Esdras 2:69 - Maktub gə́ To gə Kəmee

⁶⁹ Deḛ d’ar gə goo nékiŋgaje lə dee lə dee, larlɔr gə́ d’unda ria lə darik as tɔl-dɔg-loo rɔ-misa̰ giree-kára (61.000) ləm, gə ŋgan larnda as nékwɔji kwɔi-lə-né tɔl-dɔg-loo joo gə dəa tɔl-mi (2.500) ləma, gə kubuje gə́ wɔji dɔ njékinjanéməsje as tɔl (100) ləm tɔ ndá d’ɔm néje neelé mee kəi-ŋgəm-lar gə́ wɔji dɔ kula neelé.

Esdras 2:69 ပူးပေါင်းရင်းမြစ်များ

1 Mbaije 7:51

Bèe ɓa kulaje lai gə́ mbai Salomo̰ ar dee ra mbata kəi lə Njesigənea̰ lé deḛ tɔlee bém. Yen ŋga yeḛ odo larnda gə larlɔr gə nékulaje gə́ bɔbeeje Dabid unda dee gə kəmee lé aw ɔm dee mee kəi-nébao’d gə́ to mee kəi’g lə Njesigənea̰ ya.

1 Sôrta Gḭka-Israɛlje 22:14

Ma m’ula rɔm ndubu ɓa m’wa ne dɔ gɔl larlɔr gə́ al dɔ nékwɔji kwɔi-lə-né tɔl-dɔg-loo-munda (3.000) ləm, gə larnda gə́ al dɔ nékwɔji kwɔi-lə-né tɔl-dɔg-loo-rɔ-munda (30.000) ləma, gə larkas gə larndul yaa̰ gə́ askəm kwɔji kwɔi lə dee el mbata to bula yaa̰ ləm tɔ mbata kəi lə Njesigənea̰ lé, m’wa dɔ gɔl kagje gə mbalje ndá i a kɔm maree dɔ’g ya ɓəi tɔ.

1 Sôrta Gḭka-Israɛlje 29:7

Néje gə́ deḛ d’ar gə mba ra ne kula mee kəi’g lə Ala ɓa nee: Larlɔr as nékwɔji kwɔi-lə-né tɔl-dɔg-loo-tɔl gə dəa rɔ-siri (1.070) ləm, larlɔr gə́ d’unda ria lə darikə as nékwɔji kwɔi-lə-né tɔl-dɔg-loo-dɔg (10.000) ləm, larnda gə́ al dɔ nékwɔji kwɔi-lə-né tɔl-dɔg-loo-tɔl-munda (300.000) ləm, gə larkas as nékwɔji kwɔi-lə-né tɔl-dɔg-loo-tɔl-misa̰ (600.000) ləma, gə larndul gə́ al dɔ nékwɔji kwɔi-lə-né tɔl-dɔg-loo-tɔl-dɔg-loo-munda (300.000) ləm tɔ.

Esdras 2:68

Mbai dɔ gel-bɔje gə́ na̰je lé loo gə́ deḛ ree mee kəi’g lə Njesigənea̰ gə́ to Jerusalem lé ndá, d’ar nékarje gə́ d’ḭ ne gə meḛ dee mbata kəi-Ala mba kar dee gɔl ne kəi-Ala neelé lé’d gə́ to keneŋ kédé lé.