Esdras 2:43 - Maktub gə́ To gə Kəmee

⁴³ Njérakula mee kəi-Ala’g gə́ raje ɓa nee: Deḛ gə́ to ŋgaka Siha ləm, gə ŋgaka Hasupa ləm, gə gel-bɔje lə Tabaot ləm,

Esdras 2:43 ပူးပေါင်းရင်းမြစ်များ

1 Sôrta Gḭka-Israɛlje 9:2

Dəwje gə́ dɔtar gə́ d’isi dɔ naŋg’d lə dee ləm, gə mee ɓee-booje’g lə dee ləm tɔ lé to Israɛlje, gə njékinjanéməsje, gə Ləbije, gə njéra kula mee kəi-Ala’d gə́ raje lé tɔ.

Esdras 2:42

Njéŋgəm tarəwje ɓa nee: Deḛ gə́ to gel-bɔje lə Salum ləm, gə gel-bɔje lə Ater ləm, gə gel-bɔje lə Talmo̰ ləm, gə gel-bɔje lə Akub ləm, gə gel-bɔje lə Hatita ləma, gə gel-bɔje lə Sobai ləm tɔ, deḛ lai d’as tɔl gə dɔ dee rɔ-munda-giree-jinaikara (139),

Esdras 2:44

gə ŋgaka Keros ləm, gə ŋgaka Siaha ləm, gə ŋgaka Pado̰ ləm,

Esdras 2:58

Bula lə deḛ gə́ to njéra kula mee kəi-Ala’g gə́ raje ləm, gə ŋgaka kuraje lə Salomo̰ ləm tɔ lé to tɔl-munda gə dɔ dee rɔ-jinaikara-giree-joo (392).

Esdras 7:7

Israɛlje gə́ na̰je ləm, gə njékinjanéməsje gə Ləbije ləm, gə bao-paje ləm, gə njéŋgəm tarəwje ləma, gə njéra kula kəi-Ala’d gə́ raje ləm tɔ, ree Jerusalem mee ləb ko̰ɓee gə́ njekɔm’g siri gə́ Artajerjɛs to ne mbai lé tɔ.

Esdras 8:17

Ma m’ula dee rɔ mbai Ido’g gə́ si Kasipia ndá ma m’ula dee mba kar dee d’ula Ido gə ŋgakea̰je gə́ to njérakula kəi-Magəje-je’g gə́ d’isi Kasipia gə mba kar dee d’ar sí dəwje gə mba kar dee ree ra kula mee kəi-Ala’g lə sí.

Esdras 8:20

Tɔɓəi mbuna njérakula mee kəi-Ala’gje-je gə́ Dabid gə mbaije d’unda dee d’ar dee ra kula lə Ləbije lé d’as dəwje tɔl-joo gə dɔ dee rɔ-joo (120) ndá deḛ lai ɓar dee gə goo ri dee ri dee tɔ.

Nehemi 11:21

Deḛ gə́ to njéra kula kəi-Ala’d gə́ raje lé d’isi dɔdərlooje’g lé ndá Siha gə Gispa ɓa to mbaije lə dee.

Nehemi 11:3

Aa oo, mbaije gə́ wɔji dɔ dəb ɓeeko̰je gə́ ree d’isi Jerusalem lé ɓa nee: Mee ɓee-booje’g lə Juda lé, Israɛlje ləm, gə njékinjanéməsje ləm, gə Ləbije ləm, gə njéra kula kəi-Ala’d gə́ raje ləma, gə ŋgaka kuraje lə Salomo̰ ləm tɔ lé, nana kara si loo gə́ to kea̰-kea̰ mee ɓee-boo’g ləa.

Nehemi 3:26

Deḛ gə́ to njéra kula kəi-Ala’d gə́ raje gə́ d’isi dɔdərloo’g lé ɓa ra kula lé saar teḛ ne loo gə́ wɔji dɔ tarəwɓee gə́ ria lə Manje njoroŋ par gə́ bər ləm, gə teḛ ne kəi-kaar-kɔgərɔ gə́ duu dɔ loo gə́ teḛ gə́ raga lé ləm tɔ.

Bula lə Israɛlje 3:9

I a kɔm Ləbije lé ji Aaro̰’g gə ji ŋganeeje gə́ diŋgam’g, bèe ɓa Israɛlje lé d’a kunda dee ne gə kəmee bura kar dee ya.