Esai 9:3 - Maktub gə́ To gə Kəmee

³ Mbata néməməna̰ gə́ wɔi gwɔs dee’g ləm, Gə kag-tɔs gə́ d’unda ne bargir dee ləma, Gə ndəi gə́ d’ula ne kəm dee ndòo ləm tɔ lé I təd dee ne rém-rém to gə́ mee ndəa’g lə Madianje bèe.

Esai 9:3 ပူးပေါင်းရင်းမြစ်များ

Nehemi 9:23

I ar bula lə ŋgan deeje ḭ dɔ maree’d gə́ kédé-kédé To gə́ kéréméje gə́ dara bèe ləm, I ar dee d’andə mee ɓee Gə́ i un ndui ar bɔ deeje-je mba kar dee taa Gə́ né ka̰ dee-deḛ lé ləm tɔ.

Maktub gə́ wɔji dɔ Jɔb 12:23

Yeḛ ar riɓar lə ginkoji dəwje gə raŋg ḭ dɔ maree’d gə́ kédé-kédé ləm, Yeḛ tel rəm gə riɓar lə dee gogo ləm tɔ.

Pakɔsje 107:38

Yeḛ tɔr ndia dɔ dee’g ar dee bula ne digi-digi ləm, Nékulje lə dee lé yeḛ ar bula lə dee rəm gogo el ləm tɔ.

Pakɔsje 119:162

Ta ləi ya kára ba ɓa m’al ne rɔm Asəna gə yeḛ gə́ iŋga boo-nébanrɔ lé.

Pakɔsje 4:7

Njé gə́ na̰je bula pana: See na̰ ɓa a kar sí j’isi dan némajije’g wa. Ǝi Njesigənea̰, maji kar kəmi gə́ to lookàr lé ndogó dɔ sí’g!

Esai 10:26

Njesigənea̰ gə́ njeboo-néje a kunda dee gə ndəi to gə́ yeḛ unda ne Madianje dɔ mbal gə́ Oreb. Tɔɓəi yeḛ a kula kag-tɔs ləa ndiŋ dɔ baa-boo-kad’g lé ndá yeḛ a kula gə́ tar to gə́ yeḛ ra ne mee ɓee gə́ Ejiptə bèe lé ya ɓəi tɔ.

Esai 12:1

Mee ndəa’g neelé i a pa pana: Ǝi Njesigənea̰, ma m’pidii Mbata kédé oŋg ləi ḭ səi pu dɔm’g, Nɛ oŋg ləi lé tel wəi bèm Ndá i tel gɔl məəm.

Esai 14:5

Njesigənea̰ təd kag-tɔs lə njémeeyèrje ləm, Gə kag-mbai lə njéko̰ dɔ looje ləm tɔ.

Esai 25:9

Mee ndəa’g neelé d’a pana: Aa ooje, yeḛ nja ɓa to Ala lə sí Gə́ jeḛ j’ɔm meḛ sí dəa’g, Yeḛ nja ɓa aji sí, Njesigənea̰ ɓa jeḛ j’ɔm meḛ sí dəa’g ya, Ar sí j’isije dan boo-rɔkal’g J’alje ne rɔ sí gin kaji’g ləa!

Esai 26:15

Ǝi Njesigənea̰, I ar bula lə koso-dəwje ḭ dɔ maree’d gə́ kédé-kédé, Ar bula lə koso-dəwje ḭ dɔ maree’d gə́ kédé-kédé, Riba ne dɔ rɔnduba ləi gə́ raga ləm, Ar rəw-nim-ɓee aw gə́ kédé ləm tɔ.

Esai 35:10

Deḛ gə́ Njesigənea̰ uga dɔ dee lé D’a tel ree, D’a kaw Sio̰ gə pa kun baŋga ta dee’g ləm, Rɔlel gə́ to gə no̰ a to dɔ dee’g ləm tɔ, Boo-rɔkal gə rɔlel lé d’a rəm pər ya Nɛ némeeko̰ gə tuma̰ ŋgururu-ŋgururu d’a godo tɔ.

