Esai 9:5 - Maktub gə́ To gə Kəmee

⁵ Mbata d’oji ŋgon d’ar sí ləm, D’ar sí ŋgon gə́ diŋgam ləm tɔ, Ko̰ɓee lé a to dɔ tamee’g, D’a kunda ria lə Njemaji dum ləm, Gə Njekwɔji ta kəmkàr ləm, Gə Ala gə́ njesiŋgamoŋ ləm, Gə Bɔ gə́ Njesigənea̰ ləma, Gə Mbai gə́ njemeelom ləm tɔ.

Esai 9:5 ပူးပေါင်းရင်းမြစ်များ

Gḭ-Néje 32:30

Jakob dəjee tɔɓəi pana: M’ra ndòo rɔi’g, ulam rii am m’gər, kɔgərɔ kari. Yeḛ ilá keneŋ pana: See ban ɓa i dəjim rim wa. Ndá yeḛ tɔr ndia dəa’g lé gə́ neelé ya.

Pakɔsje 46:9

Maji kar sí gə́ reeje, Ooje kula raje lə Njesigənea̰, Ooje nétujije gə́ yeḛ ra dɔ naŋg nee.

Pakɔsje 72:3

Mbɔl dɔ meekarabasur ləi ɓa Dɔ mbalje gə dɔdərlooje lé D’a kar koso-dəwje d’isi ne gə meekulɔm.

Teḛ-Raga 23:21

Yen, meḛ sí dɔ rɔ sí’g loo gə́ aarje nea̰’g, ndá ooje ta ləa ɓó ɔseeje rəw el mbata yeḛ a kar mée oso lemsé dɔ kaiyaje’g lə sí el mbata rim ɓa yeḛ aw ne.

Esai 13:4

Ooje kaa né gə́ ɓar dɔ mbalje’g Asəna gə koso-dəwje gə́ bula digi-digi bèe, Ooje ndu koso-dəwje mee ɓeeko̰je Gə́ d’aw dɔ na̰’d pum-pum To gə́ ginkoji dəwje gə́ mbo̰ dɔ na̰, Njesigənea̰ gə́ njeboo-néje tən njérɔje ləa Gə́ d’a gə kaw loo-rɔ’g lé.

Esai 2:4

Yeḛ a to njegaŋ-rəwta dɔ ginkoji dəwje gə raŋg’g ləm, Yeḛ a to njekaar-dana mbuna koso-dəwje’g bula ləm, Kiambasje lə dee ɓa d’a tel kila gə́ kwɔs-paŋgmje ləma, Niŋga-ndəije lə dee ɓa d’a tel ra gə́ marmje ləm tɔ. Ginkoji dəwje gə́ gel kára d’a kun kiambas Rɔ ne gə ginkoji dəwje gə́ raŋg el ləm, D’a ndoo loo-rɔ el ləm tɔ.

Esai 30:33

Un kudee ləw ba lé Deḛ gɔl loo-roo-dəwje, Deḛ gɔlee d’wɔji ne dɔ mbai gə́ Asiri, D’aree ur ləm, gə tad ləm tɔ, Loo-roo-dəwje neelé pər gə kagje taa loo keneŋ pəl-pəl, Kila kəmə pugudu lə Njesigənea̰ mbudu pər o̰ To gə́ kṵji pər gə́ kas gə́ teḛ bilim-bilim bèe.

Esai 37:36

Yen ŋga kura lə Njesigənea̰ unda loo teḛ kunda dəwje tɔl dee as tɔl-dɔg-loo tɔl dəa rɔ-jinaijoo giree-mi (100.085) loo-si Asirije’g. Loo gə́ d’ḭta gə ndɔ ndá aa oo, nin dəwje to naŋg rib-rib tɔ.

Esai 4:4

Njesigənea̰ a kar lel néra gə́ gə dɔ najee gə lel gə́ ka̰ tuji lé ula. Loo gə́ yeḛ a kɔr ne néje gə́ mina̰ lə denéje gə́ Sio̰ mba̰ ləm, A kɔr won Jerusalem gə mba məs gə́ to keneŋ mba̰ ləm tɔ.

Esai 9:4

Mbata markob-rɔje lai gə́ d’aw ne loo-rɔ’g ləm, Gə kubu-rɔje lai gə́ rogo dan məs’g ləm tɔ lé D’a kɔm dee pər’d Kar dee roo dula-dula ya.

Esai 9:6

Ko̰ɓee ləa a kḭ dɔ maree’d gə́ kédé-kédé ləm, Meelɔm gə́ ka̰ kalimbai lə Dabid Gə ka̰ ɓeeko̰ ləa lé rudee a kun ɗiao el ləm tɔ. Néra gə́ danasur Gə né gə́ to gə dɔ najee lé ɓa D’a karee to ne njaŋg ləm, D’a gədee ne ləm tɔ Un kudee ɓasinè saar-saar gə no̰: Yee ɓa ŋgur né gə́ ra Njesigənea̰ gə́ njeboo-néje lé A karee ra née ya.

