Esdras 3:7 - Maktub gə́ To gə Kəmee

⁷ Deḛ d’uga njétɔl-mbalje gə njéra kula kagje. Tɔɓəi d’ar dəwje gə́ Sido̰ gə dəwje gə́ Tir nésɔje gə nékaije gə ubu to mba kar dee d’odo ne kag-sɛdrəje gə́ Liba̰ ree ne gə rəw gə́ baa-boo-kad’g saar teḛ Japo gə goo torndu Sirus, mbai gə́ Persə lé.

Esdras 3:7 ပူးပေါင်းရင်းမြစ်များ

2 Samel 5:11

Iram, mbai gə́ Tir lé ula njékaḭkulaje rɔ Dabid’g gə kag-sɛdrəje ləm, gə njéra-kula-kagje ləma, gə njétɔl kɔr mbalje ləm tɔ ar dee ra ne kəi d’ar Dabid.

1 Mbaije 5:6

Salomo̰ ar dee ra gel-jala kaar kundaje tɔl-dɔg-loo-sɔ (4.000) wɔji ne dɔ pusuje ləa ləm, gə njékundaje tɔl-dɔg-loo dɔg-giree joo (12.000) kaar dee d’isi keneŋ ləm tɔ.

2 Mbaije 12:10

Yen ŋga Jeojoda, njekinjanéməs lé un sa̰duk ɓa mbudu kidatea ndá yeḛ unda mbɔr loo-nékinjaməs’g par gə́ kel dɔkɔl lə rəw gə́ d’aw ne kəi lə Njesigənea̰ lé. Larje lai gə́ dəwje d’aw ne mee kəi’g lə Njesigənea̰ lé njékinjanéməsje gə́ to njéŋgəm tarəwkəije ɓa d’ɔm mee sa̰duk’g.

2 Mbaije 12:13

gə njékṵda kəije gə njétɔl-mbalje ləm tɔ, tɔɓəi deḛ ndogo ne kagje gə mbalje gə́ tɔl dee gə́ kəm gɔl ne mee kəi lə Njesigənea̰ lé ləm, deḛ sané lar neelé dɔ néje gə́ wɔji dɔ gɔl ne kəi lé ləm tɔ.

2 Sôrta Gḭka Israɛlje 34:10

D’ɔm lar neelé ji njékaa dɔ kulaje gə́ mee kəi’g lə Njesigənea̰. Lar neelé d’ar dee-deḛ gə́ d’aw ra kula gɔl kəi lə Njesigənea̰ lé

Esdras 3:6

Mee ndɔ gə́ dɔtar lə naḭ gə́ njekɔm’g siri lé deḛ d’un kudu kinja nékinjanéməsje gə́ ka̰ roo lé kar Njesigənea̰. Nɛ deḛ tum gin kəi lə Njesigənea̰ gə́ to gə kəmee lé el ɓəi.

Ejekel 27:17

Judaje gə Israɛlje lé seḭ sə deeje toje njéndogo gə na̰ néje. Deḛ to njé ree gə kó-wa gə́ Minit ləm, gə nésɔ gə́ lel ləm, gə ubu tə̰ji ləm, gə ubu ləma, gə no̰ kag ləm tɔ mbél ne səi néndogoje ləi.

Junas 1:3

Nɛ Junas lé uba naŋg ḭ gə mba kaḭ kaw Tarsis gə mba kisi əw kar kəm Njesigənea̰ oso dəa’g el. Yeḛ aw Japo ndá yeḛ iŋga bato gə́ aw gə́ Tarsis. Yeḛ uga bato neelé gə lar ɓa uru mée’g gə mba kaw gə deḛ gə́ d’odo dee d’aw sə dee gə́ Tarsis gə mba kisi ne əw kar kəm Njesigənea̰ oso dəa’g el tɔ.

Néra Njékaḭkulaje 12:20

Herɔdə ar mée adee dɔ njé gə́ Tir gə Sido̰’g. Nɛ deḛ lé tɔs dɔ na̰ ndo̰-ndo̰ ree gə mba kiŋgá, d’aw d’iŋga Blastə gə́ to njeŋgəm kəi-to ləa lé dəjee gə mba karee ra rəw kɔm na̰’d lə dee mbata ɓee lə mbai Herɔdə lé to ɓee kuba maji lə dee.

Néra Njékaḭkulaje 9:36

Dené kára bèe mbuna njékwakilaje gə́ d’isi Jope lé ria lə Tabida nɛ gin ria lə Dɔrkas, yeḛ to gə́ dəw-noji gə́ wa noji gə njéndooje yaa̰.

Néra Njékaḭkulaje 9:38

To gə́ Lidə to mbɔr Jope’g dəb lé ndá njékwakiláje d’oo sor Piɛrə gə́ si keneŋ ndá d’ula dəwje joo rəa’g mba kar dee ra ndòo rəa’g gə mba karee ḭ sə dee ree sə dee ɓó a tila gə́ tila el.

Néra Njékaḭkulaje 9:43

Piɛrə nai Jope kəi lə Simo̰ gə́ njekɔr-girŋgira lé ndəa aḭ bula bəl ya.