Esdras 4:12 - Maktub gə́ To gə Kəmee

¹² Maji kar mbai gər gao to gə́ Jibje gə́ d’ḭ rəa’g ree mbuna síjeḛ gə́ Jerusalem lé d’isi d’unda ɓee-boo gə́ to ɓee-kalta gə ɓee gə́ yèr lé gogo ləm, deḛ tel gɔl ndògo-bɔrɔje ləa d’aree to tar gogo ləma, deḛ tel tum gelee gogo ləm tɔ.

Esdras 4:12 ပူးပေါင်းရင်းမြစ်များ

2 Mbaije 18:20

Ta gə́ i pa ne pana: To ta gə́ i pa dɔ tai’g ba. Takwɔji-kəmkàr gə siŋgamoŋ ɓa gə́ kuma̰ kaw rɔ. See na̰ ɓa i ɔm məəi dəa’g gə mba kḭ rɔ ne sə neḛ wa.

2 Mbaije 24:1

Mee ləb ko̰ɓee’g lə Jojakim lé Nebukadnesar, mbai gə́ Babilɔn ɔr rɔ aw rɔ səa. Jojakim ula dəa nea̰’g as ləb munda ɓa yeḛ tel ḭ səa ɔsee rəw ɓəi.

2 Sôrta Gḭka Israɛlje 36:13

Yeḛ ḭ gə mbai Nebukadnesar gə́ aree man rəa gə ri Ala ɔsee rəw ləm, yeḛ tel to njegwɔbkelkwɔi gə njemeendər ɓó yeḛ ɔs tel gə́ rɔ Njesigənea̰ Ala’g lə Israɛlje lé el ləm tɔ.

Esdras 4:11

Ta gə́ ndaji mee maktub gə́ d’ula ne d’ar mbai Artajerjɛs lé ɓa nee: Kuraje ləi gə́ to dəwje gə́ kel tura-baa gə́ nee...

Esdras 4:15

Bèe ndá maji kar dee saŋg mee maktub nékolé-mee’g lə bɔbije-je d’oo. Yee ɓa i a koo ne ta gə́ wɔji dɔ ɓee neelé mee maktubee’g lé ya. Yee ɓa i a gər ne to gə́ ɓee-boo neelé to ɓee-kalta ləm, dəwje neelé d’oo mbaije gə dəb ɓeeko̰je neelé gə́ né gə́ əḭ kəm dee’g el ləm tɔ. Yee ɓa gə́ gelee gə́ ɓee neelé tuji ne kédé gə mbəa.

Esdras 4:19

Ma m’un ndum m’ar dee gə mba kar dee saŋg taree ndá d’iŋga to gə́ un kudee ləw-ləw ba lé dəwje gə́ mee ɓee-boo’g neelé d’ḭ gə mbaije ləm, d’ula rɔ dee ndubu mba tuji ɓeeko̰ ləma, deḛ d’ɔs ta lə njéko̰ɓeeje rəw ləm tɔ.

Esdras 5:3

Mee ndəa’g neelé Tatnai gə́ to njeguburuɓee gə́ si kel tura-baa gə́ nee, gə Setar-Bosnai, gə kuramar deeje ree rɔ dee’g dəji dee togə́bè pana: See na̰ ɓa un ndia ar sí gə mba kar sí undaje kəi gə́ to gə kəmee neelé ləm, gə mba kar sí tel gɔlje ndògo-bɔrɔje neelé gogo ləm tɔ wa.

Esdras 5:9

Bèe ɓa jeḛ n’dəjije ŋgatɔgje m’pana: See na̰ ɓa un ndia ar dee mba kar dee ra ne kəi neelé ləm, gə kar dee tel gɔl ndògo-bɔrɔje neelé gogo ləm tɔ wa.

Nehemi 1:3

Deḛ tel d’ilam keneŋ pana: Ges deḛje gə́ nai gə́ d’wa dee gə́ ɓərje el lé d’isi dəb ɓeeko̰je’g Juda dan némeekonje gə́ al dɔ loo sula ləm, gə dan boo-rɔkul’g ləm tɔ, ndògo-bɔrɔ gə́ Jerusalem təd ləm, tarəwkɔgje ləa kara pər o̰ ləm tɔ.

Nehemi 6:6

Yeḛ ndaŋg ta keneŋ pana: Deḛ pa taree mbuna ginkoji dəwje gə raŋg’g ndá Gasmu gəd ta neelé pana: I seḭ gə Jibje seḭ wɔjije gə mba kḭ raje ta, yee ɓa gə́ ginee gə́ i gɔl ne ndògo-bɔrɔ lé gə mbəa. Deḛ pana: I ɓa a gə tel to mbai lə dee ləm,

Este 3:8

Yen ŋga Aman ula mbai Asuerus pana: Mee dəb ɓeeko̰je ləi lai lé dəwje gə́ sanéna̰ gə́ d’isi gə kəm dee ɓəd mbuna koso-dəwje’g to keneŋ. Deḛ lé godnduje lə dee to ɓəd ɓó aw na̰’d gə ka̰ koso-dəwje lai el ləm, deḛ d’ila ŋgonkoji dɔ godnduje’g lə mbai el ləm tɔ. Kya̰ dee kar dee d’isi lɔm lé to né gə́ a la gə mbai lé el.

Jeremi 52:3

Néje neelé teḛ mbata oŋg lə Njesigənea̰ ḭ səa pu dɔ Jerusalem’g gə Juda gə́ yeḛ ndigi kɔs dee rəw rəa’g. Yen ŋga Sedesias ḭ ɔs mbai gə́ Babilɔn rəw.

Loo gə́ killa rea kəm Daniel’g 3:8

Goo néje neelé gə́ teḛ mee ndəaje gən lé Kaldeje gə́ na̰je ree d’un dɔ Judaje.

Loo gə́ killa rea kəm Daniel’g 9:25

Bèe ndá i lé maji kari oo ta nee maji ləm, oo ginee njai ləm tɔ! Un kudee mee ndəa gə́ d’ila mber ta gə́ wɔji dɔ Jerusalem to gə́ d’a gə gɔlee gogo saar teḛ ne ndəa’g lə yeḛ gə́ deḛ tər ubu dəa’g gə́ to Njékɔrno̰ dee lé, mee ndəaje gə́ siri-siri d’a kas siri. Mee ndəaje gə́ siri-siri gɔl rɔ-misa̰-giree-joo lé d’a gɔl ndaa-looje gə bwaje gogo nɛ loo a moŋg kaŋ.

Lugu 13:34

Jerusalem, Jerusalem, i gə́ tila njéteggintaje gə́ d’ula dee rɔi’g gə kɔri-ər tɔl dee lé see gɔl ka̰da ɓa ma m’ndiŋga rɔm gə mba mbo̰ ŋgani gelm’g to gə́ ko̰ kṵja mbo̰ ne ŋganee gel bagee’d bèe nɛ seḭ ndigije el nee wa.

Néra Njékaḭkulaje 24:5

Jeḛ j’iŋga dəw neelé gə́ to asəna gə yoo-ndag gə́ oso ɓee’g ləm, yeḛ pələ meḛ Jibje ar dee tḭ ne na̰ gə loo lai-lai ləma, yeḛ to mbai dɔ kudu dəwje gə́ to Najareḛje ləm tɔ.

1 Njé gə́ Tesalonikə 5:22

Saaje rɔ sí rəw dɔ né gə́ majel gə́ gə ria-ria.