Esdras 2:41 - Maktub gə́ To gə Kəmee

⁴¹ Bao-paje ɓa nee: Deḛ gə́ to gel-bɔje lə Asap d’as tɔl gə dɔ dee rɔ-joo-giree-jinaijoo (128).

Esdras 2:41 ပူးပေါင်းရင်းမြစ်များ

1 Sôrta Gḭka-Israɛlje 15:17

Yen ɓa Ləbije d’unda Heman, ŋgolə Joɛl ləm, gə Asap, ŋgolə Berekia mbuna ŋgakea̰je’g ləm, gə Etan mbuna ŋgaka Merarije’g gə mbuna ŋgakea̰je’g ləm tɔ dɔ kulaje’g,

1 Sôrta Gḭka-Israɛlje 25:25

njekɔm’g dɔg-giree-jinaijoo oso dɔ Hanani’g, gə ŋganeeje gə́ diŋgam gə ŋgakea̰je’g deḛ lai d’as dɔg-gir-dee-joo,

1 Sôrta Gḭka-Israɛlje 6:39

Aa ooje, ɓee-booje lə dee gə́ d’wɔji ŋgaŋgee d’ar dee gə goo loo-si dee si dee ɓa nee: Ŋgaka Aaro̰ gə goo gel-bɔje lə Keat lé to gə́ doŋgɔr gə goo nékwɔji lée

Esdras 2:40

Deḛ gə́ to Ləbije lé: deḛ gə́ to gel-bɔje lə Juje ləm, gə deḛ gə́ to gel-bɔje lə Kadmiel ləma, gə deḛ gə́ to gel-bɔje lə Hodabia ləm tɔ lé d’as rɔ-siri-giree-sɔ (74).

Esdras 2:42

Njéŋgəm tarəwje ɓa nee: Deḛ gə́ to gel-bɔje lə Salum ləm, gə gel-bɔje lə Ater ləm, gə gel-bɔje lə Talmo̰ ləm, gə gel-bɔje lə Akub ləm, gə gel-bɔje lə Hatita ləma, gə gel-bɔje lə Sobai ləm tɔ, deḛ lai d’as tɔl gə dɔ dee rɔ-munda-giree-jinaikara (139),

Esdras 3:10

Loo gə́ njékulaje tum gin kəi lə Njesigənea̰ gə́ to gə kəmee neelé mba̰ ndá d’ar njékinjanéməsje d’ula kubu-kḭjanéməs rɔ dee’g ree ne gə to̰to̰je ji dee’g ləm, Ləbije gə́ to gel-bɔje lə Asap d’odo ma̰dje ji dee’g ləm tɔ, gə mba kɔs ne gaji Njesigənea̰ gə goo rəw gə́ Dabid, mbai lə Israɛlje tɔji dee kédé lé.

Nehemi 11:17

gə Matania, ŋgolə Mise gə́ to ŋgolə Jabdi gə́ to ŋgolə Asap to njekun dɔ pa pidije loo-ra-tamaji’g ləm, gə Bakbukia yeḛ gə́ njekɔm’g joo mbuna ŋgakea̰je’g ləm, gə Abda, ŋgolə Samua gə́ to ŋgolə Galal gə́ to ŋgolə Jedutun ləm tɔ.

Nehemi 7:44

Njékɔspaje gə́ to gel-bɔje lə Asap lé d’as tɔl gə dɔ dee rɔ-sɔ giree-jinaijoo (148).