Esdras 10:8 - Maktub gə́ To gə Kəmee

⁸ tɔɓəi gə goo ndukun lə ŋgan-mbaije gə ŋgatɔgje lé nana ɓa gə́ teḛ keneŋ mee ndɔ gə́ munda’g lé el ndá d’a taa néje ləa mbad ləm, yeḛ nja kara d’a kɔgee loo-siée loo-kwa-dɔ-na̰’g lə deḛ gə́ d’ḭ ɓee-ɓər’g tel ree lé ləm tɔ.

Esdras 10:8 ပူးပေါင်းရင်းမြစ်များ

Esdras 10:7

Deḛ d’ila mber mee ɓee gə́ Juda’g gə mee ɓee gə́ Jerusalem’g gə mba kar deḛ lai gə́ d’ḭ ɓee-ɓər’g tel ree ɓée lé d’a kwa dɔ na̰ Jerusalem,

Esdras 10:9

Ndɔ munda gogo lé diŋgamje lai gə́ Juda gə Bḛjami d’wa dɔ na̰ Jerusalem. To ndɔ gə́ njekɔm’g rɔ-joo mee naḭ gə́ njekɔm’g jinaikara’g. Koso-dəwje lai d’isi ndaa-loo gə́ takəi-Ala’g, d’unda bala tigi-tigi mbata lə ta neelé ləm, gə mbata lə ndi gə́ ər yaa̰ ləm tɔ.

Esdras 7:26

Nana ɓa gə́ aa dɔ godndu Ala ləi kalaŋ el ləm, əsé aa dɔ godndu mbai kalaŋ el ləm tɔ ndá d’a gaŋgta yoo dəa’d gə́ léegəneeya karee wəi ne əsé d’a tubá əsé d’a gaŋg lar dəa’g karee uga əsé d’a kilá daŋgai’g tɔ.

Nehemi 13:28

Dəw kára mbuna ŋgalə Jeojada’d gə́ to ŋgolə Eliasib ŋgɔ-njekinjanéməs lé yeḛ to məəm Sanbalatje, dəw gə́ Hɔro̰. Ma m’ɔsee rɔm’g rəw gə́ raŋg.

Nehemi 13:3

Loo gə́ deḛ d’oo ta godndu lé ndá léegəneeya d’ɔr kəm dəwje lai gə́ dɔ ɓee’g mbuna Israɛlje’g d’unda dee ɓəd.

Ləbije 27:28

Tɔɓəi né gə́ ban-ban gə́ dəw a kun ndia dɔ’g mba kɔree kundá gə kəmee kar Njesigənea̰ mbuna néje’g ləa lé, d’a kaskəm rab ndogo el ləm, əsé kuga dəa el ləm tɔ. Lé to gə́ dəw əsé da əsé loo-ndɔ ləa kara néje lai gə́ dəw un ndia dɔ’g mba kunda gə kəmee neelé a to gə kəmee gə́ ka̰ Njesigənea̰ ya doŋgɔ doi.

Matiyo 18:17

Ɓó lé yeḛ mbad koo ta lə dee ndá maji kari aw ula églisə taree. Ɓó lé yeḛ mbad koo ta lə églisə tɔɓəi ndá maji kar dee d’ée gə́ njetar-Ala ləm, gə njetaa lar-gədɓee ba ləm tɔ.

Tagə́maji gə́ Ja̰ ndang 16:2

D’a kun sí tɔb sí mee kəi-kwa-dɔ-na̰je’g, nana ɓa gə́ tɔl sí kara mee ndəa gə́ a gə ree lé a kḛji mée’g pana: Neḛ n’ra né n’ar Ala ya.

Tagə́maji gə́ Ja̰ ndang 9:22

Njékojeje lé pa togə́bè mbata deḛ ɓəl Jibje. Mbata Jibje d’ɔm ta lə dee na̰’d gə mba kar ɓó lé dəw gə́ rara ɓa gə́ təa a teḛ ja̰ pana: Jeju to Kristi lé ndá d’a kɔr njea neelé mee kəi-kwa-dɔ-na̰’g ya.

Tagə́maji gə́ Ja̰ ndang 9:34

Deḛ tel d’ilá keneŋ pana: Deḛ d’ojii dan kaiya’g dana bab nɛ see i a ndoo sí ta tɔɓəi wa. Yen ŋga deḛ d’unee tubá tɔ.

1 Njé gə́ Kɔrḭtə 5:13

Deḛ gə́ d’isi gir loo gə́ raga lé Ala ɓa a gaŋg rəwta dɔ dee’g ya. Ram-dəw gə́ si mbuna sí’g lé oreeje wɔgədɔ gə́ raga ɓa.

Jujé 6:19

Larnda gə larlɔr lai ləm, gə néje lai gə́ ra gə larkas gə larndul ləm tɔ lé d’a kunda dee gə kəmee mbata lə Njesigənea̰ ndá d’a kɔm dee mee kəi-nébao’g lə Njesigənea̰ ya.

Njéga̰g-Rəwtaje 21:5

Israɛlje pana: See na̰ ɓa mbuna ginkoji Israɛlje’g aw loo-mbo̰-dɔ-na̰’d lə koso-dəwje no̰ Njesigənea̰’g lé el wa. Mbata deḛ manrɔ dee gə rɔkubu d’aree wɔji ne dɔ nana ɓa gə́ aw loo-mbo̰-dɔ-na̰’g no̰ Njesigənea̰’g loo gə́ Mispa’g el ndá: Débee neelé d’a tɔlee gə́ tɔl ya.

1 Samel 11:7

Yeḛ wa maŋgje joo tḭja dee gaŋg dee dana ɗuguru-ɗuguru ula ne njékaḭkulaje dɔ naŋg’d lə Israɛlje lai pana: Nana ɓa gə́ a kɔr rɔ kaw goo Sawul’g gə Samel’g el ndá d’a ra gə maŋgje ləa togə́bè tɔ. Ɓəl-boo lə Njesigənea̰ dəb dɔ koso-dəwje’g ar dee d’ḭ asəna gə dəw gə́ kára ba bèe d’aw.