Esai 8:19 - Maktub gə́ To gə Kəmee

¹⁹ Ɓó lé d’ula sí pana: Aw dəjije deḛ gə́ njéɓar ndil dəwje gə́ d’wəi ləm, gə njéndo̰-ərje ləm, gə njétel ndu dee pa ne taje ləma, gə njéto̰ gə taje ləm tɔ ndá seḭ a tel kila deeje keneŋ pajena: See koso-dəwje lé d’a dəji Ala lə dee ɓa ta el wa. See d’a dəji dəwje gə́ d’wəi ɓa kar dee pata maji lə njé gə́ d’isi kəmba wa.

Esai 8:19 ပူးပေါင်းရင်းမြစ်များ

Gḭ-Néje 41:24

Dɔ koje gə́ d’aar jəm lé tur dɔ koje gə́ siri gə́ maji péd-péd lé. Ma m’ɔr soree m’ar njémbeḛje ya nɛ dəw kára kara ɔr gelee am el.

2 Mbaije 1:3

Nɛ kura lə Njesigənea̰ ree ula Eli dəw gə́ Tisbe pana: Uba naŋg ḭta aw iŋga njékulaje lə mbai gə́ Samari lé dəji dee pana: See Ala lə Israɛlje godo ŋga ɓa seḭ aw dəjije Baal-Jebub, magə gə́ Ekro̰ ɓa ta wa.

2 Mbaije 21:6

Yeḛ ila ŋgonee pər’d ləm, yeḛ tən kil-lə-ndije gə lije ɓa gə mba gər ne néje gə́ d’a gə teḛ ləma, yeḛ unda dəwje gə́ njéɓar ndil dəwje ar dee pata néje gə́ d’a gə ree ləm tɔ. Yeḛ ra né gə́ majel gə́ kédé-kédé kəm Njesigənea̰’g mba kar mée ea̰ ne ya.

2 Mbaije 23:24

Tɔɓəi Jojias sané njéɓar ndil dəwje gə́ d’wəi ləm, gə deḛ gə́ to njéndo̰-ərje ləm, gə magə-térapimje ləm, gə magəje gə́ raŋg ləma, gə néje lai gə́ mina̰ gə́ yeḛ oo dee mee ɓee gə́ Juda gə Jerusalem ləm tɔ ar dee godo gə mba kar néje lai gə́ to mee maktub godndu gə́ njekinjanéməs Hilkija iŋga mee kəi’g lə Njesigənea̰ lé aw ne lée’g béréré ya.

1 Sôrta Gḭka-Israɛlje 10:13

Sawul wəi mbata yeḛ al ta ta Njesigənea̰’g aa ne dɔ ta ləa el ləm, mbata yeḛ aw dəji deḛ gə́ to njéɓar ndil dəwje gə́ d’wəi lé ɓa ta ləm tɔ.

2 Sôrta Gḭka Israɛlje 33:6

Yeḛ ɔm ŋganeeje pər’d kəm wəl-loo’g lə Hinɔmje, Yeḛ pole néje gə ndo̰-ərje ləm, yeḛ ra némbeḛje ləma, unda njéɓar ndilje karee gər ne néje gə́ d’a gə ree ləm tɔ. Yeḛ ra né gə́ majel gə́ kédé-kédé kəm Njesigənea̰’g mba kar mée ea̰ ne.

Pakɔsje 106:28

D’ɔm na̰’d sad gə magə Baal-Peɔr ləm, D’usɔ da gə́ d’inja gə́ məs d’ar dəwje gə́ d’wəi lé ləm tɔ.

Esai 19:3

Ndil Ejiptəje a teḛ Ndá m’a tuji takə̰ji ko̰ɓee lə dee pugudu, D’a dəji magəje əsé njénékooje ta, Deḛ gə́ to njéɓar ndil dəwje gə́ d’wəi Gə njéndo̰-ərje gə́ d’a gə ree lé tɔ.

Esai 26:14

Deḛ gə́ d’wəi lé D’a tel si kəmba gogo el ləm, Ndil deḛ gə́ d’wəi lé D’a kḭ tar el ləm tɔ, Mbata i ar bo̰ néra dee ɔs ta dee’g ləm, I tuji dee pugudu ləma, I tuji nékolé-mee dɔ’g lə deḛ lai ləm tɔ.

Esai 29:4

D’a tel səi gə́ naŋg ndá Ndui a ɓar gel naŋg’d bər, Babur a kɔg loo koo ndui, Ndui a kḭ naŋg ɓar Asəna gə ndu ndil bèe Dan babur’g lé ɓa i a jém ta ləi keneŋ.

Esai 30:2

Deḛ d’ḭ d’aw Ejiptə lal dəjim Gə mba kiya rɔ dee gin siŋgamoŋ’d lə Parao̰ ləm, Mba kiŋga ne loo-kula-dɔ dee gel Ejiptəje’g ləm tɔ!

Esai 45:11

Njesigənea̰, Njerɔkunda lə Israɛlje, Yeḛ gə́ njekunda dee lé pa togə́bè pana: See deḛ ndigi dəjim ta dɔ né gə́ a gə teḛ gogo wa. See deḛ ndigi kun ndu dee kam m’ra ne né gə́ wɔji dɔ ŋganəmje ləm, Gə dɔ kulaje gə́ jim ɓa ra dee ləm tɔ lé wa.

Esai 47:12

Maji kar sí síje dan nésukəmlooje’g lə sí Gə dan némbeḛje’g lə sí gə́ bula Gə́ seḭ ooje ne ndòo Mbata lə dee gə kas sí ba, Banelə seḭ a kiŋgaje némaji keneŋ, Banelə seḭ a tel toje ne dəwje gə́ to ɓəl kədm-kədm.

