Esdras 10:6 - Maktub gə́ To gə Kəmee

⁶ Yen ŋga Esdras uba naŋg takəi-Ala’g ḭ aw mee kəi’g lə Jokana, ŋgolə Eliasib. Loo gə́ yeḛ andə keneŋ mba̰ ndá yeḛ o̰ muru el ləm, ai mán el ləm tɔ mbata yeḛ si wa ndòo mbata kaiya ra dee gə́ d’ḭ ɓee-ɓər’g tel ree ɓee lé.

Esdras 10:6 ပူးပေါင်းရင်းမြစ်များ

Esdras 10:1

Loo gə́ Esdras oso naŋg bəbərə gə mán-no̰ kəmee’g ra ne tamaji neelé teg ne gin kaiya neelé ndá koso-Israɛlje bula ree mbo̰ dɔ na̰ rəa’g, diŋgamje ləm, gə denéje ləma, gə ŋganje ləm tɔ, dəwje neelé no̰ gə mán-no̰ kəm dee’g ɓugudu-ɓugudu.

Esdras 10:7

Deḛ d’ila mber mee ɓee gə́ Juda’g gə mee ɓee gə́ Jerusalem’g gə mba kar deḛ lai gə́ d’ḭ ɓee-ɓər’g tel ree ɓée lé d’a kwa dɔ na̰ Jerusalem,

Esdras 9:4

Deḛ lai gə́ ta lə Ala lə Israɛlje ar dee d’unda bala mbata kaiya ra dee gə́ d’ḭ ɓee-ɓər’g tel ree neelé d’wa dɔ na̰ mbɔrm’g nɛ ma lé m’isi ne gə kəmndoo saar kàr kḭjanémes gə́ kàrkemetag as ne.

Nehemi 12:10

Juje oji Jojakim ləm, Jojakim oji Eliasib ləm, Eliasib oji Jojada ləm,

Nehemi 12:22

Mee ndəaje’g lə Eliasib gə Jojada gə Jokana gə Jadua lé deḛ ndaŋg ri Ləbije gə́ to mbai dɔ gel-bɔje lə dee ləm, gə ri njékinjanéməsje ləm tɔ saar teḛ ləb ko̰ɓee’g lə Darius dəw gə́ Persə lé.

Nehemi 13:28

Dəw kára mbuna ŋgalə Jeojada’d gə́ to ŋgolə Eliasib ŋgɔ-njekinjanéməs lé yeḛ to məəm Sanbalatje, dəw gə́ Hɔro̰. Ma m’ɔsee rɔm’g rəw gə́ raŋg.

Nehemi 13:5

ndá yeḛ unda kəi gə́ boi gə kəmee mbata lə Tobija, to kəi gə́ kédé d’unda nékarje gə́ to nduji ləm, gə néje gə́ ə̰də sululu ləm, gə nékulaje ləma, gə ta néje gə́ kun kára mee njé gə́ dɔg’d gə́ to kó gə mán-nduú gə ubu ləm tɔ keneŋ. Yee ɓa to né gə́ d’un gə goo godndu d’ar Ləbije ləm, gə njékɔspaje gə njéŋgəm takəije ləma, gə né gə́ d’ɔr dan mareeje’g mbata lə njékinjanéməsje ləm tɔ.

Nehemi 3:1

Eliasib gə́ to ŋgɔ-njekinjanéməs lé ḭ gə ŋgakea̰je gə́ to njékinjanéməsje ar dee ra tarəwkɔg gə́ ria lə Rəw lə Badje lé. Deḛ d’unda gə kəmee ləm, gə tula tabidi-rəwje keneŋ ləm tɔ. Deḛ d’unda gə kəmee un kudee dɔ kəi-kaar-kɔgərɔ gə́ duu dɔ loo gə́ ria lə Méa saar teḛ ne kəi-kaar-kɔgərɔ gə́ duu dɔ loo gə́ ria lə Hananeel tɔ.

Nehemi 3:20

Gée-yeḛ’g lé Baruk, ŋgolə Jabai ɓa gɔl dəb ndògo-bɔrɔ gə́ raŋg lé gə rəa bura, un kudee dɔkum ndògo-bɔrɔ’g saar teḛ ne takəi’g lə Eliasib, ŋgɔ-njekinjanéməs lé.

Maktub gə́ wɔji dɔ Jɔb 23:12

Godndiaje gə́ teḛ təa’g lé ma m’uba m’ya̰ el, Taje gə́ teḛ təa’g lé ma m’ŋgəm məəm’g m’ra née tɔ.

Pakɔsje 102:4

Mbata ndɔje ləm lé sané kad to gə́ sa pər bèe ləm, Siŋgarɔmje taa pər gəgəgə to gə́ ta kir bèe ləm tɔ.

Teḛ-Raga 34:28

Moyis nai rɔ Njesigənea̰’g ndəa rɔ-sɔ dan kàrá gə loondul’g. Yeḛ o̰ muru el ləm, yeḛ ai mán el ləm tɔ. Njesigənea̰ ndaŋg ta manrɔ dɔ bəgərə mbalje’g, to godnduje gə́ dɔg lé ya.

Esai 22:12

Mbaidɔmbaije gə́ Njesigənea̰ gə́ njeboo-néje Ɓar sí mee ndəa’g neelé Gə mba kar sí no̰je ləm, Gə kunda kaar sí ləm, Kar sí ndisaje dɔ sí ləma, Gə kulaje kubu-kwa-ndòo rɔ sí’g ləm tɔ.

Loo gə́ killa rea kəm Daniel’g 9:3

Ma m’tel kəm par gə́ rɔ Mbaidɔmbaije Ala’g lé ləm, m’ra tamaji ləm, m’ra ndòo rəa’g ləm, m’ɔg məəm ɓó ləma, m’ula kubu-kwa-ndòo rɔm’g m’isi ne dan bu’g ləm tɔ.

Tel tura Godndu 9:18

Ma m’oso naŋg rəb m’dəb kəm naŋg no̰ Njesigənea̰’g to gə́ kédé ndɔm rɔ-sɔ dan kàrá gə loondul’g lé lal ko̰ muru ləm, lal kai mán ləm tɔ mbata kaiyaje lai gə́ seḭ raje loo gə́ seḭ raje ne né gə́ majel kəm Njesigənea̰’g gə mba kar mée ḭ ne səa pu lé.