Esdras 5:16 - Maktub gə́ To gə Kəmee

¹⁶ Yee ɓa Sesbasar neelé ree tum ne gin kəi-Ala gə́ to Jerusalem lé, un kudee mee ndəa gən lé saar kara n’isi n’raje kəi lé gə́ ra ɓó neḛ n’tɔleeje bém el ɓəi.

Esdras 5:16 ပူးပေါင်းရင်းမြစ်များ

Esdras 3:10

Loo gə́ njékulaje tum gin kəi lə Njesigənea̰ gə́ to gə kəmee neelé mba̰ ndá d’ar njékinjanéməsje d’ula kubu-kḭjanéməs rɔ dee’g ree ne gə to̰to̰je ji dee’g ləm, Ləbije gə́ to gel-bɔje lə Asap d’odo ma̰dje ji dee’g ləm tɔ, gə mba kɔs ne gaji Njesigənea̰ gə goo rəw gə́ Dabid, mbai lə Israɛlje tɔji dee kédé lé.

Esdras 3:8

Mee ləb gə́ njekɔm’g joo gə́ orè goo ree gə́ deḛ ree loo gə́ kəi-Ala to ne Jerusalem kédé lé mee naḭ gə́ njekɔm’g joo ndá Jorobabel, ŋgolə Səaltiel, gə Juje, ŋgolə Josadak, gə ges ŋgako̰ deeje gə́ to njékinjanéməsje gə Ləbije, gə deḛ lai gə́ d’ḭ ɓee-ɓər’g tel ree Jerusalem lé d’un kudu ra kula neelé. Deḛ gə́ to Ləbije gə́ ləb dee as rɔ-joo əsé unda rɔ-joo ɓa d’unda dee gə́ njékaa dɔ kula kunda kəi lə Njesigənea̰-je ya.

Esdras 5:14

Tɔɓəi mbai Sirus neelé nja odo nékulaje gə́ ra gə larlɔr gə larnda gə́ to mee kəi-magəje gə́ to Babilɔn, gə́ to néje gə́ Nebukadnesar ɔr dee mee kəi-Ala gə́ Jerusalem kédé ɓa yeḛ aw ɔm mee kəi-magə gə́ to Babilɔn ndá Sirus lé ɔm néje neelé ji dəw gə́ ria lə Sesbasar gə́ yeḛ undá gə́ njeguburuɓee lé.

Esdras 5:15

Tɔɓəi yeḛ ulá pana: Maji karee odo nékulaje neelé aw ne aw ɔm dee mee kəi’d gə́ to gə kəmee gə́ to Jerusalem ləm, maji kar dee tel gɔl kəi-Ala gogo loo toree’d gə́ kédé lé ləm tɔ.

Esdras 5:2

Yen ŋga Jorobabel, ŋgolə Səaltiel, gə Josué, ŋgolə Josadak, d’ḭ d’un kudu kunda kəi-Ala gə́ to Jerusalem lé. Tɔɓəi njéteggintaje lə Ala gə́ d’isi sə dee keneŋ lé la sə dee tɔ.

Esdras 6:15

Deḛ tɔl kəi lé bém mee ndɔ gə́ njekɔm’g munda’g lə naḭ gə́ ɓaree Adar mee ləb ko̰ɓee gə́ njekɔm’g misa̰ gə́ Darius to ne mbai lé.

Ajee 2:18

Maji kar sí síje gèŋ ə̰jije ooje néje gə́ dəs mee ndəa gən saar mee ndɔ gə́ njekɔm’g rɔ-joo-giree-sɔ’g lə naḭ gə́ njekɔm’g jinaikara, un kudee mee ndəa gə́ deḛ tum ne gel kəi lə Njesigənea̰ lé síje gèŋ ə̰jije ooje ɓa!

Jakari 4:10

Mbata deḛ gə́ d’ə̰ji ndɔ gə́ d’un kudu né lam ba bèe gə́ kḛji lé D’a ra rɔlel loo gə́ d’oo kúla-kwɔji-né ji Jorobabel’g ya. Pərndoje gə́ siri neelé ɔr gel kəm Njesigənea̰ gə́ un naŋg nee lad tɔ.

Jakari 4:9

Ji Jorobabel ɓa tum ne gel kəi neelé ləm, Jia-yeḛ nja a kunda ne tɔl ləm tɔ. Bèe ɓa seḭ a gərje ne gao to gə́ Njesigənea̰ gə́ njeboo-néje ɓa ulam rɔ sí’g ya.

Tagə́maji gə́ Ja̰ ndang 2:20

Jibje tel d’ilá keneŋ pana: Kəi-Ala neelé deḛ ra kula keneŋ as ləb rɔ-sɔ-giree-misa̰ ɓa deḛ tɔlee ɓəi, nɛ i nja see i a ra ndɔi munda ba ya karee to lée’g gogo wa.