Esai 9:20 - Maktub gə́ To gə Kəmee

²⁰ Manasə d’oma̰ gə Eprayimje ləm, Eprayimje d’oma̰ gə Manasə ləm tɔ, Tɔɓəi deḛ joo bɔr d’oma̰ gə Judaje. Nɛ lé bèe kara oŋg ləa wəi bèm el ləm, Jia wɔi dɔ dee’g ndiŋ ya ɓəi ləm tɔ.

Esai 9:20 ပူးပေါင်းရင်းမြစ်များ

Njekillamber 4:5

Mbə-dəw lé ɔm jia kaaree’g si ndá Wəi ne yoo ɓoo ya.

Esai 10:4

Njé gə́ na̰je d’a kwa koŋgoŋ Mbuna ɓərje’g ləm, Njé gə́ raŋg d’a toso naŋg Mbuna njé gə́ d’wəi’g ləm tɔ. Nɛ lé bèe kara oŋg ləa wəi bèm el ləm, Jia wɔi dɔ dee’g ndiŋ-ndiŋ ya ɓəi ləm tɔ.

Esai 14:30

Togə́bè ɓa deḛ gə́ to gə́ njéndooje d’unda mar deeje lé D’a kiŋga nésɔ dee ləm, Deḛ gə́ njénékəmndooje lé kara D’a si lɔm ləm tɔ, Nɛ n’a tɔl ŋgirai gə ɓoo-boo ləm, Ges dəwje ləi gə́ nai lé D’a tɔl dee ləm tɔ.

Esai 3:1

Mbaidɔmbaije gə́ Njesigənea̰ gə́ njeboo-néje A gə kɔr négəd-rɔ gə́ rara ləm, Gə loo-nékiŋga gə́ rara ləm, Gə loo-kiŋga-nésɔ gə́ rara kara ləma, Gə loo-kiŋga-mán gə́ rara kara ləm tɔ Mee ɓee gə́ Jerusalem gə mee ɓeeko̰ gə́ Juda,

Esai 49:26

Njékula kəm sí ndooje lé M’a kar dee d’usɔ dakasrɔ dee-deḛ ya ləm, M’a kar dee d’ai məs dee karee oso kəm dee’g To gə́ mán-nduú gə́ sigi bèe ləm tɔ. Dəwje lai d’a koo to gə́ ma m’to Njesigənea̰ Gə́ njekaji sí ləm, M’to njekoga dɔ sí Gə́ to njesiŋgamoŋ lə Jakob ləm tɔ.

Esai 5:25

Gelee gə́ nee ɓa oŋg lə Njesigənea̰ ḭ ne səa pu dɔ dəwje’g ləa Ndá yeḛ ula jia ndiŋ gə́ dɔ dee’g unda dee ne, Mbalje yə ləm, Nin dee to naŋg rib-rib dan rəwje’g ləm tɔ. Lé bèe kara oŋg ləa wəi bèm el Ndá jia wɔi dɔ dee’g ndiŋ-ndiŋ ɓəi.

Esai 51:19

Néje joo nee teḛ dɔ sí’g: Tuji gə kar ɓee tel to dɔ nduba ləm, Ɓoo-boo gə kiambas ləm tɔ. See na̰ ɓa a no̰ no̰ sí wa. See na̰ ɓa a gɔl meḛ sí wa.

Esai 8:21

D’a kila mbir-mbir mee ɓee’g ləm, Kəm dee a to ndòo ləma, ɓó a tɔl dee ləm tɔ. Loo gə́ ɓó a tɔl dee ndá meḛ dee a kḭ sə dee pu Kar dee d’ila ndɔl dɔ mbai’g lə dee gə dɔ Ala’g lə dee ləm, D’a tel kəm dee gə́ dara ləm tɔ.

Esai 8:22

Tɔɓəi d’a tel kəm dee kaa ne loo gə́ naŋg Ndá aa ooje, nékəmndoo, gə loondul, gə néurti gə́ al dɔ loo sula d’a to keneŋ Bèe ɓa néje neelé d’a kɔs dee kar dee d’isi dan loo gə́ ndul njudu-njudu’g.

Jeremi 13:14

Njesigənea̰ pana: N’a kunda dee dɔ na̰’d kar dee təd njigi-njigi, bɔ ŋganje gə ŋgan deeje na̰’d, n’a koo kəmtondoo lə dee el ləm, n’a kar mee neḛ oso lemsé dɔ dee’g el ləm, meekɔrjol a to mbata lə dee el ləma, né kára kara a kɔg neḛ dɔ tuji dee’g el ləm tɔ.

Jeremi 19:9

M’a kar dee d’usɔ dakasrɔ ŋgan deeje gə́ diŋgam gə njé gə́ dené ləm, njé gə́ na̰je d’a sɔ dakasrɔ mar deeje ya ləm tɔ dan néɓəŋgərəti gə nékəmndoo’d gə́ njéba̰je lə dee gə deḛ gə́ ndigi kar dee d’udu guduru lé d’a kar dee d’isi keneŋ.

Nɔ̰-ndôo gə́ wɔji dɔ Jerusalem 4:10

Denéje gə́ to njémeekawtaḭ-taḭje ya Ndiri ŋgan deeje ɓa d’aree to nésɔ dee Dan nékəmndoo gə́ teḛ dɔ koso-dəwje’g lé ləm tɔ.

Misee 6:14

Seḭ a sɔje né ya nɛ a ndanje el, Ndá ɓó a tɔl sí yaa̰ meḛ sí’g ya tɔɓəi. Seḭ a ŋgəmje né ya nɛ a kajije ne el, Né gə́ seḭ a gə kajije ne rɔ sí lé N’a taa gə kiambas.

Jakari 11:9

Bèe ɓa m’pana: M’a kul sí el ŋga. Maji kar yeḛ gə́ a gə kwəi ndá wəi ya ləm, yeḛ gə́ a gə kudu ndá udu ya ləma, deḛ gə́ nai ndá d’usɔ na̰ yo gə́ nee ya ləm tɔ.

Mark 3:24

Ɓó lé dəwje gə́ mee ɓeeko̰ gə́ kára d’ḭ kai na̰ loo joo rɔ na̰ ndá ɓeeko̰ neelé a to el,