Esai 8:18 - Maktub gə́ To gə Kəmee

¹⁸ Aa ooje, ma jeḛ gə ŋganəmje gə́ Njesigənea̰ am dee lé jeḛ n’toje gə́ nétɔji gə né gə́ teḛ kédé ar dee d’oo mee ɓee gə́ Israɛl, gə́ to né gə́ ḭ rɔ Njesigənea̰ gə́ njeboo-néje’d gə́ si dɔ mbal gə́ Sio̰ lé.

Esai 8:18 ပူးပေါင်းရင်းမြစ်များ

Gḭ-Néje 33:5

Esawu un kəmee gə́ tar oo denéje gə ŋganje ndá yeḛ dəjee pana: See to na̰je ɓa d’aar səi nee wa. Jakob tel ilá keneŋ pana: To ŋganje gə́ Ala wa ne noji gə kura ləi lé ya.

1 Sôrta Gḭka-Israɛlje 23:25

Mbata Dabid lé pana: Njesigənea̰ lə Israɛlje ar koso-dəwje ləa loo-kwa-rɔ dee ndá yeḛ nja a si Jerusalem ya saar gə no̰.

Pakɔsje 22:30

Njésiŋgamoŋje lai gə́ dɔ naŋg nee D’a sɔ né ləm, d’a kunda barmba dəb kəm dee naŋg nea̰’g ləm tɔ, Dəwje lai gə́ d’a gə tel nduji naŋg lé D’a rəm gə no̰ kəji dee yèm gə́ nea̰’g, Deḛ gə́ d’askəm kisi kəmba saar-saar el lé.

Pakɔsje 71:7

Ma lé m’to asəna gə nékɔb mbata lə dəwje bula, Nɛ i ɓa to njo̰loo-kula-dɔm keneŋ gə́ ŋgəŋ ŋgəŋ-ŋgəŋ.

Pakɔsje 9:11

Deḛ gə́ gər rii lé d’ɔm meḛ dee dɔi’g jəb-jəb Mbata i Njesigənea̰ lé deḛ gə́ sa̰gi lé I uba dee ya̰ dee el.

Pakɔsje 9:12

Maji kar sí ɔsje pa arje Njesigənea̰ gə́ si Sio̰ lé, Néreaje gə́ dum dɔ loo lé Maji kar sí ilaje mberee mbuna koso-dəwje’g,

Esai 12:6

Seḭ dəwje gə́ Sio̰, Raje né wəl gə rɔlel gə boo-rɔkal! Mbata Njerɔkunda lə Israɛlje Gə́ to gə́ boo lé aar mbuna sí’g ya.

Esai 14:32

See ta ɗi ɓa d’a kila dəwje gə́ d’ula dee’g lé wa. Ta gə́ kəm kula dee ɓa nee: Njesigənea̰ tum gel Sio̰ Ar koso-dəwje ləa gə́ to njénékəmndooje D’iŋga loo mba kula dɔ dee keneŋ.

Esai 20:3

Bèe ɓa Njesigənea̰ pa pana: To gə́ kura ləm Esai njaa ne gə kudee dum ləm, gə gɔlee kari ba ləm tɔ lé, né gə́ a gə teḛ mee ləbje munda gə́ a gə ree lé a to nétɔji ləm gə né gə́ teḛ kédé ar dee d’oo ləm tɔ gə mbata lə Ejiptəje gə Etiopije tɔ.

Esai 24:23

Naḭ a tel ndul njudu-njudu ləm, Kàr a kɔs el ləm tɔ, Mbata Njesigənea̰ gə́ njeboo-néje a ko̰ɓee Mee ɓee gə́ Jerusalem gə́ to dɔ mbal gə́ Sio̰ Kar rɔnduba ləa ndogó kəm ŋgatɔgje’g ləa ya.

Esai 53:10

Mee Njesigənea̰ ndigi Mba kar dee d’ula kəmee ndòo, Loo gə́ yeḛ a kya̰ rəa Gə́ nékinjaməs gə mbata lə kaiya Ndá yeḛ a koo ŋgakeaje ləm, Ləbje ləa d’a kḭ dɔ maree’d gə́ kédé-kédé ləm tɔ, Né gə́ mee Njesigənea̰ ndigi lé Yeḛ a karee aw lée’g béréré ya.

Esai 7:16

Nɛ ɓad ɓa gə mba kar ŋgon neelé gər loo mbad né gə́ majel gə mba kɔr kəm né gə́ maji ɓəi ndá ɓee gə́ i ɓəl mbaije gə́ joo keneŋ lé a tel to dɔ nduba.