Esai 47:13

Seḭ gəŋgje ta njégosoje’g, Daoje ne dao-dao, Maji kar dee d’ḭtar ɓó gə́ d’aji sí, Deḛ gə́ gər néje gə́ dara ləm, Deḛ gə́ njétən-kéréméje ləma, Deḛ gə́ njépa ta néje gə́ d’a gə ree ləm tɔ!

Jeremi 10:10

Nɛ Njesigənea̰ to Ala gə́ tɔgərɔ, Yeḛ to Ala gə́ njesikəmba ləm, Gə mbai gə́ njesi gə ləbee-ləbee Gə no̰ ləm tɔ. Naŋg yə no̰ oŋg’d ləa ləm, Ginkoji dəwje gə raŋg d’askəm Kaar gəs no̰ oŋg-boo’g ləa el ləm tɔ.

Jeremi 27:9

Bèe ndá ta lə njéteggintaje lə sí, gə njéndo̰-ərje lə sí, gə njékoo-né-gə-nije lə sí, gə njétən kéréméje lə sí, gə njémbeḛje lə sí gə́ d’ula sí pana: Seḭ a kosoje gel mbai gə́ Babilɔn’g el lé maji kar sí ooje el.

Ləbije 19:31

Telje rɔ sí go deḛ gə́ njesaŋ ndil dəwje gə́ d’wəi el ləm, əsé go njéndo̰-ərje’g el ləm tɔ, ndolèje goo dee el nà seḭ a mina̰je ne. Ma m’to Njesigənea̰, Ala lə sí.

Ləbije 20:6

Ɓó lé dəw kára aw rɔ dəw gə́ njesaŋ ndil dəwje gə́ d’wəi əsé rɔ njéndo̰-ərje’g mba pole dee ndá m’a kun kəm rəw dɔ debee’g neelé mba kɔree mbuna dəwje’g ləa.

Misee 5:12

N’a kar magəje gə néndajije Godo mbuna sí’g ləm, Seḭ a kundaje barmba no̰ né’d Gə́ seḭ raje gə ji sí lé el ŋga ləm tɔ,

Néra Njékaḭkulaje 16:16

Loo gə́ j’isi j’aw gə́ loo-ra-tamaji ndá ŋgonjelookisi gə́ dené gə́ ndil li-mam to mée’g teḛ dar sí bus, yeḛ to njenékoo gə́ iŋga ne lar ɓai-ɓai ar ɓéeje-je.

Tel tura Godndu 18:10

Maji kar dəw kára kara a kar ŋgonee gə́ diŋgam əsé yeḛ gə́ dené dəs dan pər’g el ləm, njénékooje əsé njétən-kéréméje əsé njémbeḛje d’a godo mbuna sí’g ləma,

Tel tura Godndu 18:11

njéragosɔ-pa-ne-taje əsé dəw gə́ a kaw rɔ njésaŋ ndilje’g, əsé njéndo̰-ərje’g, əsé dəwje gə́ njédəji dəwje gə́ d’wəi ta ləm tɔ lé d’a godo mbuna sí’g tɔ.

1 Njé gə́ Tesalonikə 1:9

Kwa gə́ seḭ wa síje gə́ rɔ sí’g ləm, gə meekun lə sí gə́ seḭ unje arje Ala ləma, gə kya̰ gə́ seḭ ya̰je goo magəje lə sí mba kwa Ala gə́ tɔgərɔ gə́ njesikəmba meḛ sí’g ləm tɔ lé yee ɓa dəwje lai d’ɔr soree ya.

2 Piɛrə 2:1

To gə́ ləw ba, njéteggintaje gə́ ŋgɔm d’isi mbuna dəwje’g lé togə́bè ɓa njékɔrginta gə́ ŋgɔmje d’a kandə mbuna sí-seḭ’g bèe tɔ. D’a kun ta gə goo ŋgəḭ ndoo sí ne taje gə́ kori-kori gə́ a gə tuji sí ləm, deḛ nja d’a mbad mbai gə́ njekoga dɔ dee lé ɓar ne tuji dɔ dee’g karee uba dee naŋg bus ləm tɔ.

1 Samel 28:11

Dené lé dəjee pana: See na̰ ɓa i ndigi kam m’ɓaree m’aree teḛ wa. Ndá yeḛ ilá keneŋ pana: Ɓar Samel ɓa aree teḛ am.

1 Samel 28:16

Samel ulá pana: To gə́ Njesigənea̰ ɔr rəa rɔi’g ari to gə́ njeba̰ ləa mba̰ ŋga, see gelee ban ɓa i dəjim ma ta wa.

1 Samel 28:7

Bèe ɓa Sawul ula kuraje ləa pana: Saŋje dené gə́ njeɓar ndil dəwje gə́ d’wəi amje mba kam m’aw rəa’g m’dəjee ta. Ndá kuraje ləa d’ulá pana: Aa oo, mee ɓee gə́ En-Dɔr lé dené gə́ njeɓar ndil dəwje gə́ d’wəi si keneŋ.

1 Samel 28:8

Yen ŋga Sawul tel rəa ɓəd ula kubuje gə́ raŋg rəa’g ndá aw gə dəwje joo. Deḛ ree loondul’g kəi lə dené lé. Sawul ulá pana: Maji kari ɓar ndil dəw gə́ wəi aree pata né gə́ a gə ree am ndá maji kari ɓar dəw gə́ m’a gə kulai ria nee.