Esai 8:7 - Maktub gə́ To gə Kəmee

⁷ Gelee gə́ nee ɓa n’a kar mán baa-boo gə́ siŋgá to yaa̰ lé ḭ oma̰ sə dee, Yee ɓa to mbai gə́ Asiri gə rɔnduba ləa lai Ndá baa lé a kḭ rusu koŋgee tub-tub ləm, A kula ruba raga pɔ-pɔ ləm tɔ.

Esai 8:7 ပူးပေါင်းရင်းမြစ်များ

Gḭ-Néje 6:17

Ma nja m’a kar mán bélm ree taa loo pəl-pəl dɔ naŋg nee gə mba tuji nékundaje lai gə́ d’aw kəmba gin dara’g lé, néje lai-lai gə́ dɔ naŋg nee lé d’a tuji ya.

2 Mbaije 19:32

Gelee gə́ nee ɓa Njesigənea̰ pata nee njaŋg wɔji ne dɔ mbai gə́ Asiri pana: Yeḛ a kandə mee ɓee-boo’g ləa nda̰ el ləm, yeḛ a kur ɓandaŋg ləa keneŋ el ləm, yeḛ a teḛ kaar nea̰’g gə dərje ləa el ləma, yeḛ a kuba dɔndalje gə mba kaw rɔ ne səa el ləm tɔ.

Esdras 4:10

gə ges koso-dəwje gə́ raŋg gə́ Osnapar, dəw gə́ boo gə́ to njeriɓar lé wa dee gə́ ɓər ree sə dee unda dee mee ɓee-boo’d gə́ Samari gə looje gə́ raŋg gə́ to kel tura-baa’g nee ləm tɔ.

Pakɔsje 46:4

Loo gə́ paŋgəm manje tuga puguju-puguju ar əmə dee uba ŋgug-ŋgug ləma, Ar manje nee d’ḭ d’ar mbalje yə ɓugu-ɓugu ləm tɔ kara Jeḛ m’ɓəl el.

Pakɔsje 72:8

Yeḛ a ko̰ɓee un kudee baa-boo-kad’g nee saar teḛ ne yeḛ gə́ raŋg’d ləm, Un kudee mán baa’g saar kɔr ne rudu naŋg njal ya ləm tɔ.

Esai 10:16

Gelee gə́ nee ɓa Mbaidɔmbaije, Gə́ to Mbaidɔmbaije gə́ njeboo-néje lé A kula gə né gə́ a kar njérɔje ləa Gə́ rɔ dee to kɔgərɔ-kɔgərɔ lé D’a kəŋg ne kəŋ-kəŋ, Tɔɓəi gin boo-ronduba ləa lé Né a nduba gə́ raga keneŋ To gə́ pər gə́ o̰ bèe.

Esai 10:5

Njesigənea̰ pana: Meeko̰ a koso dɔ Asirije’d Gə́ to ndəi gə́ wɔji dɔ oŋg ləm Ndəi gə́ to ji dee’g lé ɓa To nékula gə́ wɔji dɔ boo-oŋg ləm tɔ.

Esai 11:15

Njesigənea̰ a kar duu-mán lə baa-boo-kad gə́ Ejiptə yi tə ləm, Yeḛ a kula jia ndiŋ dɔ baa’g tó lel dɔ’g gə siŋgamoŋ ləm tɔ, Ndá yeḛ a kai kəm rəbeeje loo siri Kar dəwje dəs keneŋ gə né gɔl dee’g.

Esai 28:15

Seḭ pajena: Jeḛ manje rɔ sí j’ar yoo ləm, Jeḛ j’ɔmje ta lə sí na̰’d gə ɓee lə njé gə́ d’wəi ləm tɔ, Loo gə́ néyoo gə́ a kun loo lad-lad a dəs Ndá a teḛ dɔ sí’g el, Mbata taŋgɔmje ɓa gə́ njo̰loo-kula-dɔ lə sí ləm, Néra gə́ gə goo rəbee el ɓa gə́ né gə́ o̰ dɔ sí ləm tɔ.

