Esdras 5:12 - Maktub gə́ To gə Kəmee

¹² Nɛ loo gə́ bɔ neḛje-je d’ar mee Ala gə́ to mbai dɔ dara ea̰ dɔ dee’g ndá yeḛ uba dee ya̰ dee ji Nebukadnesar, mbai gə́ Babilɔn gə́ to dəw gə́ Kalde ndá yeḛ ɓa tuji kəi neelé ləm, yeḛ wa koso-dəwje ɓər aw sə dee Babilɔn ləm tɔ.

Esdras 5:12 ပူးပေါင်းရင်းမြစ်များ

2 Mbaije 24:2

Yen ŋga Njesigənea̰ ula kudu njérɔje gə́ Kalde, gə kudu njérɔje gə́ Siri, gə kudu njérɔje gə́ Moab, gə kudu njérɔje gə́ Amo̰ mba kar dee rɔ gə Jojakim lé, yeḛ ula dee ar dee rɔ gə Judaje mba tuji dee gə goo ta gə́ Njesigənea̰ pa gə ndu kuraje ləa gə́ to njéteggintaje lé.

2 Mbaije 25:1

Ləb ko̰ɓee lə Sedesias gə́ njekɔm’g jinaikara, mee ndɔ gə́ njekɔm’g dɔg lə naḭ gə́ njekɔm’g dɔg lé Nebukadnesar, mbai gə́ Babilɔn ree gə njérɔje ləa lai ree rɔ ne gə njé gə́ Jerusalem, yeḛ gaŋg no̰ dee béréré si keneŋ ləm, gə uba dɔndalje aḭ ne dɔ dee sub-sub ləm tɔ.

2 Sôrta Gḭka Israɛlje 36:20

Deḛ gə́ teḛ ta kiambas’g lé Nebukadnesar wa dee aw sə dee Babilɔn. Deḛ d’ula sul dɔ dee’g nea̰-yeḛ’g ləm, gə no̰ ŋganeeje’g ləm tɔ saar mee ndəa gə́ Persəje taa ne ɓeeko̰ lé

Pakɔsje 106:40

Oŋg lə Njesigənea̰ lé mbudu o̰ to gə́ pər dɔ koso-dəwje’g ləa Ar nédɔji ləa tel to né gə́ to kḛji kəmee’g.

Esai 47:6

Ma m’ar məəm ḭ səm pu dɔ koso-dəwje’g ləm, M’ila ndɔl dɔ nédɔji’g ləm Ndá ma m’uba dee m’ya̰ dee meḛ jii’g, Nɛ seḭ arje meḛ sí aw taḭ-taḭ dɔ dee’g el ləm, Seḭ arje néməməna̰ lə sí wɔi gwɔb ɓuga’g ləm tɔ.

Jeremi 5:29

Njesigənea̰ pana: Néraje gə́ togə́bè lé see m’a kar bo̰ néra dee Ɔs ne ta dee’g el wa. Ginkoji dəwje gə́ togə́bè lé See m’a dal ba̰ ləm dɔ dee’g el wa.

Jeremi 51:59

Ndukun gə́ Jeremi, njetegginta un ar Seraja, ŋgolə Nerija gə́ to ŋgolə Maseja, loo gə́ yeḛ aw ne Babilɔn gə Sedesias, mbai gə́ Juda, mee ləb gə́ njekɔm’g sɔ gə́ Sedesias o̰ ne ɓee lé. Nɛ Seraja to gə́ dɔtar lə njékaa dɔ kəi-kwa-rɔje.

Jeremi 52:12

Ndɔ dɔg mee naḭ gə́ njekɔm’g mi lə ləb gə́ njekɔm’g dɔg-giree-jinaikara gə́ Nebukadnesar, mbai gə́ Babilɔn o̰ ne ɓee lé Nebujaradan, mbai dɔ njéŋgəmlooje gə́ aw ra kula lə mbai gə́ Babilɔn lé ree Jerusalem.

Loo gə́ killa rea kəm Daniel’g 9:5

Jeḛ n’raje kaiya ləm, jeḛ n’raje néraje gə́ kori-kori ləm, jeḛ n’toje njémeeyèrje gə njékaltaje ləma, godnduije gə tornduije lé j’uba dee j’ya̰ dee ləm tɔ.

Tel tura Godndu 31:17

Mee ndəa’g neelé oŋg ləm a kḭ səm pu dɔ dee’g. M’a kuba dee kya̰ dee ləm, m’a tel girim kila kar dee ləm tɔ. Ginkoji dəwje gə raŋg d’a rum dee ləm, némajelje bula d’a teḛ dɔ dee’g ləma, d’a si dan kəmndoo’g ləm tɔ ndá d’a pana: See to mbata Ala lə sí gə́ si mbuna sí’g el lé ɓa némajelje neelé teḛ ne dɔ sí’g gə mbəa el wa.

Tel tura Godndu 32:30

Ɓó lé yeḛ gə́ to mbal lə dee Uba dee ya̰ dee el ləm, Ɓó lé Njesigənea̰ ya̰ dee ji dee’g el ləm tɔ ndá, See dəw kára ba a tuba goo dəwje gə́ tɔl-dɔg (1.000) to gə́ ban wa, Esé see dəwje joo ba d’a kar dəwje gə́ tɔl-dɔg-loo-dɔg (10.000) d’aḭ to gə́ ban wa.

Njéga̰g-Rəwtaje 2:14

Oŋg lə Njesigənea̰ ḭ səa pu dɔ Israɛlje’g ndá yeḛ uba dee ya̰ dee ji gayim-dəwje’g ar dee tuji néje lə dee ləm, yeḛ ar njéba̰je lə dee gə́ gugu dɔ dee sub lé d’wa dee d’ar dee to ɓərje lə dee ləm tɔ ɓó d’askəm kaar naŋg gəs no̰ dee’g el.

Njéga̰g-Rəwtaje 4:2

Njesigənea̰ ya̰ dee ji Jabḭ’g, gə́ to mbai gə́ Kana̰, gə́ si o̰ ɓee Asɔr. Mbai dɔ njérɔje ləa gə́ ria lə Sisera lé si ɓee gə́ Haroset-Goyim.

Njéga̰g-Rəwtaje 6:1

Israɛlje ra né gə́ taa kəm Njesigənea̰ el ndá Njesigənea̰ uba dee ya̰ dee ji Madianje’g as ləb siri.