Esdras 2:68 - Maktub gə́ To gə Kəmee

⁶⁸ Mbai dɔ gel-bɔje gə́ na̰je lé loo gə́ deḛ ree mee kəi’g lə Njesigənea̰ gə́ to Jerusalem lé ndá, d’ar nékarje gə́ d’ḭ ne gə meḛ dee mbata kəi-Ala mba kar dee gɔl ne kəi-Ala neelé lé’d gə́ to keneŋ kédé lé.

Esdras 2:68 ပူးပေါင်းရင်းမြစ်များ

1 Sôrta Gḭka-Israɛlje 21:18

Kura lə Njesigənea̰ gə́ dara ula Gad aree aw rɔ Dabid’g gə mba karee aw unda loo-nékinjaməs ar Njesigənea̰ loo-kunda-kó’g lə Ornan, dəw gə́ Yebus lé.

1 Sôrta Gḭka-Israɛlje 22:1

Dabid pana: Loo gə́ neelé a to kəi lə Njesigənea̰ Ala ləm, loo gə́ neelé a to loo-nékinjaməs gə́ ka̰ roo né keneŋ gə mbata lə Israɛlje ləm tɔ.

2 Sôrta Gḭka Israɛlje 3:1

Salomo̰ un kudu kunda kəi lə Njesigənea̰ mee ɓee gə́ Jerusalem, dɔ mbal’d gə́ Morija, loo gə́ Njesigənea̰ teḛ dɔ bɔbeeje Dabid’g ar Dabid wa dɔ gɔlee loo-kunda-kó’g lə Ornan gə́ to dəw gə́ Yebus lé.

Esdras 2:67

gə jambalje tɔl-sɔ gə dɔ dee rɔ-munda-giree-mi (435) ləma, gə mulayḛ̀je-je tɔl-dɔg-loo misa̰ gə dəa tɔl-siri gə dɔ dee rɔ-joo (6.720) ləm tɔ.

Esdras 2:69

Deḛ d’ar gə goo nékiŋgaje lə dee lə dee, larlɔr gə́ d’unda ria lə darik as tɔl-dɔg-loo rɔ-misa̰ giree-kára (61.000) ləm, gə ŋgan larnda as nékwɔji kwɔi-lə-né tɔl-dɔg-loo joo gə dəa tɔl-mi (2.500) ləma, gə kubuje gə́ wɔji dɔ njékinjanéməsje as tɔl (100) ləm tɔ ndá d’ɔm néje neelé mee kəi-ŋgəm-lar gə́ wɔji dɔ kula neelé.

Esdras 3:3

Deḛ ɓəl koso-dəwje gə́ njéɓeeje neelé ya nɛ, lé togə́bè kara deḛ tel gɔl loo-nékinjaməs gə́ ka̰ roo né keneŋ kar Njesigənea̰ lé, teḛ gə ndɔ ləm, gə kàrkemetag ləm tɔ.

Esdras 9:9

Mbata jeḛ n’toje ɓərje ya nɛ Ala uba sí ya̰ sí dan loo ra kula ɓər’g lə sí el. Yeḛ wa sə sí noji kəm mbaije gə́ Persə ar sí n’tel j’isije ne kəmba ləm, ar sí j’undaje kəi-Ala lə sí ləm, ar sí n’gɔlje looje gə́ tuji karee to lée’g gogo ləma, gə mba kar sí loo-kula-dɔ sí keneŋ dɔ naŋg gə́ Juda gə ɓee-boo gə́ Jerusalem ləm tɔ.

Pakɔsje 110:3

Loo gə́ i mbo̰ njérɔje ləi dɔ na̰’d ndá Koso-dəwje ləi lé rɔ dee wɔilɔ ne pélé-pélé, Loo gə́ mabra uba bər ndá Siŋgai gə́ basi’g lé tel ree rɔi’g Asəna gə tàl bèe Mbuna néɗɔi-rɔ gə́ to gə kəmee’g lé.

Teḛ-Raga 25:2

Ula Israɛlje gə mba kar dee ree gə nékarnojije lə dee d’am, nana ɓa gə́ a ra gə meemaji ndá seḭ a taaje né jia’g mbata ləm.

Teḛ-Raga 35:21

Deḛ lai gə́ d’ḭ gə meḛ dee gə goo meemaji lə dee lé ree gə nékarnojije d’ar Njesigənea̰ mbata lə kəi-kubu-si-Ala ləm, gə mbata lə kulaje gə́ wɔji dəa ləma, gə mbata lə kubuje gə́ to gə kəmee ləm tɔ.

Teḛ-Raga 35:29

Israɛlje lai, diŋgamje gə denéje kara deḛ gə́ meḛ dee ɔs dee ɓɔḭ-ɓɔḭ mba kar dee ra né mbata lə kula gə́ Njesigənea̰ un ne ndia ar dee gə ndu Moyis ya ndá deḛ ree gə nékarnojije lə dee gə́ d’ḭ ne gə meḛ dee d’ar Njesigənea̰ lé tɔ.

Teḛ-Raga 36:3

Nékarnojije gə́ Israɛlje ree ne mba ra ne kula gə́ wɔji dɔ kəi-kubu-si-Ala lé deḛ taa ji Moyis’g. Teḛ gə ndɔ gə ndɔje kára-kára lai lé dəwje ree gə nékarnojije gə́ d’ḭ ne gə meḛ dee d’ar Moyis.

2 Njé gə́ Kɔrḭtə 8:12

Loo gə́ dəw ḭ gə mée mba kwa noji gə maree ɓa né to jia’g mba karee ra né bèe lé yee ɓa gə́ né gə́ taa kəm Ala ɓó loo gə́ né godo jia’g lé el.

2 Njé gə́ Kɔrḭtə 8:3

Tɔgərɔ ya, deḛ nja d’ḭ gə meḛ dee d’wa noji gə goo nékiŋgaje lə dee ləm, d’aree al dɔ rɔ dee ləm tɔ, am ma nja m’to gə́ njekɔrgootaree tɔ.

2 Njé gə́ Kɔrḭtə 9:7

Bèe ndá maji kar dəwje kára-kára lai d’ar nénoji to gə́ meḛ dee wɔji njaŋg ɓó d’a sula kar gə meeko̰ el ləm, dəw a bəg dee dɔ’g el ləm tɔ, mbata dəw gə́ njekar gə meendakaḭ lé Ala undá dan kəmee’g ya.