Esai 8:22 - Maktub gə́ To gə Kəmee

²² Tɔɓəi d’a tel kəm dee kaa ne loo gə́ naŋg Ndá aa ooje, nékəmndoo, gə loondul, gə néurti gə́ al dɔ loo sula d’a to keneŋ Bèe ɓa néje neelé d’a kɔs dee kar dee d’isi dan loo gə́ ndul njudu-njudu’g.

Esai 8:22 ပူးပေါင်းရင်းမြစ်များ

Maktub gə́ wɔji dɔ Jɔb 18:18

D’ɔsee lookàr’g d’ila dan loondul’g ləm, Deḛ tɔbee dɔ naŋg nee ləm tɔ.

Teḛ-Raga 10:21

Njesigənea̰ ula Moyis pana: Ula jii par gə́ dara, tɔɓəi maji kar loondul gə́ ndul njudu-njudu dəb dɔ ɓee gə́ Ejiptə’g, loondul neelé dəw a kaskəm kɔrɔ gə jia ya.

Teḛ-Raga 10:22

Moyis ula jia par gə́ dara, ndá loo ndul njudu-njudu dɔ ɓee gə́ Ejiptə’g as ndɔ munda.

Gosota-Kəmkàrje 14:32

Njemeeyèr lé néra majel ləa ɓa gə́ gin tuji ləa, Nɛ njemeekarabasur lé lé’d yoo kara Iŋga njo̰loo-kula-dəa keneŋ.

Esai 30:6

Ndərta gə́ wɔji dɔ da-kulje gə́ kel dɔkɔl! Deḛ d’unda mee ɓee gə́ néurti gə nékəmndoo to keneŋ gaŋg, To loo gə́ ko̰ toboḭ gə bɔ toboḭ ree keneŋ ləm, Li-meewai gə da-kɔb gə́ ḭ gə bagee ree keneŋ ləm tɔ, Deḛ d’odo nékiŋgaje lə dee gir mulayḛ̀je-je’g lə dee ləm, D’odo nébaoje lə dee dɔ dun jambalje’g ləm tɔ D’aw ne d’ar koso-dəwje gə́ d’askəm ra né kára kara mbata lə dee el.

Esai 5:30

Mee ndəa’g neelé ndu a ɓar mbɔree’g koma̰ ne səa To gə́ ndi gə́ ree gə lel-boo dan baa-boo’g bèe, Loo gə́ dəw aa dɔ naŋg ndá A koo loo lai ndul njudu-njudu Kar néurti gə némeekundayel ɓa D’a taa tor na̰ Ndá mum gə́ ndul njudu-njudu ɓa A taa loo mee dara’g pəl-pəl ya.

Esai 50:11

Aa ooje, seḭ lai gə́ ulaje pər, Seḭ gə́ nérɔje lə sí to gə́ ndo̰ niŋga pər lé Aw njaaje gə goo kṵji pərje lə sí Gə ndo̰ niŋga pərje lə sí gə́ o̰ bilim-bilim lé! Gə goo jim-ma ɓa néje lai neelé D’a teḛ ne dɔ sí’g ləm, Seḭ a toje ne dan némeeko̰’g ləm tɔ.

Esai 50:3

M’ar loo gə́ ndul njudu-njudu udu kəm dara ləm, M’ar kubu-kwa-ndòo ɓa gə́ nékila dəa’g ləm tɔ.

Esai 59:9

Gelee gə́ nee ɓa ndukun gə́ ka̰ kɔr ta dɔ sí’g lé Nai ne əw sə sí ləm, Kaji kara tibi mbɔr sí el ləm tɔ, Jeḛ ŋginaje lookàr gə́ ndogó jol-jol Nɛ loo gə́ ndul njudu-njudu ɓa jeḛ njaaje keneŋ.