Jeremi 23:5

Njesigənea̰ pana: Aa ooje, mee ndɔje gə́ a gə ree lé M’a kar barkəm Dabid Gə́ to njera né gə dɔ najee uba sigi, Yeḛ a ko̰ɓee gə́ mbai ləm, Yeḛ a teḛkɔr ləm, Yeḛ a gaŋg rəwta gə dɔ najee ləma, A ra né gə goo rəbee mee ɓee’g ləm tɔ.

Jeremi 47:3

Mbata kaa ŋgo gɔl kundaje ləa Gə́ siŋga dee to kɔgərɔ-kɔgərɔ Gə́ ɓar ləm, Gə mbata gir pusu-rɔje ləa Gə gir gɔl pusu-rɔje gə́ ɓar ləm tɔ, Ndá bɔ ŋganje d’ɔm rəd Gə́ dɔ ŋgan deeje’g el Mbata ji dee unda ndolé.

Joɛl 2:5

Kaa dee gə́ ɓar lé To asəna gə kaa pusu-rɔje Gə́ tal dɔ sém mbalje’g tar bèe ləm, To asəna gə ndo̰ pər gə́ o̰ ndɔb rududu-rududu Gə́ aw to̰ ləm muje bèe ləma, To asəna gə kudu njérɔje gə́ siŋga dee to yaa̰ Gə́ d’wa dɔ gɔl rɔ dee gə mba kaw rɔ bèe ləm tɔ.

Ləbije 3:11

Njekinjanéməs a roo néje neelé loo-nékinjaməs’g. To nésɔ gə́ to nékinjaməs gə́ roo no̰ Njesigənea̰’g ya.

Ləbije 3:16

Njekinjanéməs lé a roo néje neelé loo-nékinjaməs’g. Ubeeje lai to gə́ nésɔ gə́ to nékinjaməs gə́ ka̰ roo gə́ baḭyee ə̰də lel Njesigənea̰ ya.

Misee 5:1

I Betlehem, Eprata, I to ŋgon ɓee gə́ lam ba mbuna ŋgan-ɓeeje gə́ Juda ya, Nɛ yeḛ gə́ a ko̰ dəwje ləm gə́ Israɛl lé A kḭ rɔi’g ya. Gin koji ləa to gə́ kédé par-par ləm, To gə́ mee ndəaje gə́ kédé gə́ dɔtar ləm tɔ.

Nahum 3:2

Aa ooje, kaa ndəi gə kaa gɔl pusu-rɔje gə kaa gɔl kundaje Ɓar keneŋ ləm, Kaa pusu-rɔje gə́ nduburu lé kara ɓar keneŋ ləm tɔ.

Jakari 6:13

Yeḛ a tel kunda kəi lə Njesigənea̰ gə́ to gə kəmee ya. Tɔɓəi yeḛ a kɔm nétɔjije gə́ wɔji dɔ rɔnduba lé rəa’g, Yeḛ a si dɔ kalimbai’g ləa gə mba ko̰ɓee ləm, Yeḛ a to njekinjanéməs dɔ kalimbai’g ləma, Kankəm kɔm na̰’d gə́ maji ɔr njoroŋ A to mbuna dee-deḛ’g joo bɔr ləm tɔ.

Matiyo 3:11

Ma m’ra sí batɛm gə mán gə mba kar sí waje ne ndòo rɔ sí dɔ kaiya’g lə sí nɛ yeḛ gə́ si ree goom’g lé siŋgá ur dɔm’g, m’askəm kodo markob ləa lé kaw kɔm el. Yeḛ nja ɓa a ra sí batɛm gə Ndilmeenda gə pər tɔ.

Néra Njékaḭkulaje 2:19

M’a kar néje gə́ dumkoo teḛ mee dara gə́ tar ləm, Nétɔjije d’a teḛ dɔ naŋg nee ləm tɔ: Məs ləm, gə pər ləma, gə sa pər gə́ uba ŋgɔg-ŋgɔg ləm tɔ.

Néra Njékaḭkulaje 2:3

Yen ŋga ndo̰ néje asəna gə ndo̰ pər teḛ kəm dee’g təsərə-təsərə kai na̰ d’aar dɔ dee’g kára-kára lai.

2 Njé gə́ Tesalonikə 1:8

Yeḛ a teḛ dan ndo̰ pər gə́ o̰ bilim-bilim mba kar deḛ gə́ gər Ala el ləm, gə deḛ gə́ taa tagə́maji lə Mbaidɔmbaije lə sí Jeju Kristi el ləm tɔ lé bea̰ a kɔs ta dee’g bɔsɔrɔ.

Njéga̰g-Rəwtaje 13:18

Kura lə Njesigənea̰ gə́ dara lé tel ilá keneŋ pana: See ban ɓa i dəjim rim wa. Rim lé to Maji-dum.

1 Samel 14:19

Loo gə́ Sawul aar wɔji ta gə njekinjanéməs bèe-bèe ndá ndu dəwje ɓar birim-birim loo-si Pilistije’d gə́ kédé-kédé ndá Sawul ula njekinjanéməs lé pana: Rəm gə jii gə́ rɔi’g.