Esai 8:9 - Maktub gə́ To gə Kəmee

⁹ Seḭ koso-dəwje, arje lul rɔ lə sí ɓar Ndá d’a təd sí rém-rém, Seḭ gə́ síje əw lé urje mbi sí! Waje dɔ gɔl rɔ sí gə mba rɔ Ndá d’a təd sí rém-rém tɔ.

Esai 8:9 ပူးပေါင်းရင်းမြစ်များ

1 Mbaije 20:11

Yen ɓa mbai gə́ Israɛl lé tel ilá keneŋ pana: Maji kar dəw gə́ aw gə́ loo rɔ’g lé beelé dɔ rəa’g to gə́ yeḛ gə́ ḭ keneŋ tel el!

Gosota-Kəmkàrje 11:21

Tɔgərɔ ya, njemeeyèr lé Si lal kar bo̰ nérea ɔs təa’g el, Nɛ ŋgaka njémeekarabasurje lé D’a kɔr ta dɔ dee’g.

Esai 28:13

Deḛ lé ta lə Njesigənea̰ gə́ a kwɔji dɔ dee ɓa nee: Ndukun kila ndukun dɔ’g ləm, Rəbee kila rəbee dɔ’g ləma, Lam teḛ nee, lam teḛ nu ləm tɔ, Gə mba kar loo gə́ d’aw njaa ndá D’oso gaŋnda təd rɔ dee ləm, Gə mba kar dee d’oso wul ba̰də’g Aree wa dee ləm tɔ.

Esai 37:36

Yen ŋga kura lə Njesigənea̰ unda loo teḛ kunda dəwje tɔl dee as tɔl-dɔg-loo tɔl dəa rɔ-jinaijoo giree-mi (100.085) loo-si Asirije’g. Loo gə́ d’ḭta gə ndɔ ndá aa oo, nin dəwje to naŋg rib-rib tɔ.

Esai 54:15

Ɓó lé d’ɔm na̰’d téréré gə mba rɔ səi ndá A to né gə́ ḭ rɔm ma’g el, Nana ɓa gə́ ḭ rɔ səi ndá A koso gel dɔmoŋ’d ləi.

Jeremi 42:11

Maji kar sí ɓəlje mbai gə́ Babilɔn Gə́ seḭ ɓəleeje lé el, Ɓəleje el ɓó, Njesigənea̰ ɓa pa bèe, Mbata m’a nai sə sí mba kaji sí ləm, Gə mba kɔr sí jia’g ləm tɔ,

Jeremi 46:3

Gɔlje dərje gə́ lam gə njé gə́ boi Ndá awje ne mba rɔje ne!

Jeremi 46:4

Tɔje kundaje Seḭ njérɔ gə kundaje, uba deeje! Teḛje gə dɔguguje lə sí dɔ sí’g ləm, Olje ndo̰ niŋga-ndəije lə sí ləma, Ulaje kubu-rɔ gə́ ŋgira kiŋ-kiŋ rɔ sí’g ləm tɔ!

Jeremi 51:20

Kédé i to mo̰ ləm ləm, Gə nérɔ ləm ləm tɔ. I ɓa ma m’uni m’tuji ne ginkoji dəwje gə raŋg ləm, I ɓa ma m’uni m’tuji ne ɓeeko̰je ləm tɔ.

Ejekel 38:7

Maji kari wa dɔ gɔl rɔi si pèrèrè, i gə koso-dəwje ləi gə́ mbo̰ dɔ na̰ gugu dɔi sub lé! Maji kari to mbai dɔ dee!

Ejekel 38:8

Ndɔje bula gogo ndá i a to njekɔrno̰ dee mee ləbje gə́ d’a gə ree lé ndá i a kandə mee ɓee’g loo gə́ dəwje gə́ teḛ ta kiambas’d gə́ d’ḭ mbuna koso-dəwje’g ɓəd-ɓəd d’a mbo̰ dɔ na̰ keneŋ dɔ mbal gə́ Israɛl gə́ dəwje d’uba d’ya̰ ləw-ləw ba lé, kɔr gə́ d’ɔr dee mbuna koso-dəwje’g lé ɓa deḛ lai d’a si ne gə́ majee loo-si deeje’g.

Jujé 11:5

Mbaije gə́ lai neelé d’wɔji loo d’iŋga na̰ keneŋ ɓa ree d’wa loo-si dee mbɔr mán gə́ Merom gə mba kḭ kaw rɔ gə Israɛlje ɓəi.