Esdras 2:63 - Maktub gə́ To gə Kəmee

⁶³ Tɔɓəi njeguburuɓee ula dee mba kar dee d’usɔ néje gə́ to gə kəmee doi el saar kar njekinjanéməs saŋg gə goo urim gə tumim ɓa.

Esdras 2:63 ပူးပေါင်းရင်းမြစ်များ

Esdras 2:64

Koso-dəwje lai gə́ mbo̰ dɔ na̰ neelé d’as tɔl-dɔg-loo rɔ-sɔ giree-joo gə dəa tɔl-munda gə dɔ dee rɔ-misa̰ (42.360)

Nehemi 10:1

Gə goo néje lai neelé jeḛ j’unje ndu sí gə manrɔ j’ar Ala ndá jeḛ ndaŋgje taree mee maktub’g, ndá mbaije lə sí ləm, gə Ləbije lə sí ləma, gə njékinjanéməsje lə sí ləm tɔ d’unda nétorji dee dɔ’g.

Nehemi 10:2

Aa ooje, deḛ gə́ d’unda nétorji deeje keneŋ lé ɓa nee: Nehemi, njeguburuɓee gə́ to ŋgolə Hakalia gə Sedesias

Nehemi 7:65

ndá njeguburuɓee ula dee gə mba kar dee d’usɔ néje gə́ to gə kəmee el saar gə mba kar njekinjanéməs dəji Ala gée gə né gə́ ɓaree urim gə tumim ɓa.

Nehemi 8:9

Nehemi gə́ njeguburuɓee ləm, gə Esdras gə́ njekinjanéməs gə njendaji-maktub ləma, gə Ləbije gə́ to njendoo koso-dəwje né ləm tɔ lé d’ula dəwje lai pana: Ɓogənè to ndɔ gə́ to gə kəmee mbata lə Njesigənea̰, Ala lə sí lé. Maji kar sí síje dan kəmndoo’g gə mán-no̰ kəm sí’g el. Mbata koso-dəwje lai no̰ loo gə́ deḛ d’oo taje gə́ godndu pa lé tɔ.

Teḛ-Raga 28:30

D’a tula urim gə tumim mee ɓɔl kubu gə́ tɔ kaar dee’g gə́ ka̰ gaŋg rəwta’g lé ndá d’a to dɔɓəŋgərə Aaro̰’g loo gə́ yeḛ a gə teḛ kaar no̰ Njesigənea̰’g. Togə́bè ɓa Aaro̰ a kodo ne rəwta-gaŋg gə́ wɔji dɔ Israɛlje dɔɓəŋgəree’g loo gə́ yeḛ a teḛ kaar no̰ Njesigənea̰’g lé.

Ləbije 2:10

Ges nékar gə́ to nduji gə́ nai lé a to ka̰ Aaro̰ gə ŋganeeje ya, to né gə́ to gə kəmee doi gə́ ur dɔ mareeje’g mbuna nékarje gə́ ka̰ roo no̰ Njesigənea̰’g ya.

Ləbije 2:3

Ges nékar gə́ nai lé a to mbata lə Aaro̰ gə ŋganeeje ya, to né gə́ to gə kəmee doi mbuna nékarje gə́ roo no̰ Njesigənea̰’g ya.

Ləbije 22:10

Dəw gə́ to ginkoji’g lə njekinjanéməs el lé a sɔ néje gə́ to gə kəmee lé el, gə́ si mee kəi’g lə njekinjanéməs əsé kura gə́ ra kula mba kiŋga ne lar kara deḛ neelé d’a sɔ néje gə́ to gə kəmee lé el tɔ.

Ləbije 22:13

Nɛ njekinjanéməs gə́ ŋgonee gə́ dené to njekəisiŋga əsé ŋgabeeje tubá gə́ lal ŋganje ɓa tel aw mee kəi’g lə bɔbeeje to gə́ yeḛ nai ne ma̰də ɓəi lé ndá yeḛ a kaskəm sɔ nésɔ lə bɔbeeje ya. Dəw gə́ rara gə́ to gə́ ginkoji’g lə njekinjanéməs el lé a sɔ né neelé el tɔ.

Ləbije 6:17

Njesigənea̰ ula Moyis pana:

Ləbije 7:16

Ɓó lé dəw kára ree gə nékinjaməs gə́ ka̰ tɔl ne ta manrɔ ləa əsé gə nékar gə́ yeḛ ḭ gə mée mba kar lé ndá d’a sɔ da neelé mee ndəa gə́ yeḛ ḭjá’g lé, tɔɓəi gesee gə́ nai lé kara bèlè lookàree d’a sɔ tɔ.

Ləbije 8:8

Yeḛ tɔ né gə́ ɓaree ɓɔl kubu gə́ tɔ kaar dee’g ndá yeḛ tula urim gə tumim mee ɓɔl kubu gə́ tɔ kaar dee’g tɔ.

Bula lə Israɛlje 18:19

Nékarje lai gə́ to gə kəmee gə́ Israɛlje d’a ree ne kula dee gə́ tar kam ma Njesigənea̰ lé ma m’ari-i seḭ gə ŋganije gə́ diŋgam gə njé gə́ dené səi na̰’d gə goo godndu gə́ to gə no̰ lé. Yee ɓa to manrɔ gə́ loo kunda ŋgaŋgee godo gə́ to gə no̰, no̰ Njesigənea̰’g mbata ləi-i gə mbata lə ŋgakaije səi na̰’d gə́ kédé-kédé ya.

Bula lə Israɛlje 18:32

Loo gə́ seḭ ɔrje né gə́ maji dum mba̰ ndá né neelé a kar ta kaiya kára kara wa dɔ sí gə mbəa el, nékarje lə Israɛlje gə́ to gə kəmee lé seḭ a koo deeje gə né gə́ sḭ kari ba el, bèe ɓa seḭ a kwəije ne el tɔ.

Bula lə Israɛlje 27:21

Yeḛ a ree kaar no̰ Eləajar gə́ to njekinjanéməs’g lé mba kar Eləajar aw no̰ Njesigənea̰’g gə mbata ləa mba karee gər ne né gə́ kəm ra gə goo né gə́ urim ɓa a tɔjee, togə́bè Josué ləm, gə Israɛlje lai ləma, gə koso-dəwje lai ləm tɔ d’a kaw gə goo ndukun lə Eləajar ləm, d’a tel ree gə goo ndukun ləa ləm tɔ.

Tel tura Godndu 33:8

Yeḛ pata dɔ ginkoji Ləbije’g pana: Tumimje gə Urimje lé D’ɔm ji dəw gə́ to njemeenda’g, Gə́ i aḭ mee loo gə́ Masa’g ləm, Gə i oma̰ səa ta mán gə́ Meriba’g ləm tɔ.

1 Samel 28:6

Sawul dəji Njesigənea̰ ta ndá Njesigənea̰ ilá ta’g gə ni el ləm, gə néje lə njekinjanéməs gə́ ɓaree urim el ləma, gə ndu njéteggintaje el ləm tɔ.