Esai 35:2

Puduje d’a taa loo keneŋ pəl-pəl ləm, Dɔ naŋg lé a kal rəa ləm tɔ Gə pa boo-rɔlelje gə ndu kii kun baŋga, D’a kula rɔnduba lə Liba̰ dəa’g ləm, Gə boo-ronduba lə Karmel gə Saron ləm tɔ. Ndá d’a koo nérɔnduba lə Njesigənea̰ Gə boo-ronduba lə Ala lə sí tɔ.

Esai 54:1

I ɓee gə́ Jerusalem gə́ to asəna gə kawkad gə́ oji ŋgon el bèe lé Maji kari al rɔi! I gə́ to asəna gə dené gə́ ndóo ulá ndubu gɔl kára el ɓəi lé Ɔr ndui gə́ tar wəl, i gə́ ndòo ulai ndubu kəm kára el ɓəi lé! Mbata dené gə́ deḛ d’ubá d’yá̰ lé Ŋganeeje d’a bula kunda ka̰ dené gə́ njeŋgao ya. Njesigənea̰ ɓa pa bèe.

Esai 55:12

Oiyo, seḭ a kundaje loo teḛje gə rɔlel ləm, D’a kɔr no̰ sí gə meekulɔm ləm tɔ. Mbalje gə dɔdərlooje d’a kɔr ndu dee gə́ tar gə kalrɔ no̰ sí’g ləm, Kagje lai gə́ mee wala’g lé d’a kunda ji dee rag-rag ləm tɔ.

Esai 61:10

Ma m’ra rɔlel gə mbata lə Njesigənea̰ ləm, M’al rɔm gə boo-rɔkal gə mbata lə Ala ləm ləm tɔ, Mbata yeḛ ula kubu-kaji rɔm’g ləm, Yeḛ ila kubu gə́ boi yul gə́ ka̰ néra gə́ gə dɔ najee dɔm’g ləm tɔ, Asəna gə njeɓar mɔr gə́ ula dɔgugu dəa’g ləm, Asəna gə njemɔr gə́ ɔm néma̰dje rəa’g bèe ləm tɔ.

Esai 61:7

Rɔkul ɓa seḭ iŋgaje kédé Nɛ a kiŋgaje né ka̰ sí dɔ maree’g gɔl joo toree’g ləm, Boo-rɔkul ɓa deḛ d’isi ne kédé Nɛ d’a kal rɔ dee gə mba né ka̰ dee-deḛ ɓəi ləm tɔ, D’a kiŋga ne né gə́ to ka̰ dee Dɔ maree’g gɔl joo mee ɓee’g lə dee ləm, Rɔlel lə dee a to saar gə no̰ ləm tɔ.

Esai 65:14

Aa ooje, kuraje ləm d’a kɔs pa gə rɔlel dɔɓəŋgərə dee’g, Nɛ seḭ lé a raje né wəl gə meeko̰ dɔɓəŋgərə sí’g ləm, Seḭ a no̰je no̰-yoo Loo gə́ ndil sí unda bala tigi-tigi ləm tɔ.

Esai 65:18

Nɛ maji kar sí raje rɔlel ləm, Sije dan kalrɔ’g ta-ta ləm tɔ Gə mbata lə né gə́ m’a gə kunda, Mbata m’a gə kunda Jerusalem gə́ nékalrɔ ləm, M’a gə kunda koso-dəwje ləa gə́ nérɔlel ləm tɔ.

Esai 66:10

Seḭ lai gə́ undaje Jerusalem dan kəm sí’g lé Raje səa rɔlel ləm, Areeje to gə́ nékalrɔ lə sí ləm tɔ. Seḭ lai gə́ waje ndòo-yée lé Talje səa jagəra-jagəra gə rɔlel,

Jeremi 31:7

Mbata Njesigənea̰ pa togə́bè pana: Raje né wəl gə ndu rɔlel dɔ Jakob’g ləm, Arje boo-rɔkal lə sí nduba rəa gə́ raga Dɔ yeḛ gə́ to doŋgɔr Le ginkoji dəwje gə raŋg ləm tɔ. Ɔrje ndu sí gə́ tar ɔsje ne pa Pideeje paje ne pana: Njesigənea̰, maji kari taa Dɔ koso-dəwje ləi, Ges Israɛlje gə́ nai lé!

Ojee 4:7

Loo gə́ deḛ bula d’ɔs goo na̰ gə́ kédé-kédé ndá Deḛ ra kaiya gə́ kédé-kédé D’ɔsm ne rəw tɔ. Bèe ɓa m’a kar rɔnduba lə dee Tel to rɔkul dɔ dee’g.

