Esdras 5:14 - Maktub gə́ To gə Kəmee

¹⁴ Tɔɓəi mbai Sirus neelé nja odo nékulaje gə́ ra gə larlɔr gə larnda gə́ to mee kəi-magəje gə́ to Babilɔn, gə́ to néje gə́ Nebukadnesar ɔr dee mee kəi-Ala gə́ Jerusalem kédé ɓa yeḛ aw ɔm mee kəi-magə gə́ to Babilɔn ndá Sirus lé ɔm néje neelé ji dəw gə́ ria lə Sesbasar gə́ yeḛ undá gə́ njeguburuɓee lé.

Esdras 5:14 ပူးပေါင်းရင်းမြစ်များ

2 Sôrta Gḭka Israɛlje 36:18

Nebukadnesar odo nékulaje lai gə́ to mee kəi’g lə Ala aw ne Babilɔn, néje gə́ boi-boi əsé néje gə́ lam-lam lé nébaoje gə́ to mee kəi’g lə Njesigənea̰ ləm, gə nébaoje gə́ to mee kəi’g lə mbai gə mee kəije’g lə ŋgan-mbaije ləa ləm tɔ.

2 Sôrta Gḭka Israɛlje 36:7

Nebukadnesar lé odo nékulaje gə́ to mee kəi’g lə Njesigənea̰ aw ne Babilɔn ndá yeḛ ɔm dee mee kəi-mbai’g ləa gə́ to Babilɔn lé.

Esdras 5:15

Tɔɓəi yeḛ ulá pana: Maji karee odo nékulaje neelé aw ne aw ɔm dee mee kəi’d gə́ to gə kəmee gə́ to Jerusalem ləm, maji kar dee tel gɔl kəi-Ala gogo loo toree’d gə́ kédé lé ləm tɔ.

Esdras 5:16

Yee ɓa Sesbasar neelé ree tum ne gin kəi-Ala gə́ to Jerusalem lé, un kudee mee ndəa gən lé saar kara n’isi n’raje kəi lé gə́ ra ɓó neḛ n’tɔleeje bém el ɓəi.

Esdras 6:5

Tɔɓəi nékulaje gə́ ra gə larlɔr ləm, gə larnda ləm tɔ gə́ to mee kəi-Ala’g lé gə́ to néje gə́ Nebukadnesar odo dee mee kəi-Ala gə́ to Jerusalem aw ne Babilɔn kédé lé d’a tel kaw ne kəi-Ala gə́ to Jerusalem lé gogo mba kunda dee léeje’d gə́ wɔji dɔ dee kédé ndá d’a kunda dee mee kəi-Ala’g ya.

Esdras 7:27

Maji kar dɔ ri Njesigənea̰ Ala lə bɔ síje-je ai səgərə, yeḛ gə́ gɔl mee mbai aree ə̰ji mba kula ne rɔnduba dɔ kəi’g lə Njesigənea̰ gə́ to Jerusalem lé.

Gosota-Kəmkàrje 21:1

Mee mbai lé to gə́ kəm-rəw-mán gə́ to meḛ ji Njesigənea̰’g, Yeḛ telee loo gə́ rara kara to gə́ mée ndigi.

Jeremi 52:19

Tɔɓəi mbai dɔ njéŋgəmlooje odo bai-gel gə́ ka̰ togo rɔ ləm, gə əb-pərje ləm, gə ka-larje ləm, bai-girje ləm, gə kag pərndɔje ləm, gə kaje ləma, gə ŋgo-manje ləm tɔ, néje gə́ ra gə larlɔr ləm, gə néje gə́ ra gə larnda ləm tɔ lé yeḛ odo aw ne.

Ajee 1:1

Mee ləb gə́ njekɔm’g joo gə́ Darius to ne mbai, mee ndɔ gə́ dɔtar’g lə naḭ gə́ njekɔm’g misa̰ lé ɓa Njesigənea̰ ula Aje, njetegginta ta nee aree un aw ula Jorobabel, ŋgolə Səaltiel, gə́ to njeguburuɓee gə́ Juda ləm, gə Juje, ŋgolə Josadak, ŋgɔ-njekinjanéməs ləm tɔ pana:

Ajee 1:14

Njesigənea̰ ɔs Jorobabel, ŋgolə Səaltiel, njeguburuɓee gə́ Juda ɓɔḭ-ɓɔḭ ləm, ɔs Juje, ŋgolə Josadak, ŋgɔ-njekinjanéməs ɓɔḭ-ɓɔḭ ləma, ɔs ges koso-dəwje lai gə́ nai ləm tɔ. Deḛ ree d’un kudu ra kula kəi lə Njesigənea̰ gə́ njeboo-néje gə́ to Ala lə dee lé

Ajee 2:2

Maji kari ula kula dəji Jorobabel, ŋgolə Səaltiel, njeguburuɓee gə́ Juda ləm, gə Juje, ŋgolə Josadak, ŋgɔ-njekinjanéməs ləma, gə ges koso-dəwje gə́ nai ləm tɔ lé pana:

Ajee 2:21

Maji kari ula Jorobabel, njeguburuɓee gə́ Juda togə́bè pana: N’a gə yə dara gə naŋg nee.

Néra Njékaḭkulaje 13:12

Yen ŋga, loo gə́ njenai gə́ njeguburuɓee neelé oo né gə́ teḛ dɔ Elymas’g lé ndá kaaree wá paḭ dɔ ta’g lə Mbaidɔmbaije aree un ne mée tɔ.