Esdras 10:14 - Maktub gə́ To gə Kəmee

¹⁴ Bèe ndá maji kar ŋgan-mbaije lə sí ɓa nai tor koso-dəwje’g lé. Ndá deḛ lai gə́ d’isi mee ɓee-booje’g lə sí gə́ taa denéje gə́ ginkoji dee raŋg lé d’a ree mee ndəaje’d gə́ d’a kwɔji kar dee lé, d’a ree gə ŋgatɔgje gə njégaŋ-rəwtaje gə ɓee lə dee lə dee saar kar boo-oŋg lə Ala lə sí ḭ ne dɔ sí’d gə́ raŋg mbata né neelé ɓa.

Esdras 10:14 ပူးပေါင်းရင်းမြစ်များ

2 Mbaije 23:26

Lée togə́bè kara Njesigənea̰ uba goo boo-oŋg ləa gə́ to asəna gə pər gə́ o̰ bilim-bilim bèe lé dɔ Judaje’g ya̰ el mbata néje lai gə́ Manasə ra ar mée ḭ ne səa pu lé.

2 Sôrta Gḭka Israɛlje 28:11

Maji kar sí ooje ta ləm mba kya̰ ŋgako̰ síje gə́ seḭ wa deeje gə́ ɓər mbuna sí’g lé ar deeje tel d’aw, mbata boo-oŋg lə Njesigənea̰ ɔm dɔ sí’g ya.

2 Sôrta Gḭka Israɛlje 29:10

Gelee gə́ nee ɓa m’wɔji gə mba kar síjeḛ gə Njesigənea̰, Ala lə Israɛlje manrɔ sí j’ar na̰ gə mba kar oŋg ləa gə́ o̰ to gə́ pər bèe lé wəi ne dɔ sí’g bèm ya.

2 Sôrta Gḭka Israɛlje 30:8

Maji kar sí toje njégwɔbkelkwɔije to gə́ bɔ síje-je bèe el nɛ ya̰je rɔ sí arje Njesigənea̰, reeje ne mee kəi’g ləa gə́ yeḛ unda gə kəmee saar gə no̰ ləm, raje né arje Njesigənea̰, Ala lə sí ləm tɔ gə mba kar oŋg ləa gə́ o̰ to gə́ pər bèe lé wəi ne dɔ sí’g bèm ya.

Esdras 10:13

Nɛ dəwje lé bula yaa̰, tɔɓəi to naḭ ndi tɔ ndá j’askəm si raga el. Tɔɓəi kula neelé to kəm ra ndɔ kára əsé ndɔ joo ba el mbata dəwje bula mbuna sí’g ra né neelé tɔ.

Esdras 10:15

Jonatan, ŋgolə Ajael, gə Jajia, ŋgolə Tikba ɓa gə kar dee ba ndigi sə dee dɔ ta’g neelé el ar Mesulam gə Sabetai gə́ to Ləbije kara d’ɔm sə dee na̰’d tɔ,

Pakɔsje 78:38

Nɛ lé bèe kara gə goo meekɔrjol ləa ɓa Yeḛ ar mée ti ne mbidi dɔ néra gə́ kori-kori’g lə dee Ɓó yeḛ tuji dee ne el: Ta-ta yeḛ wa goo oŋg ləa sud Ɓó ya̰ rəa yag dan boo-oŋg’g ləa el.

Esai 12:1

Mee ndəa’g neelé i a pa pana: Ǝi Njesigənea̰, ma m’pidii Mbata kédé oŋg ləi ḭ səi pu dɔm’g, Nɛ oŋg ləi lé tel wəi bèm Ndá i tel gɔl məəm.

Bula lə Israɛlje 25:4

Njesigənea̰ ula Moyis pana: Maji kari mbo̰ mbaije lə koso-dəwje lai dɔ na̰’d ndá i a kar dee tɔ dee tar no̰ Njesigənea̰’g dan kàrá mba kar boo-oŋg lə Njesigənea̰ gə́ to ɓəl kədm-kədm lé lal oso dɔ Israɛlje’g.

Tel tura Godndu 13:17

Seḭ a mbo̰je nébanrɔje lai ndaa-loo’g ndá seḭ a rooje ɓee-boo neelé dula-dula gə nébanrɔje lai gə́ to keneŋ no̰ Njesigənea̰ Ala’g lə sí: yee a tel to nduba ya piu-piu gə no̰ ɓó d’a tel kundá gogo nda̰ el.

Tel tura Godndu 17:9

Seḭ a kawje rɔ njékinjanéməsje’g ləm, gə rɔ Ləbije’g ləma, gə rɔ yeḛ gə́ to njegaŋ-rəwta’g ləm tɔ, seḭ a dəji deeje rəbee ndá d’a kula sí kar sí gərje rəwta gə́ kəm gaŋg lé.

Jujé 7:26

Tɔɓəi deḛ daa kɔri-ərje dɔ na̰’d sururu dɔ Aka̰’g d’aree to un kudee mee ndəa gən saar teḛ ɓogənè tɔ. Bèe ɓa Njesigənea̰ ar goo oŋg ləa gə́ nuŋga kəd-kəd lé yɔr ne. Gelee gə́ nee ɓa deḛ d’unda ne ri loo neelé lə wəl-loo lə Akɔr saar teḛ ne mee ndəa gən tɔ.