Esai 7:3

Togə́bè Njesigənea̰ ula Esai pana: Aw iŋga Akaj, i seḭ gə ŋgoni Səar-Jasub ta bwa kəm-rəw-mán gə́ ḭ godə loo mán gə́ to tar mbɔr rəw gə́ aw gə́ loo-ndɔ’g lə njetogo kubuje lé.

Esai 8:3

Ma m’aw rɔ njetegginta gə́ dené ndá yeḛ taa kèm tɔɓəi yeḛ oji ŋgon gə́ diŋgam. Njesigənea̰ ulam pana: Maji kam m’unda ria lə Maher-salal-Has-Baj.

Jeremi 44:29

Njesigənea̰ pana: Aa ooje, nétɔji gə́ a kar sí gərje to gə́ m’a gə kar bo̰ néra sí ɔs ta sí’g lée’g neelé gə mba kar sí gərje ne to gə́ taje ləm a kaw ne lée’g béréré dɔ sí’g kar sí síje ne dan némeeko̰’g lé ɓa nee:

Ejekel 12:6

M’a kun né kila dɔ bagm’g kəm dee’g ya teḛ ne raga gə loo gə́ to piro-piro ndá m’a ko̰kəm gə né ɓó m’a koo naŋg el, mbata neḛ ndigi kam m’to nétɔji mbata gel-bɔje lə Israɛl.

Ejekel 14:8

N’a tel kəm neḛ gə́ dɔ dəw’g neelé ndá n’a karee to nétɔji ləm, gə nékunda-kogo ləma, n’a karee udu bo̰ mbuna koso-dəwje’g lə neḛ ləm tɔ. Yen ɓa seḭ a gərje ne to gə́ neḛ n’to Njesigənea̰ ya.

Ejekel 4:3

Maji kam m’un əb-larndul m’ur tar asəna gə ndògo-lar gə́ d’ila bèe mbuna ma’g gə ɓee-boo lé, m’a tel kəm njoroŋ ndá d’a kaḭ dəa sub gə rɔ ləm, ma kara m’a kaḭ dəa sub gə rɔ ləm tɔ. Maji kar né neelé to nétɔji mbata gel-bɔje lə Israɛl.

Jakari 3:8

Bèe ndá i Jujee ŋgɔ-njekinjanéməs, Maji kari oo ta, I seḭ gə njéboalookawje ləi gə́ d’isi nɔḭ’g Mbata dəwje neelé d’a to gə́ nétɔji, Aa oo, n’a kar kura lə neḛ gə́ ria lə Barkəm-kag-gə́-uba lé unda loo teḛ.

Jakari 8:3

Njesigənea̰ pa togə́bè pana: Neḛ n’tel n’ree Sio̰, Neḛ ndigi si dan njé gə́ Jerusalem’g. D’a ɓar Jerusalem lé ɓee-boo gə́ njekila koji ləm, Mbal lə Njesigənea̰ gə́ njeboo-néje lé D’a ɓaree mbal gə́ to gə kəmee ləm tɔ.

Lugu 2:18

Deḛ lai gə́ d’oo ta gə́ njékulbadje d’ula dee lé kaar dee wa dee paḭ.

Lugu 2:34

Simeo̰ tɔr ne ndia dɔ dee’g, ula Mari gə́ ko̰ ŋgonje lé pana: Aa oo, ŋgon neelé d’unda no̰ dee’g ɗaŋg gə né kɔr koso gə nékuba loo kḭ lə dəwje bula gə́ Israɛl ləm, gə nétɔji gə́ a kar dee d’aw ne gə na̰ puduru-puduru ya ləm tɔ.

Tel tura Godndu 28:46

D’a to gə́ nétɔjije gə nédumkooje mbata lə sí ləm, gə mbata lə ŋgaka síje ləm tɔ saar gə no̰.

Ǝbrəje 10:33

Loo gə́ na̰je deḛ d’ila rɔkul dɔ sí’g kəm dəwje’g d’ar sí sije ne dan némeekonje’g ləm, loo gə́ na̰je loo gə́ deḛ ra togə́bè gə mar síje ndá seḭ oreeje rɔ sí sə dee na̰’d més ləm tɔ.

Ǝbrəje 12:22

Nɛ seḭ lé seḭ rəmje pər gə́ mbɔr mbal gə́ Sio̰, ɓee-si Ala gə́ Njesikəmba gə́ to Jerusalem gə́ dara ləm, gə́ loo gə́ dəwje gə́ dara d’isi keneŋ tap-tap nduba rɔ dee ləm,