Esdras 3:11 - Maktub gə́ To gə Kəmee

¹¹ Deḛ d’ɔs pa pidi ne Njesigənea̰ d’ɔs ne gajee pana: Mbata yeḛ lé maji dum ləm, meekɔrjol ləa gə mbata lə Israɛlje lé to saar-saar gə no̰ ya ləm tɔ. Tɔɓəi koso-dəwje lai neelé ra né gə ndu dee gə́ boi wəl d’ɔs ne gaji Njesigənea̰ gə mbata gin kəi lə Njesigənea̰ gə́ deḛ tum lé tɔ.

Esdras 3:11 ပူးပေါင်းရင်းမြစ်များ

1 Sôrta Gḭka-Israɛlje 16:34

Pidije Njesigənea̰ Mbata yeḛ to njemaji kɔr njoroŋ, Mbata meekɔrjol ləa lé to saar-saar gə no̰!

1 Sôrta Gḭka-Israɛlje 16:41

Heman gə Jedutun gə njé gə́ raŋg gə́ mbər dee gə goo ri dee lé d’aar mbɔr dee’g gə mba pidi Njesigənea̰. Mbata meekɔrjol ləa lé to saar-saar gə no̰.

2 Sôrta Gḭka Israɛlje 5:13

Yen ŋga loo gə́ deḛ gə́ njékim to̰to̰je gə njékɔspaje lé d’ɔm na̰’d yəg d’unda ndu dee na̰’d gə mba pidi Njesigənea̰ ndá deḛ d’ar to̰to̰je ləm, gə ma̰dje gə́ sa səgə-səgə ləma, gə nékimje gə́ raŋg ləm tɔ ɓar ŋgaw d’ula ne rɔnduba dɔ Njesigənea̰’g gə taje nee pana: Mbata yeḛ lé maji dum ləm, meekɔrjol ləa to saar-saar gə no̰ ləm tɔ. Mee kàree gə́ neelé mum taa mee kəi gə́ to kəi lə Njesigənea̰ lé pəl-pəl tɔ .

2 Sôrta Gḭka Israɛlje 7:3

Israɛlje lai d’aa loo d’oo pər gə rɔnduba lə Njesigənea̰ gə́ ree dɔ kəi’g neelé ndá léegəneeya d’unda barmba dəb kəm dee naŋg d’wa Njesigənea̰ meḛ dee’g pidee ne pana: Yeḛ lé maji dum ləm, meekɔrjol ləa to saar-saar gə no̰ ləm tɔ.

Nehemi 12:24

Mbai lə Ləbije-je lé gə́ ri dee lə Hasabia gə Serebia gə Juje, ŋgolə Kadmiel gə ŋgako̰ deeje sə dee na̰’d lé deḛ d’aar d’wɔji dɔ na̰ njoroŋ-njoroŋ mba kɔs pa kula ne rɔnduba dɔ Njesigənea̰’g gə goo torndu Dabid, dəw lə Ala.

Nehemi 12:40

Yen ŋga kudu njékɔspaje gə́ joo lé d’aar naŋg mee kəi-Ala’g ndá jeḛ kara n’raje togə́bè ya tɔ, ma jeḛ gə njéko̰ɓeeje gə́ d’aw səm na̰’d ləm,

Pakɔsje 100:5

Mbata Njesigənea̰ lé to gə́ njemaji dum, Meemaji ləa to saar-saar gə no̰, Meenda londoŋ ləa lé ḭ dɔ maree’d gə́ kédé-kédé Mbata lə ŋgaka dəwje-dəwje.

Pakɔsje 103:17

Nɛ meemaji lə Njesigənea̰ lé to saar-saar Mbata lə njéɓəleeje ləm, Meekɔrjol ləa lé to saar-saar Mbata lə ŋgan meḛ ŋgan deeje ya ləm,

Pakɔsje 106:1

Maji kar sí pidije Njesigənea̰! Pidije Njesigənea̰ mbata yeḛ lé to njemaji kɔr njoroŋ, Mbata meekɔrjol ləa lé to saar-saar gə no̰.

Pakɔsje 107:1

Pidije Njesigənea̰ mbata yeḛ to njemeemaji, Mbata meekɔrjol ləa lé to saar-saar gə no̰.

Pakɔsje 118:1

Pidije Njesigənea̰ mbata yeḛ to njemeemaji, Meekɔrjol ləa lé to saar-saar gə no̰.

Pakɔsje 131:1

Pakɔs kḭ kaw tuga ne loo ɗao-ɗao gə́ tar. Ka̰ Dabid. Njesigənea̰, ma lé m’ti rɔm el ləm, Esé m’aa loo gə kəm beelé el ləm tɔ, Néje gə́ boi-boi əsé néje gə́ d’al dɔm sula lé kara M’jɔg rɔm gə mba dee el tɔ.

Pakɔsje 135:3

Maji kar sí pidije Njesigənea̰ Mbata Njesigənea̰ lé to njemeemaji, Ɔsje pa arje ria ɓar ne Mbata yeḛ to njekwa sí gə́ rəa’g.