Esai 28:17

M’a kar né gə́ danasur to kúla-kwɔji-né ləm, Gə néra gə́ gə dɔ najee a to nékwɔji maree ləm tɔ. Nɛ ndi-kwɔji a tuji njo̰loo-kula-dɔ gə́ ŋgɔm lé ləm, Man-kunda a tur dɔ nékɔn-rɔ Gə́ to néra gə́ gə goo rəbee el lé ləm tɔ.

Esai 28:2

Aa ooje, dəw gə́ njesiŋgamoŋ gə tɔgmbaŋ Gə́ ḭ rɔ Njesigənea̰’g si ree Asəna gə ndi gə́ ər ləm, Gə ko̰ ndi gə́ to njetuji loo ləma, Asəna gə lel-boo gə́ ar kəm-rəw-manje d’ula kalaŋ ləm tɔ, Ndá yeḛ tɔsee tilá gə siŋgamoŋgee.

Esai 43:2

Ɓó lé seḭ aw gaŋgje mán ndá M’a nai sə sí Ndá baa-booje d’a tur dɔ sí el, Ɓó lé seḭ njaaje dan pər’g ndá A roo sí el ləm, Ndo̰ pər a kunda sí bilim el ləm tɔ.

Esai 59:19

Un kudee dɔ-gó lé D’a ɓəl ri Njesigənea̰ keneŋ ləm, Un kudee loo gə́ kàr uba’g lé D’a ɓəl rɔnduba ləa keneŋ ləm tɔ. Loo gə́ njeba̰ lé a ree to gə́ mán baa bèe Ndá Ndil Njesigənea̰ a rəa karee aḭ.

Esai 7:17

Nɛ Njesigənea̰ a kar ndɔje gə́ dəw oo gar dee kédé el lé teḛ dɔi’g gə dɔ koso-dəwje’g ləi, gə dɔ njémeekəije’g lə bɔbije un kudee mee ndəa gə́ Eprayim tḭ ne gə Juda lé. (Yee ɓa to ta gə́ wɔji dɔ mbai gə́ Asiri lé.)

Esai 7:20

Mee ndəa’g neelé Mbaidɔmbaije a ndima yiŋga gir baa gə́ nu Rɔ mbai gə́ Asiri’g Mba ndisa ne dɔ dəw ləm, gə bḭ gɔlee ləm tɔ. Tɔɓəi yeḛ a ndisa ne mbai təa tɔ.

Jeremi 47:2

Njesigənea̰ pa togə́bè pana: Aa ooje, manje d’ḭ dɔgel, Deḛ to d’asəna gə kəm-rəw-mán Gə́ ruba pɔ-pɔ bèe, Deḛ taa mee ɓee gə néje Gə́ keneŋ pəl-pəl ləm, Gə ɓee-booje gə dəwje Gə́ d’isi keneŋ yal-yal ləm tɔ. Dəwje lai gə́ d’isi mee ɓee’g lé No̰ sii ne mbigi-mbigi

Jeremi 51:42

Baa-boo-kad ḭ turu dɔ Babilɔn Ar paŋgəm manee Gə́ turu tuma̰-tuma̰ lé turu dəa pubug.

Ejekel 26:19

Mbata Mbaidɔmbaije gə́ Njesigənea̰ pa togə́bè pana: Loo gə́ n’a kari to ɓee-boo gə́ to nduba piu-piu asəna gə ɓee-booje gə́ dəwje godo keneŋ bèe lé, loo gə́ n’a kar ɓul mán ḭ turu dɔi kar manje gə́ boo-boo d’a turu dɔi yal-yal ndá

Loo gə́ killa rea kəm Daniel’g 11:10

Ŋganeeje d’a kwa dɔ gɔl rɔ ləm, d’a mbo̰ koso-njérɔje bula ləm tɔ. Yeḛ gə́ kára mbuna dee’g a kaw kəmee gə́ kédé taa loo asəna gə kəm-rəw-mán gə́ ula taa loo pəl-pəl bèe ləm, a ruba pɔ-pɔ ləma, a tel rəm ləm tɔ. D’a rɔ kəm dee gə́ kédé-kédé saar teḛ ne kəi-kaar-kɔgərɔ’g lə mbai gə́ dɔkɔl.

