Esdras 4:20 - Maktub gə́ To gə Kəmee

²⁰ Kédé lé mbaije gə́ to njésiŋgamoŋje ɓa d’isi Jerusalem d’o̰ loo lai gə́ kel tura-baa gə́ nu ndá d’ar dəwje d’uga dɔ rɔ dee ləm, gə négədɓee ləma, d’ar dee d’uga rəw ɓa dəs ne ləm tɔ.

Esdras 4:20 ပူးပေါင်းရင်းမြစ်များ

Gḭ-Néje 15:18

Mee ndəa’g neelé Njesigənea̰ man rəa ar Abram pana: Dɔ naŋg neelé ma m’ar ŋgakaije, un kudee baa gə́ Ejiptə saar teḛ ne dɔ baa-boo gə́ to baa gə́ Epratə ləm,

1 Mbaije 5:1

Salomo̰ o̰ ɓee dɔ ɓeeko̰je’g lai ya tɔɓəi, un kudee ta baa’g saar teḛ ne ɓeeje’g lə Pilistije ləm, saar teḛ ne rəw-nim-ɓee gə́ Ejiptə ləm tɔ. Deḛ ra né d’ar Salomo̰ gə mee ləbje lai gə́ yeḛ si ne kəmba ya.

1 Mbaije 5:4

Yeḛ o̰ ɓee dɔ ɓeeje lai gə́ to kel tura-baa’g nu, un kudee Tipsa saar teḛ ne Gaja ləm, gə dɔ mbaije lai gə́ d’isi kel tura-baa’g nu ləm tɔ. Ndá meekulɔm to mee ɓeeje’g lai gə́ gugu dəa sub lé.

1 Sôrta Gḭka-Israɛlje 18:13

Yeḛ unda loo-si kudu njérɔje mee ɓee gə́ Edɔm ndá Edɔmje lai d’ula ne dɔ dee gel Dabid’g. Njesigənea̰ ar Dabid dum dɔ looje lai gə́ yeḛ aw keneŋ ya.

1 Sôrta Gḭka-Israɛlje 18:3

Dabid dum dɔ Hadaréjer, mbai gə́ Soba par gə́ Amat loo gə́ Hadaréjer lé saŋg loo gə mba kar ɓeeko̰ ləa aw gə́ kédé-kédé mbɔr baa gə́ Epratə’g.

1 Sôrta Gḭka-Israɛlje 18:6

Dabid unda loo-si kudu njérɔje mee ɓee gə́ Aram gə́ Damas. Bèe ɓa Aramje d’ula ne dɔ dee no̰ Dabid’g ləm, d’uga dɔ rɔ dee d’aree ləm tɔ. Njesigənea̰ ar Dabid dum dɔ looje lai gə́ yeḛ aw keneŋ ya.

1 Sôrta Gḭka-Israɛlje 19:19

Mbaije lai gə́ d’ula dɔ dee gin Hadaréjer’g lé loo gə́ d’oo to gə́ Israɛlje dum dee gə rɔ ndá deḛ d’ɔm na̰’d gə Dabid d’ula ne dɔ dee gelee’g. Bèe ɓa Aramje d’oo né kára gə mba ra la ne gə Amo̰je gogo el tɔ.

2 Sôrta Gḭka Israɛlje 17:11

Pilistije ree gə nékarje d’aar Josapat ləm gə nékoga dɔ rɔ gə́ to gə́ larnda ləm tɔ, tɔɓəi Arabə kara ree gə́ bàl badje tɔl-dɔg-loo-siri gə dɔ dee tɔl-siri (7.700) ləm, gə bàl bya̰je tɔl-dɔg-loo-siri gə dɔ dee tɔl-siri (7.700) ləm tɔ d’aree ya.

2 Sôrta Gḭka Israɛlje 9:14

Yeḛ taa larlɔr gə́ raŋg ji njéra rəw néndogoje’g ləm, gə ji njételkəmlarje gə́ ree ne d’aree ləm, gə ji mbaije gə́ Arabi ləma, gə ji njéguburuɓeeje gə́ wɔji dɔ ɓeeko̰ gə́ deḛ ree gə larlɔr gə larnda d’ar Salomo̰ lé ləm tɔ.

