ njekɔm’g joo lé Njesigənea̰ ula Jakari ŋgolə Berekia, ŋgoka Ido, njetegginta lé ta gə rɔtaje neelé pana:

Jakari 1:16

Gelee gə́ nee ɓa Njesigənea̰ pa ne togə́bè pana: N’a gə tel ree Jerusalem gə meemaji Ndá d’a tel kunda kəi lə neḛ gogo ləm, D’a kwɔji Jerusalem gə kúla ləm tɔ.

Jakari 4:9

Ji Jorobabel ɓa tum ne gel kəi neelé ləm, Jia-yeḛ nja a kunda ne tɔl ləm tɔ. Bèe ɓa seḭ a gərje ne gao to gə́ Njesigənea̰ gə́ njeboo-néje ɓa ulam rɔ sí’g ya.

Jakari 8:9

Njesigənea̰ gə́ njeboo-néje lé pa togə́bè pana: Seḭ gə́ ɓogənè ooje taje nee ta njéteggintaje’g Gə́ teḛ mee ndəa gə́ deḛ tum ne gin kəi lə Njesigənea̰ gə́ njeboo-néje lé Loo gə́ d’a gə kunda ne kəi gə́ to gə kəmee lé Arje ji sí ɓar mèr-mèr.