Esdras 3:8 - Maktub gə́ To gə Kəmee

⁸ Mee ləb gə́ njekɔm’g joo gə́ orè goo ree gə́ deḛ ree loo gə́ kəi-Ala to ne Jerusalem kédé lé mee naḭ gə́ njekɔm’g joo ndá Jorobabel, ŋgolə Səaltiel, gə Juje, ŋgolə Josadak, gə ges ŋgako̰ deeje gə́ to njékinjanéməsje gə Ləbije, gə deḛ lai gə́ d’ḭ ɓee-ɓər’g tel ree Jerusalem lé d’un kudu ra kula neelé. Deḛ gə́ to Ləbije gə́ ləb dee as rɔ-joo əsé unda rɔ-joo ɓa d’unda dee gə́ njékaa dɔ kula kunda kəi lə Njesigənea̰-je ya.

Esdras 3:8 ပူးပေါင်းရင်းမြစ်များ

1 Sôrta Gḭka-Israɛlje 23:4

Dabid pana: Maji kiŋga dəwje tɔl-dɔg-loo rɔ-joo giree-sɔ (24.000) gə mba kar dee to njékoo goo kulaje gə́ mee kəi’g lə Njesigənea̰ ləm, gə dəwje tɔl-dɔg-loo misa̰ (6.000) kar dee to njéko̰ɓeeje ləma, gə njégaŋ-rəwtaje ləm, gə njéŋgəm-tarəwkəije tɔl-dɔg-loo sɔ (4.000) ləma,

1 Sôrta Gḭka-Israɛlje 3:17

Ŋgalə Jekonias ɓa ri dee to nee: Asir. Asir oji Səaltiel,

Esdras 10:18

Mbuna njékinjanéməsje’g lé deḛ gə́ taa denéje gə́ ginkoji dee raŋg gə́ d’isi keneŋ lé ɓa nee: Deḛ gə́ to gel-bɔje lə Juje gə ŋgakea̰je gə́ to ŋgalə Josadak lé ndá Maaséja, gə Eliéjer, gə Jarib, gə Gedalia lé,

Esdras 2:2

Deḛ gə́ ree na̰’d gə Jorobabel lé, Juje, gə Nehemi, gə Seraja, gə Reélaja, gə Mardose, gə Bilsan, gə Mispar, gə Bigbai, gə Rehum, gə Baana tɔ. Bula lə diŋgamje gə́ mee ɓee gə́ Israɛl lé ɓa nee:

Esdras 3:2

Josué, ŋgolə Josadak, gə ŋgakea̰je gə́ to gə́ njékinjanéməsje ləm, gə Jorobabel, ŋgolə Səaltiel, gə ŋgakea̰je ləm tɔ lé d’ḭ ra loo-nékinjaməs d’ar Ala lə Israɛlje gə mba kinja nékinjanéməsje gə́ ka̰ roo lé keneŋ gə goo ta gə́ ndaŋg mee maktub godndu’g lə Moyis, gə́ to dəw lə Ala.

Esdras 4:24

Togə́bè ɓa deḛ d’əw ne rɔ dee ra kula gə́ wɔji dɔ kəi-Ala gə́ to Jerusalem lé d’ya̰ gée saar ləb ko̰ɓee gə́ njekɔm’g joo lə Darius, mbai gə́ Persə lé tɔ.

Esdras 4:3

Nɛ Jorobabel gə Juje gə mbai dɔ gel-bɔje lə Israɛlje gə́ nai lé tel d’ila dee keneŋ pana: Jeḛ sə síje j’a kasjekəm kɔrè na̰ mba ra kəi-Ala lə sí el. Jeḛ nja gə kar sí ba j’a ra kəi neelé kar Njesigənea̰ Ala lə Israɛlje to gə́ Sirus, mbai gə́ Persə un ne ndia ar sí lé ya.

Esdras 5:16

Yee ɓa Sesbasar neelé ree tum ne gin kəi-Ala gə́ to Jerusalem lé, un kudee mee ndəa gən lé saar kara n’isi n’raje kəi lé gə́ ra ɓó neḛ n’tɔleeje bém el ɓəi.

Esdras 5:2

Yen ŋga Jorobabel, ŋgolə Səaltiel, gə Josué, ŋgolə Josadak, d’ḭ d’un kudu kunda kəi-Ala gə́ to Jerusalem lé. Tɔɓəi njéteggintaje lə Ala gə́ d’isi sə dee keneŋ lé la sə dee tɔ.

Ajee 1:1

Mee ləb gə́ njekɔm’g joo gə́ Darius to ne mbai, mee ndɔ gə́ dɔtar’g lə naḭ gə́ njekɔm’g misa̰ lé ɓa Njesigənea̰ ula Aje, njetegginta ta nee aree un aw ula Jorobabel, ŋgolə Səaltiel, gə́ to njeguburuɓee gə́ Juda ləm, gə Juje, ŋgolə Josadak, ŋgɔ-njekinjanéməs ləm tɔ pana:

Jakari 4:9

Ji Jorobabel ɓa tum ne gel kəi neelé ləm, Jia-yeḛ nja a kunda ne tɔl ləm tɔ. Bèe ɓa seḭ a gərje ne gao to gə́ Njesigənea̰ gə́ njeboo-néje ɓa ulam rɔ sí’g ya.

Jakari 6:12

Maji kam m’ulá m’pana: Njesigənea̰ gə́ njeboo-néje pa togə́bè pana: Aa oo, dəw kára gə́ ria lə Barkəm-kag-gə́-uba lé A kuba loo’g ləa teḛ bər ndá Yeḛ a tel kunda kəi lə Njesigənea̰ gə́ to gə kəmee.

Bula lə Israɛlje 4:3

un kudee dɔ deḛ gə́ ra ləb dee rɔ-munda gə́ tar saar teḛ ne ləb deḛ gə́ rɔ-mi’g, deḛ lai gə́ d’askəm ra kula gə́ wɔji dɔ dee dɔ dee mee kəi-kubu-kiŋga-na̰’g.