Ləbije 26:13

Ma m’to Njesigənea̰, Ala lə sí gə́ m’ar sí undaje loo mee ɓee gə́ Ejiptə teḛje ləm, m’ɔr sí kula ɓər’g ləm tɔ, ma m’gaŋg kúla néməməna̰ gə́ to gwɔb sí’g m’ar sí undaje dɔ sí tar njaaje ne ya.

Jakari 10:8

N’a ɓar dee gə kɔl ndá d’a mbo̰ dɔ na̰ Mbata neḛ n’uga dɔ dee, Ndá bula lə dee a kḭ dɔ maree’d gə́ kédé-kédé to gə́ kédé ya.

Jakari 2:11

Seḭ njé gə́ Sio̰, Seḭ gə́ síje ɓee-ɓər gə́ Babilɔn lé Maji kar sí aḭje ajije rɔ sí.

Jakari 8:23

Njesigənea̰ gə́ njeboo-néje pa togə́bè pana: Mee ndəaje’g neelé diŋgamje dɔg gə́ takɔji dee ɓəd-ɓəd mbuna ginkoji dəwje gə raŋg’g lé D’a kwa ta kubu lə dəw kára gə́ to gə́ Jip pa ne pana: N’a kawje sə sí mbata neḛ n’gərje gao to gə́ Ala nai sə sí-seḭ ya.

Lugu 11:22

Nɛ ɓó lé dəw gə́ njesiŋgamoŋ gə́ ur dəa-yeḛ’g lé ree teḛ dəa’g tədee rém-rém dumee ndá a kiri nérɔje ləa gə́ yeḛ ɔm mée dɔ dee’g rigim ləm, tɔɓəi néje gə́ maree unda banrɔ neelé a kai dəwje pə-pə ləm tɔ.

Néra Njékaḭkulaje 8:8

Boo-rɔlel taa loo mee ɓee-boo’g neelé pəl-pəl ya.

Njé gə́ Pilibə 4:4

Alje rɔ sí ta-ta gin Mbaidɔmbaije’g. Ma m’tel gə mba pa ya tɔɓəi, alje rɔ sí ya.

1 Piɛrə 1:8

Jeju lé kəm sí kara seḭ ilaje dəa’g bèe el ɓəi, nɛ seḭ ṵdáje dan kəm sí’g mba̰, seḭ ooje rəa el ɓəi nɛ seḭ ɔmje meḛ sí dəa’g jəb-jəb. Yee ɓa seḭ ndaje ne meḛ sí kaḭ gə rɔlel gə́ dum pa ləm, gə dəa ɔr jol-jol ləm tɔ.

Njéga̰g-Rəwtaje 5:3

Mbaije, urje mbi sí! Ŋgan-mbaije kɔdje mbi sí ilaje tag! M’a gə́ kɔs pa kar Njesigənea̰, Ala lə Israɛlje ya.

Njéga̰g-Rəwtaje 7:22

Dəwje gə́ tɔl-munda (300) lé tel d’im to̰to̰je ya tɔɓəi, ndá mee loo-si dee’g lai lé Njesigənea̰ ar dee-deḛ nja tel tɔs na̰ gə kiambas. Njérɔje d’aḭ saar teḛ Bet-Sita par gə́ Serera saar teḛ ŋgaŋ loo’g lə Abel-Mehola gə́ to ta Tabat’g dəb.

Njéga̰g-Rəwtaje 8:12

Jeba gə Salmuna təd na̰ d’aḭ. Gedeo̰ tuba dee ndá yeḛ wa Jeba gə Salmuna, mbaije gə́ Madian gə́ joo lé tɔɓəi yeḛ ar njérɔje lə deḛ lai d’ila dɔ na̰’d rima-rima tɔ.

1 Samel 30:16

Bèe ɓa yeḛ tel to njekɔrnea̰ mba tɔjee ne rəw. Ndá aa ooje, Amalekje taa loo pəl-pəl, d’usɔ gə d’ai ləm, gə ndam ləm tɔ mbata boo-néje gə́ d’odo gə́ nébanrɔ ɓee lə Pilistije ləm, gə ɓee gə́ Juda ləm tɔ.