Esdras 4:13

Maji kar mbai gər gao, ɓó lé deḛ tel d’unda ɓee-boo lé gogo ləm, ɓó lé deḛ gɔl ndògo-bɔrɔje ləa gogo ləm tɔ ndá d’a kuga nékoga-dɔ-rɔ-dee el ləm, d’a kuga négədɓee el ləma, d’a kuga rəw mba dəs ne el ləm tɔ. Bèe ndá lar-gədɓeko̰ lə mbai lé a keḭ el.

Esdras 4:16

Ta neelé j’ulaje mbai gə mba kari gər gao, ɓó lé deḛ ra ɓee-boo neelé gogo ləm, ɓó lé d’unda ndògo-bɔrɔje ləa tar gogo ləm tɔ ndá né gə́ to kaḭ a to kel tura-baa gə́ nee el ŋga tɔ.

Esdras 4:19

Ma m’un ndum m’ar dee gə mba kar dee saŋg taree ndá d’iŋga to gə́ un kudee ləw-ləw ba lé dəwje gə́ mee ɓee-boo’g neelé d’ḭ gə mbaije ləm, d’ula rɔ dee ndubu mba tuji ɓeeko̰ ləma, deḛ d’ɔs ta lə njéko̰ɓeeje rəw ləm tɔ.

Esdras 4:21

Gelee gə́ nee ɓa ɓasinè maji kar sí unje ndu sí arje dəwje neelé mba kar dee d’əw rɔ dee ra kula neelé ləm, kar dee tel gɔl ɓee-boo neelé el ləm tɔ saar kam m’un ndum m’ar dee ɓa.

Esdras 7:24

Jeḛ j’ula sí ta gə́ wɔji dɔ njékinjanéməsje lai ləm, gə Ləbije ləm, gə bao-paje ləm, gə njéŋgəm tarəwje ləm, gə njéra kula kəi-Ala’d gə́ raje ləma, gə kuraje gə́ mee kəi’g lə Ala lai neelé ləm tɔ, mba kar sí ooje to gə́ to kəm kar dee-deḛ neelé d’uga nékoga-dɔ-rɔ dee el ləm, gə négədɓee el ləma, d’a kuga rəw ɓa dəs’g el ləm tɔ.

Pakɔsje 72:8

Yeḛ a ko̰ɓee un kudee baa-boo-kad’g nee saar teḛ ne yeḛ gə́ raŋg’d ləm, Un kudee mán baa’g saar kɔr ne rudu naŋg njal ya ləm tɔ.

Nɔ̰-ndôo gə́ wɔji dɔ Jerusalem 1:1

Ɗi togə́bè wa. Ɓee-boo gə́ kédé dəwje taa loo keneŋ pəl-pəl lé Tel to dɔ nduba wa. Yee tel to asəna gə njekəisiŋga bèe! Kédé yee ur dɔ ɓeeje lə ginkoji dəwje gə raŋg lai ləm, Ria ɓar yaa̰ mbuna ɓeeko̰je’g lai ləm tɔ Nɛ yee tel to asəna gə njera kula kari ba ŋga!

Ejekel 19:11

Barkəmeeje gə́ maji dum lé Tel to kag-mbai lə mbaije, Gə goo ŋgal ləa lé yee turu ne dɔ barkəmeeje Gə́ udu na̰ jigi-jigi lé, Kəm dəwje mbo̰ na̰ dəa’g sɔmɔmo̰ Mbata duu-dɔ-loo ləa ləm, Gə barkəmeeje gə́ tɔ yéŋgé-yéŋgé ləm tɔ.

Matiyo 9:9

Jeju ḭ keneŋ aw gə kuree waga, yeḛ oo diŋgam gə́ si takəi taa lar-gədɓee’g ria lə Matiyo. Jeju ulá pana: Maji kari ree goom’g. Léegəneeya, diŋgam neelé ḭta ɔd aw gée’g tɔ.