Loo gə́ killa rea kəm Daniel’g 11:22

Kudu-njérɔje gə́ d’a taa loo asəna gə kəm-rəw-mán bèe lé d’a kigi yɔm nea̰’g ləm, d’a tuji pugudu gə mbai gə́ njegel manrɔ lə dee lé kara na̰’d ləm tɔ.

Loo gə́ killa rea kəm Daniel’g 9:26

Loo gə́ mee ndəaje gə́ siri-siri gɔl rɔ-misa̰-giree-joo godo mba̰ ndá yeḛ gə́ deḛ tər ubu dəa’g lé d’a tɔlee, tɔɓəi njetaa toree a godo. Dəwje lə mbai gə́ kára d’a ree mba tuji ɓee-boo ləm, gə loo gə́ to gə kəmee ləm tɔ. Rudu tuji a to kasəna gə ma̰-bélm bèe, tɔɓəi tujije d’a to keneŋ saar d’a təd ne rɔ.

Amɔs 8:8

See gelee gə́ nee ɓa, dɔ naŋg neelé a yə ne el wa. See njéɓeeje d’a si ne dan kəmndooyoo’g el wa. Naŋg neelé bura a kḭ asəna gə baa bèe ləm, Yee a kḭ ləm, a rəm ləm tɔ Asəna gə baa gə́ Ejiptə bèe.

Amɔs 9:5

Mbaidɔmbaije gə́ Njesigənea̰ gə́ njeboo-néje lé Ɔrɔ dɔ naŋg aree yə ɓugu-ɓugu ləm, Dəwje lai-lai gə́ d’isi keneŋ lé D’isi dan kəmndooyoo’g ya ləm tɔ. Naŋg ḭ bura asəna gə baa bèe ləm, Yee rəm asəna gə baa gə́ Ejiptə bèe ləm tɔ.

Misee 1:9

Mbata doo ləa lé to doo gə́ too yaa̰ Aw gə́ kédé-kédé saar teḛ Juda ləm, Aw saar teḛ tarəwkɔg’d lə koso-dəwje ləm ləma, Aw saar teḛ Jerusalem ləm tɔ.

Misee 5:4

To yeḛ nja ɓa a ree gə meekulɔm. Loo gə́ dəw gə́ Asiri a ree mee ɓee’g lə sí ləm, A kandə mee kəi-mbaije’g lə sí ləm tɔ ndá J’a rɔ səa gə njékulbadje siri ləm, Gə njékaa dɔ koso-dəwje jinaijoo ləm tɔ.

Misee 5:5

Deḛje neelé d’a ko̰ guburu ɓee gə́ Asiri Gə ɓee gə́ Nimrɔd gə kiambas. Togə́bè ɓa yeḛ a taa sí ne ji dəw gə́ Asiri, Loo gə́ yeḛ a ree mee ɓee’g lə sí ləm, A kila gɔlee dɔ naŋg’d lə sí ləm tɔ.

Nahum 1:8

Nɛ paŋgəm mán gə́ turu tuma̰-tuma̰ lé ɓa Yeḛ a tuji ne loo neelé pugudu. Tɔɓəi yeḛ a tuba njéba̰je ləa Saar kɔm dee dan loo gə́ ndul njudu-njudu’g.

Lugu 6:48

Yeḛ to asəna kára ba gə dəw gə́ tum gin kəi nɛ yeḛ uru bwa ila naŋg ndad-ndad gə́ teḛ dɔ mbal’g tum gin kəi dɔ’g tɔ. Loo gə́ mán bélm aw ula unda kaar kəi pəji-pəji ndá kəi lé yə rəa yəgə el mbata njekunda kəi lé unda maji péd-péd ya.

Loo gə́ killa rea kəm Ja̰’g 17:15

Yeḛ ulam pana: Man baa-boo gə́ kaiya-dené si dɔ’g gə́ i oo lé yee nja to koso-dəwje ləm, gə ginka dəwje-dəwje ləma, gə dəwje gə́ tapa dee gə ria-ria ləm tɔ.