Esdras 4:6 - Maktub gə́ To gə Kəmee

⁶ Mee ləb ko̰ɓee’g lə Asuerus, loo gə́ yeḛ un kudu ko̰ɓee lé ndá deḛ ndaŋg maktub səg ne dəwje gə́ d’isi Juda ləm gə Jerusalem ləm tɔ.

Esdras 4:6 ပူးပေါင်းရင်းမြစ်များ

Gḭ-Néje 26:21

Ŋganjélookisije ləa d’uru bwa-mán gə́ raŋg ya tɔɓəi ndá deḛ ra sə dee ta dɔ’g to gə́ kédé lé ya ɓəi tɔ. Ndá yeḛ unda ria lə Sitna.

Esdras 4:5

Deḛ d’odo lar d’uga ne dəwje gə́ njékwɔji takəmkàrje mba kar dee tuji ne gin kula lə dee lé. Deḛ ra togə́bè mee ndəa gə́ Sirus, mbai gə́ Persə si ne gə kəmee ɓəi ləm, saar teḛ mee ndəa gə́ Darius tel to ne mbai gə́ Persə ləm tɔ.

Este 1:1

To sorta néje gə́ dəs mee ləbje’g lə Asuerus. Asuerus neelé ɓa o̰ ɓee dɔ dəb ɓeeko̰je’g tɔl-dəa-rɔ-joo-giree-siri (127) gə́ un kudee Inde ya saar teḛ ne Etiopi.

Este 1:10

Ndɔ gə́ njekɔm’g siri lé loo gə́ mee mbai lelee gə goo mán-nduú gə́ rəa ndá yeḛ un ndia ar Mehuman ləm, gə Bista ləm, gə Harbona ləm, gə Bigta ləm, gə Abagta ləm, gə Jetar ləma, gə Karkas ləm tɔ, deḛ gə́ siri nee gə́ to njékaa dɔ kulaje no̰ mbai Asuerus’g lé

Este 2:16

Este lé d’aw səa rɔ mbai Asuerus’g mee kəi-mbai’g ləa mee naḭ gə́ njekɔm’g dɔg gə́ to naḭ Tebet, mee ləb ko̰ɓee’g ləa gə́ njekɔm’g siri lé.

Este 3:8

Yen ŋga Aman ula mbai Asuerus pana: Mee dəb ɓeeko̰je ləi lai lé dəwje gə́ sanéna̰ gə́ d’isi gə kəm dee ɓəd mbuna koso-dəwje’g to keneŋ. Deḛ lé godnduje lə dee to ɓəd ɓó aw na̰’d gə ka̰ koso-dəwje lai el ləm, deḛ d’ila ŋgonkoji dɔ godnduje’g lə mbai el ləm tɔ. Kya̰ dee kar dee d’isi lɔm lé to né gə́ a la gə mbai lé el.

Loo gə́ killa rea kəm Daniel’g 11:2

Ɓasinè m’a gə kar kəmi inja dɔ kankəmta’g ya. Aa oo, mbaije gə́ Persə munda d’a kḭ taa tor na̰ munda ya ɓəi. Yeḛ gə́ njekɔm dee’g sɔ lé a mbo̰ nébaoje kar dee d’ur dɔ ka̰ dee-deḛ lai. Loo gə́ mbɔl dɔ nébaoje ləa lé siŋgá a to ne yaa̰ ndá yeḛ a sula deḛ lai kar dee d’ɔm səa na̰’d mba rɔ ne gə ɓeeko̰ lə Grekje.

Loo gə́ killa rea kəm Daniel’g 9:1

Mee ləb ko̰ɓee’g dɔtar lə Darius, ŋgolə Asuerus, gə́ ginkojee to Medə, yeḛ gə́ tel to mbai lə ɓeeko̰ lə Kaldeje lé

Matiyo 27:37

Deḛ ndaŋg ta loo gə́ dəa gə́ tar mba kɔr ne ta gə́ d’ila dəa’g tɔlee ne lé pana: Aa ooje, yeḛ gə́ neelé to Jeju, mbai lə Jibje ŋga.

Néra Njékaḭkulaje 24:13

D’a təd ta kiŋga ne rəw ta gə́ deḛ səgm ne ɓasinè lé nda̰ bèe el.

Néra Njékaḭkulaje 25:7

Loo gə́ yeḛ ree mba̰ ndá Jibje gə́ d’ḭ Jerusalem lé kiri na̰ dəa’g yir d’odo boo-taje gə́ ɓəd-ɓəd bula səgee ne nɛ to taje gə́ lal najee ya bura.

Loo gə́ killa rea kəm Ja̰’g 12:10

Ma m’oo ndu dəw gə́ ḭ dara ɓar ɔr loo lɔi-lɔi pana: Kaji lé ɓasinè kàree teḛ mba̰ ndá siŋgamoŋ gə tɔgmbaŋ ləm, gə ko̰ɓee lə Ala lə sí ləma, gə dɔmoŋ lə Kristi ləa ləm tɔ lé ndəa teḛ mba̰ tɔ. Mbata yeḛ wa njegaŋgta gə́ gaŋgta badə-badə ɔm ta ŋgako̰ síje no̰ Ala’g lə sí gə ndəa-ndəa dan kàrá ləm gə loondul’g ləm tɔ lé yeḛ wá ilá naŋg nee ya.