Esai 9:16 - Maktub gə́ To gə Kəmee

¹⁶ Gelee gə́ nee ɓa Mbaidɔmbaije a koo loo kal ne rəa rɔ basaje’g lə dee el ləm, Yeḛ a koo ne kəmtondoo lə ŋganalje gə njékəisiŋgaje lə dee el ləm tɔ, Mbata deḛ lai to njéhulaije ləm, Gə njémeeyèrje ləm tɔ, Ta dəwje lai pata nérɔkulje. Nɛ lé bèe kara oŋg ləa wəi ne bèm el ləm, Jia wɔi dɔ dee’g ndiŋ-ndiŋ ɓəi ləm tɔ.

Esai 9:16 ပူးပေါင်းရင်းမြစ်များ

2 Sôrta Gḭka Israɛlje 30:27

Njékinjanéməsje gə Ləbije d’ḭta tɔr ndu dee dɔ koso-dəwje’g ndá ndu dee ɓar wəl ar tamaji ra lə dee aw njal teḛ dara saar teḛ kəi’g lə Njesigənea̰ gə́ to gə kəmee lé tɔ.

Esai 10:4

Njé gə́ na̰je d’a kwa koŋgoŋ Mbuna ɓərje’g ləm, Njé gə́ raŋg d’a toso naŋg Mbuna njé gə́ d’wəi’g ləm tɔ. Nɛ lé bèe kara oŋg ləa wəi bèm el ləm, Jia wɔi dɔ dee’g ndiŋ-ndiŋ ya ɓəi ləm tɔ.

Esai 19:14

Njesigənea̰ ar ndil gə́ ka̰ dɔ kila oso dɔ dee’g Gə mba kar dee d’ar Ejiptəje ləŋg dɔ néra deeje’g lai Asəna gə dəw gə́ kido tɔsee naŋg aree tɔmé ne bèe.

Esai 3:12

Ŋganje ɓa to njékula kəm koso-dəwje ləm ndòo ləm, Denéje ɓa to dəw dɔ deeje ləm tɔ, Seḭ koso-dəwje ləm, deḛ gə́ d’ɔr no̰ sí lé D’ar sí ndəmje ne ləm, Deḛ tuji rəw gə́ seḭ njaaje keneŋ ləm tɔ.

Esai 5:25

Gelee gə́ nee ɓa oŋg lə Njesigənea̰ ḭ ne səa pu dɔ dəwje’g ləa Ndá yeḛ ula jia ndiŋ gə́ dɔ dee’g unda dee ne, Mbalje yə ləm, Nin dee to naŋg rib-rib dan rəwje’g ləm tɔ. Lé bèe kara oŋg ləa wəi bèm el Ndá jia wɔi dɔ dee’g ndiŋ-ndiŋ ɓəi.

Jeremi 18:21

Gelee gə́ nee ɓa Ar ɓoo-boo o̰ ŋgan deeje ləm, Ɔs dee ɓugu dee ta kiambas’g ləm tɔ, Ar denéje lə dee d’isi lal ŋganje ləm, Tel to njékəisiŋgaje ləm, Ar yoo-koso tɔl ŋgaw deeje ləma, Ar basaje lə dee kara D’wəi yoo-kiambas loo-rɔ’g ləm tɔ.

Jeremi 23:13

Mbuna njéteggintaje gə́ Samari lé Neḛ n’oo néje gə́ to kḛji Gə́ al dɔ loo sula. Deḛ tegginta gə ri magə-Baal ləm, Deḛ d’ar koso-dəwje lə neḛ Gə́ Israɛl ndəm ləm tɔ.

Jeremi 9:4

Nana kara su kəm maree-maree ləm, Deḛ pa kankəmta kára kara el ləm, Taŋgɔm ɓa gə́ kula ra ndo̰ dee ləma, Deḛ d’ula rɔ dee mbiriri dan néra gə́ majel’g ndá D’askəm tel ree rɔm’g gogo el.

Amɔs 2:4

Njesigənea̰ ɓa pa togə́bè pana: Gə mbata kaiya ra Judaje gə́ aw gə́ kédé-kédé lé Ndá n’a tel gə ndu neḛ nda̰ el, Mbata deḛ d’ə̰ji godndu Njesigənea̰ bəḭ-bəḭ ləm, Deḛ d’aa dɔ torndiaje kər-kər el ləm tɔ, Mbata magəje gə́ ŋgɔm ɓa ar dee ndəm ya, To magəje gə́ bɔ deeje-je kara ndolè goo dee ya tɔ.

Misee 3:5

Ta gə́ Njesigənea̰ pa Dɔ njéteggintaje gə́ d’ar koso-dəwje lə neḛ ndəm lé ɓa nee: Loo gə́ nésɔ to ŋgaŋ dee’g mba kar deḛ to̰ ndá D’ila mber meekulɔm Nɛ loo gə́ nésɔ godo ta dee’g ndá Mber rɔ ɓa d’ila tɔ.

Matiyo 15:14

Maji kar sí ya̰ deeje. Deḛ to njékəmtɔje gə́ d’ula kag ji na̰’d. Ɓó lé njekəmtɔ a ndɔr njekəmtɔ maree ndá deḛ joo bɔr d’a koso godə-bwa’g ya.

Ǝbrəje 7:7

Tɔgərɔ ya, yeḛ gə́ tɔr ndia dɔ maree’g lé ur dɔ maree’g ya, loo maḭyee godo.