Esai 60:2

Aa ooje, loondul dəb rigim dɔ naŋg nee ləm, Loo gə́ ndul njudu-njudu dəb dɔ koso-dəwje’g ləm tɔ, Nɛ i lé lookàr lə Njesigənea̰ nduba dɔi’g ləm, Rɔnduba ləa ndogó dɔi’g ləm tɔ.

Esai 8:20

Gə́ telje gə́ dɔ godndu gə dɔ kɔrgoota’g lé! Ɓó lé dəw pa togə́bè el ndá kàr gə́ a gə kuba mbata lə koso-dəwje lé a godo.

Esai 9:1

Koso-dəwje gə́ njaa dan loondul’g lé D’oo lookàr gə́ boo, Deḛ gə́ d’isi ɓee gə́ ndul njudu-njudu’g lé Loo ndogó dɔ dee’g ya.

Esai 9:20

Manasə d’oma̰ gə Eprayimje ləm, Eprayimje d’oma̰ gə Manasə ləm tɔ, Tɔɓəi deḛ joo bɔr d’oma̰ gə Judaje. Nɛ lé bèe kara oŋg ləa wəi bèm el ləm, Jia wɔi dɔ dee’g ndiŋ ya ɓəi ləm tɔ.

Jeremi 13:16

Ulaje rɔnduba dɔ Njesigənea̰, Ala’g lə sí Kédé ɓa gə mba karee ar loondul teḛ ɓəi ləm, Kédé ɓa gə mba kar sí tugaje gɔl sí mbalje gə́ loondul dəb dɔ dee’g ləm tɔ, Seḭ ŋginaje lookàr, Nɛ yeḛ telee gə́ loondul ləm, Yeḛ aree tel to loondul gə́ ndul njudu-njudu ləm tɔ.

Jeremi 23:12

Gelee gə́ nee ɓa Rəw-kaw dee a kaḭgəm ləm, A ndul ndiŋ-ndiŋ ləm tɔ. D’a tɔs dee tila dee, Mbata n’a kar némeeko̰ teḛ dɔ dee’g Mee ləb gə́ n’a kar bo̰ néra dee Ɔs ta dee’g keneŋ lé. Njesigənea̰ ɓa pa bèe.

Matiyo 22:13

Yen ŋga mbai lé ula kuraje ləa pana: Wáje tɔje jia gə gɔlee ṵdáje iláje raga dan loondul gə́ ndul njudu-njudu’g loo gə́ d’a no̰ gə mán-no̰ kəm dee’g ləm, d’a sɔ ŋgaŋ dee keneŋ pəgərə-pəgərə ləm tɔ.

Matiyo 24:29

Waga gə́ a korè goo ndɔ némeeko̰ lé ndá né a dəb kəm kàr’g rigim ləm, naḭ a ndogó el ləm, kéréméje d’a toso naŋg dib-dib ləma, nésiŋgamoŋje lə dara kara d’a yə bura ɓugu-ɓugu ləm tɔ.

Matiyo 8:12

Nɛ kojikəije lə ɓeeko̰ lé d’a kɔm dee raga gir loo gə́ ndul njudu-njudu’g ləm, d’a no̰ gə mán-no̰ kəm dee’g sɔ ne ŋgaŋ dee pəgərə-pəgərə ləm tɔ.

Jude 1:13

Deḛje neelé néra gə́ mina̰ lə dee lé uba ndugu-ndugu asəna gə paŋgəm mán baa-boo-kad gə́ tuga ar əmee ḭ bèe. Deḛ to d’asəna gə niŋga-ndɔ gə́ teḛ igi kág gə́ loo gə́ ndul njudu-njudu ɓa wɔji dɔ dee gə no̰.

Loo gə́ killa rea kəm Ja̰’g 16:10

Kura gə́ dara gə́ njekɔm dee’g mi lé aw ɔm oŋg gə́ to mee bai’g ləa dɔ kalimbai’g lə dakɔb lé ndá loondul dəb dɔ ɓeeko̰’g ləa. Dəwje to̰ ndo̰ dee mbata né gə́ too ra dee.