Pakɔsje 47:1

Pa lə Koréje gə́ d’ar bao-pa karee ɔs sə dee lé

Pakɔsje 47:5

Yeḛ unda kəm nénduba lə sí ar sí, Yee ɓa to rɔnduba lə Jakob gə́ yeḛ undá dan kəmee’g.

Teḛ-Raga 15:21

Miriam lé ila Israɛlje keneŋ pana: Ɔsje pa arje Njesigənea̰ Mbata yeḛ ar rɔnduba ləa kila rəa kɔd. Yeḛ wa kundaje gə njékal deeje na̰’d Ɓugu dee dan mán baa-boo’g.

Esai 12:6

Seḭ dəwje gə́ Sio̰, Raje né wəl gə rɔlel gə boo-rɔkal! Mbata Njerɔkunda lə Israɛlje Gə́ to gə́ boo lé aar mbuna sí’g ya.

Esai 44:23

Dara, al rɔi mbata Njesigənea̰ ra né, Kuruje lə naŋg, ɔrje ndu sí gə́ tar gə rɔkal! Seḭ mbalje, ndubaje rɔ sí gə ndu rɔlel! Seḭ kag-mee-kɔrje gə kagje lai gə́ to keneŋ lé alje rɔ sí to! Mbata Njesigənea̰ uga dɔ njé’g lə Jakob! Yeḛ riba dɔ rɔnduba ləa mbuna Israɛlje’g.

Esai 6:3

Deḛ ra né wəl-wəl d’ula ne na̰ ta gə́ yo gə́ nee pana: Njerɔkunda gə kəmee, njerɔkunda gə kəmee, njerɔkunda gə kəmee Njesigənea̰ gə́ njeboo-néje! Rɔnduba ləa taa naŋg nee pəl-pəl.

Jeremi 33:11

d’a koo ndu pa rɔlel gə ndu pa kalrɔ ləm, gə ndu paje lə njedené-sigi gə njeŋgao-sigi ləm, gə ndu paje lə dee gə́ d’ɔs pana: Pidije Njesigənea̰ gə́ njeboo-néje Mbata Njesigənea̰ lé to njemajidum ləm, Meekɔrjol ləa to saar gə no̰ ləm tɔ. D’a koo ndu paje lə deḛ gə́ d’inja nékinjanéməsje gə́ ka̰ ra oiyo mee kəi’g lə Njesigənea̰ mbata m’a tel ree sə dee, ree kunda dee lée’g neelé to gə́ kédé ya. Njesigənea̰ ɓa pa bèe.

Ajee 2:3

See dəw gə́ oo kəi neelé gə rɔnduba ləa gə́ kédé lé nai mbuna sí’g ɓəi wa. Ŋga ɓasinè gə́ seḭ éeje lé see to to gə́ ban wa. See to asəna gə né gə́ əḭ kəm sí’g el əsé ban wa.

Jakari 4:7

I mbal gə́ boi lé see i to gə́ ɗi ɓa no̰ Jorobabel’g wa. Jorobabel a kari asəna rai-rai. Yeḛ a kɔr ne rudu kɔr mbal kunda ne sém kəi gə́ tar Dan ndu dəwje gə́ ɓar wəl-wəl’d gə́ pana: Maji péd-péd! Maji péd-péd!

Jakari 9:9

Seḭ gə́ Sio̰ lé alje rɔ sí! Seḭ gə́ Jerusalem kara ɔsje pa rɔlel to! Aa ooje, mbai lə sí si aw gə́ dɔ sí’g nee, Yeḛ to njemeekarabasur ləm, Gə njedumdɔloo ləm tɔ, Yeḛ to dəw gə́ kul yururu gə́ uba dɔ mulayḛ̀je gao si’g, To ŋgon mulayḛ̀je gə́ aḭ goo kea̰je’g ɓa yeḛ ubá.

Lugu 1:50

Meekɔrjol ləa to gə ləbee-ləbee gə́ kédé-kédé mbata lə deḛ gə́ to njéɓəleeje ya.

Jujé 6:10

Juje un ndia kédé togə́bè ar koso-dəwje neelé pana: Seḭ a lulje el ləm, seḭ a karje ndu sí ɓar kar dəw oo el ləma, seḭ a karje ta kára kara teḛ ta sí’g el ləm tɔ, saar ndəa gə́ m’a kula sí pana: Lulje ɓa. Bèe ɓa seḭ a kɔmje lul ɓəi.

Jujé 6:16

Njekɔm’g gɔl siri lə dee lé loo gə́ njékinjanéməsje d’im to̰to̰ ndá Juje ula koso-dəwje neelé pana: Ɔmje lul mbata Njesigənea̰ ya̰ ɓee-boo neelé ji sí’g mba̰ ya.

Jujé 6:5

Tɔɓəi loo gə́ d’a kim to̰to̰ gaji badə karee ɓar ləm, loo gə́ seḭ a kooje ndu to̰to̰ gə́ ɓar lé ləm tɔ ndá koso-dəwje lai d’a kɔr ndu dee gə́ tar kɔm lul rɔ u-u-u. Togə́bè ɓa ndògo-bɔrɔ gə́ gugu gir ɓee neelé a kunda naŋg rib ndá koso-dəwje lé nana kara a kandə mee ɓee’g dəa gə́ kédé njoroŋ.