Esdras 10:9 - Maktub gə́ To gə Kəmee

⁹ Ndɔ munda gogo lé diŋgamje lai gə́ Juda gə Bḛjami d’wa dɔ na̰ Jerusalem. To ndɔ gə́ njekɔm’g rɔ-joo mee naḭ gə́ njekɔm’g jinaikara’g. Koso-dəwje lai d’isi ndaa-loo gə́ takəi-Ala’g, d’unda bala tigi-tigi mbata lə ta neelé ləm, gə mbata lə ndi gə́ ər yaa̰ ləm tɔ.

Esdras 10:9 ပူးပေါင်းရင်းမြစ်များ

Esdras 10:10

Esdras, njekinjanéməs lé ḭta ula dee pana: Seḭ raje kaiya loo gə́ seḭ taaje denéje gə́ ginkoji dee raŋg arje ta wa ne dɔ Israɛlje unda nje gə́ kédé.

Esdras 10:3

Ɓasinè lé ar sí manje rɔ sí j’arje Ala lə sí gə mba tuba denéje neelé gə ŋgan meḛ deeje na̰’d gə goo takwɔji lə mbai ləm, gə ka̰ dee-deḛ lai gə́ d’unda bala no̰ godndu Ala lə sí ləm tɔ. Maji kar sí n’raje gə goo godndu lé ya.

Esdras 10:8

tɔɓəi gə goo ndukun lə ŋgan-mbaije gə ŋgatɔgje lé nana ɓa gə́ teḛ keneŋ mee ndɔ gə́ munda’g lé el ndá d’a taa néje ləa mbad ləm, yeḛ nja kara d’a kɔgee loo-siée loo-kwa-dɔ-na̰’g lə deḛ gə́ d’ḭ ɓee-ɓər’g tel ree lé ləm tɔ.

Esdras 9:4

Deḛ lai gə́ ta lə Ala lə Israɛlje ar dee d’unda bala mbata kaiya ra dee gə́ d’ḭ ɓee-ɓər’g tel ree neelé d’wa dɔ na̰ mbɔrm’g nɛ ma lé m’isi ne gə kəmndoo saar kàr kḭjanémes gə́ kàrkemetag as ne.

Este 2:16

Este lé d’aw səa rɔ mbai Asuerus’g mee kəi-mbai’g ləa mee naḭ gə́ njekɔm’g dɔg gə́ to naḭ Tebet, mee ləb ko̰ɓee’g ləa gə́ njekɔm’g siri lé.

Jeremi 10:10

Nɛ Njesigənea̰ to Ala gə́ tɔgərɔ, Yeḛ to Ala gə́ njesikəmba ləm, Gə mbai gə́ njesi gə ləbee-ləbee Gə no̰ ləm tɔ. Naŋg yə no̰ oŋg’d ləa ləm, Ginkoji dəwje gə raŋg d’askəm Kaar gəs no̰ oŋg-boo’g ləa el ləm tɔ.

Jeremi 10:13

Loo gə́ ndia ɓar ndá Manje mbo̰ na̰ mee dara’g ləm, Yeḛ ar kil-lə-ndi ḭ rudu naŋg’d ləm, Yeḛ ar ndi tel ləm, gə ər ləma, Yeḛ ar lel ḭ loo-ŋgəm’g ula ləm tɔ.

Jeremi 36:22

Mbai lé si mee kəi gə́ wɔji dɔ naḭ kul’g. To mee naḭ gə́ njekɔm’g jinaikara ndá əb gə́ kɔr pər taa keneŋ gəgəgə to nea̰’g.