Esai 8:8 - Maktub gə́ To gə Kəmee

⁸ A kula taa ɓee gə́ Juda pəl-pəl Ndá a ruba pɔ-pɔ taa ne loo pəl-pəl ləm, A kaw saar teḛ ta gwɔsee’g liriri ləm tɔ. Bageeje gə́ yee naji dee lé D’a taa dɔ naŋg ləi pəl-pəl ya, əi Emanuɛl!

Esai 8:8 ပူးပေါင်းရင်းမြစ်များ

2 Mbaije 17:3

Salmanasar, mbai gə́ Asiri ḭ aw rɔ səa ndá tədee rɔ, bèe ɓa Ojee ula dəa nea̰’g ləm, uga lar-gədɓee aree ləm tɔ.

2 Sôrta Gḭka Israɛlje 12:4

Yeḛ taa ɓee-booje lə Judaje gə́ d’ila ndògo-bɔrɔ gugu ne dɔ dee ɓa aw kəmee gə́ kédé saar teḛ ne Jerusalem ɓəi.

Esai 10:6

M’ula dee mba kar dee rɔ Gə ginkoji dəwje gə́ njéra né kori-korije ləm, Ma m’ar dee d’aw gə mba rɔ Gə koso-dəwje gə́ d’ar oŋg ḭ səm dɔ dee’g ləm tɔ, Gə mba kar dee d’unda dee banrɔ Taa ne nékiŋgaje lə dee ləm, Gə mba kar dee mbɔḭ dee naŋg to gə́ bɔrɔ Gə́ to kila-rəwje’g bèe ləm tɔ.

Esai 30:28

Kəmə gə́ yeḛ ila pugudu lé To asəna gə mán baa gə́ ḭ aw saar wa gwɔs dəw mbiriri bèe Mba yə ne ginkoji dəwje gə raŋg gə néje gə́ ka̰ tuji loo ləm, Asəna gə aljem goso Gə́ to biri ŋgaŋ koso-dəwje’g bèe ləm tɔ.

Esai 43:2

Ɓó lé seḭ aw gaŋgje mán ndá M’a nai sə sí Ndá baa-booje d’a tur dɔ sí el, Ɓó lé seḭ njaaje dan pər’g ndá A roo sí el ləm, Ndo̰ pər a kunda sí bilim el ləm tɔ.

Esai 7:14

Gelee gə́ nee ɓa Mbaidɔmbaije ya a kar sí nétɔji. Aa ooje, ŋgoma̰də a taa kèm ndá a koji ŋgon gə́ diŋgam. Tɔɓəi yeḛ a kunda ria lə Emanuɛl (kɔr gelee pana: Ala nai sə síjeḛ).

Esai 7:17

Nɛ Njesigənea̰ a kar ndɔje gə́ dəw oo gar dee kédé el lé teḛ dɔi’g gə dɔ koso-dəwje’g ləi, gə dɔ njémeekəije’g lə bɔbije un kudee mee ndəa gə́ Eprayim tḭ ne gə Juda lé. (Yee ɓa to ta gə́ wɔji dɔ mbai gə́ Asiri lé.)

Esai 8:10

Ɔmje ta lə sí na̰’d dɔ né gə́ seḭ wɔjije-kwɔji ra Ndá né neelé a teḛkɔr el, Unje ndu sí ar deeje Ndá a tel to né gə́ kari ba Mbata Ala si sə síjeḛ.

Jeremi 47:2

Njesigənea̰ pa togə́bè pana: Aa ooje, manje d’ḭ dɔgel, Deḛ to d’asəna gə kəm-rəw-mán Gə́ ruba pɔ-pɔ bèe, Deḛ taa mee ɓee gə néje Gə́ keneŋ pəl-pəl ləm, Gə ɓee-booje gə dəwje Gə́ d’isi keneŋ yal-yal ləm tɔ. Dəwje lai gə́ d’isi mee ɓee’g lé No̰ sii ne mbigi-mbigi

Jeremi 48:40

Mbata Njesigənea̰ pa togə́bè pana: Aa ooje, njeba̰ lé ḭ nar to gə́ mal bèe ləm, yeḛ naji bagee dɔ Moab’g ləm tɔ.

Jeremi 51:42

Baa-boo-kad ḭ turu dɔ Babilɔn Ar paŋgəm manee Gə́ turu tuma̰-tuma̰ lé turu dəa pubug.

Ejekel 17:3

M’a pa pana: Mbaidɔmbaije gə́ Njesigənea̰ pa togə́bè pana: Nḭgatə̰də gə́ boi gə́ bagee tad gəbəbə un loo lad-lad ar bèlee ɔm pɔ-pɔ gə ndaŋg rɔg-rɔg aw saar teḛ dɔ mbal gə́ Liba̰ aw təd dɔ sém kag-sɛdrə.

Ejekel 26:19

Mbata Mbaidɔmbaije gə́ Njesigənea̰ pa togə́bè pana: Loo gə́ n’a kari to ɓee-boo gə́ to nduba piu-piu asəna gə ɓee-booje gə́ dəwje godo keneŋ bèe lé, loo gə́ n’a kar ɓul mán ḭ turu dɔi kar manje gə́ boo-boo d’a turu dɔi yal-yal ndá

Loo gə́ killa rea kəm Daniel’g 11:10

Ŋganeeje d’a kwa dɔ gɔl rɔ ləm, d’a mbo̰ koso-njérɔje bula ləm tɔ. Yeḛ gə́ kára mbuna dee’g a kaw kəmee gə́ kédé taa loo asəna gə kəm-rəw-mán gə́ ula taa loo pəl-pəl bèe ləm, a ruba pɔ-pɔ ləma, a tel rəm ləm tɔ. D’a rɔ kəm dee gə́ kédé-kédé saar teḛ ne kəi-kaar-kɔgərɔ’g lə mbai gə́ dɔkɔl.

Misee 1:9

Mbata doo ləa lé to doo gə́ too yaa̰ Aw gə́ kédé-kédé saar teḛ Juda ləm, Aw saar teḛ tarəwkɔg’d lə koso-dəwje ləm ləma, Aw saar teḛ Jerusalem ləm tɔ.

Misee 5:5

Deḛje neelé d’a ko̰ guburu ɓee gə́ Asiri Gə ɓee gə́ Nimrɔd gə kiambas. Togə́bè ɓa yeḛ a taa sí ne ji dəw gə́ Asiri, Loo gə́ yeḛ a ree mee ɓee’g lə sí ləm, A kila gɔlee dɔ naŋg’d lə sí ləm tɔ.

Matiyo 1:23

Aa oo, ŋgoma̰də a taa kèm ndá a koji ŋgon gə́ diŋgam, D’a kunda ria lə Emanuɛl (tel ta koji sí, Ala nai sə síjeḛ).